ព័ត៌មានក្នុងខេត្ត

ថ្លែងបើកវគ្គបណ្ដុះបណ្ដាលជំនាញរៀបចំគម្រោងស្តែម (STEM) ឆ្នាំ២០២៦ នៅខេត្តសៀមរាប នាថ្ងៃទី៨ ខែកញ្ញា ឆ្នាំ២០២៦នេះ ឯកឧត្តម សេរី ជំនះ រដ្ឋលេខាធិការក្រសួងអប់រំ យុវជន និងកីឡា បានថ្លែងថា យុវជនក្នុងសតវត្សទី២១ ត្រូវរៀនឱ្យទាន់សម័យ និងចេះប្រើប្រាស់បច្ចេកវិទ្យា ប៉ុន្តែត្រូវដាច់ខាតមិនត្រូវឱ្យបច្ចេកវិទ្យាគ្រប់គ្រង ឬប្រើយើងវិញឡើយ ត្រូវចេះគិត ចេះសួរ ចេះស្រាវជ្រាវ ចេះបង្កើតថ្មី និងយកចំណេះដឹងទៅដោះស្រាយបញ្ហា និងស្មារតីស្រឡាញ់ជាតិ ដើម្បីក្លាយជាធនធានមនុស្សដែលមានគុណភាពសម្រាប់គ្រួសារ និងសង្គមជាតិ។

រយៈពេល៣ថ្ងៃ គឺថ្ងៃទី២-៤ ខែកញ្ញា ឆ្នាំ២០២៦កន្លងទៅនេះ គណៈប្រតិភូខេត្តសៀមរាប ដឹកនាំដោយ លោក ង៉ូវ សេងកាក់ អភិបាលរងខេត្ត បានចូលរួមមហាសន្និបាតទូទៅនៃសហព័ន្ធទេសចរណ៍អន្តរតំបន់អាស៊ីបូព៌ា (EATOF) លើកទី១៩ ក្រោមប្រធានបទ «សហព័ន្ធទេសចរណ៍អន្តរតំបន់អាស៊ីបូព៌ាថ្មី ឆ្ពោះទៅកាន់សកលភាវូបនីយកម្មក្នុងមូលដ្ឋាន» ដោយមហាសន្និបាតបានផ្ដោតលើការពង្រឹងកិច្ចសហប្រតិបត្តិការទេសចរណ៍ ការអភិវឌ្ឍទេសចរណ៍ប្រកបដោយចីរភាព និងបៃតង ការលើកកម្ពស់ផលិតផលទេសចរណ៍មូលដ្ឋាន ការប្រើប្រាស់បច្ចេកវិទ្យាឌីជីថល និងបញ្ញាសិប្បនិម្មិត ព្រមទាំងការតភ្ជាប់គោលដៅទេសចរណ៍រវាងមូលដ្ឋានសមាជិក។

ស្នាដៃដ៏ប៉ិនប្រសប់ របស់សិប្បកម្មក្រឡឹងត្នោត និងឈើសៀមរាប ទទួលបានការគាំទ្រខ្លាំង ដែលរួមចំណែកយ៉ាងសំខាន់ ក្នុងការបង្កើតឱកាសការងារក្នុងសហគមន៍ និងចូលរួមថែរក្សាវប្បធម៌ខ្មែរបុរាណ

បាគង មានទីតាំងស្ថិតនៅចម្ងាយប្រមាណ១៥គីឡូម៉ែត្រ ភាគអាគ្នេយ៍នៃក្រុងសៀមរាប ក្នុងតំបន់រលួស។ ប្រាសាទនេះគឺជាប្រាសាទដែលមានរាងជាសាជីពិតប្រាកដដំបូងគេបង្អស់ដែលបានកសាងឡើងនៅក្នុងចក្រភពខ្មែរ ដោយយកទម្រង់ដែលក្រុមអ្នកស្រាវជ្រាវបានប្រសិទ្ធនាមថា "ប្រាសាទភ្នំ"។ មុនសម័យប្រាសាទបាគង ទម្រង់ស្ថាបត្យកម្មប្រភេទនេះមិនទាន់បានលេចរូបរាងពេញលេញនៅឡើយទេ ហើយសូម្បីតែនៅប្រាសាទអកយំ ដែលស្ថិតនៅលើទំនប់ខាងត្បូងនៃបារាយណ៍ខាងលិច ក៏ទម្រង់នេះមិនទាន់សម្រេចបានលក្ខណៈសព្វគ្រប់ទាំងស្រុងដែរ។

Siem Reap Provincial Council Urges Early Action to Prevent Floods and Droughts

ផ្សាយផ្ទាល់៖ កម្មវិធីព័ត៌មានពេលព្រឹក ថ្ងៃអង្គារ ១១រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែកញ្ញា ឆ្នាំ២០២៦

នាទីក្រុងប៊ូការ៉េស កាលពីថ្ងៃទី៧ ខែកញ្ញា ឆ្នាំ២០២៦ ឯកឧត្តម ជា ច័ន្ទបរិបូរណ៍ ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រកម្ពុជា ប្រចាំប្រទេសរ៉ូម៉ានី ដែលមាននិវេសនដ្ឋាននៅទីក្រុងសូហ្វីយ៉ា អមដំណើរដោយលោក Mihai Andrițoiu កុងស៊ុលកិត្តិយសនៃកម្ពុជាប្រចាំប្រទេសរ៉ូម៉ានី បានចូលជួបសម្តែងការគួរសម និងពិភាក្សាការងារជាមួយ ឯកឧត្តម Noel Eugene E. Servigon ឯកអគ្គរដ្ឋទូតនៃសាធារណរដ្ឋហ្វីលីពីនប្រចាំប្រទេសរ៉ូម៉ានី។

នាថ្ងៃទី៧ ខែកញ្ញា ឆ្នាំ២០២៦ ព្រះគ្រូវិចិត្រវង្សា ហែម គឹមសាន ចៅអធិការវត្តប្រាសាទគោកចក បាននិមន្តដឹកនាំព្រះសង្ឃ និងសប្បុរសជន ចុះសួរសុខទុក្ខ និងនាំយកគ្រឿងឧបភោគបរិភោគ ព្រមទាំងសម្ភារប្រើប្រាស់ចាំបាច់ ទៅប្រគល់ជូនដល់វីរកងទ័ពជួរមុខនៅតាមបន្ទាត់ព្រំដែន ក្នុងទិសច្រកជុបរុន, ទួល៩៣ និងជាំសាង៉ាំ ខេត្តឧត្តរមានជ័យ។

សង្កាត់ស្វាយដង្គំ ក្រុងសៀមរាប ត្រៀមទទួលបានផ្លូវថ្មីមួយខ្សែ ក្រោមការដឹកនាំរបស់ឯកឧត្តមនាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងឯកឧត្តម ប្រាក់ សោភ័ណ អភិបាលខេត្តសៀមរាប ដើម្បីសម្រួលការធ្វើដំណើរ និងលើកម្ពស់សោភ័ណភាពក្រុង។

នារសៀល ថ្ងៃទី០៧ ខែកញ្ញា ឆ្នាំ២០២៦នេះ

ផ្សាយផ្ទាល់៖ ព័ត៌មានប្រចាំថ្ងៃរបស់វិទ្យុ និងទូរទស្សន៍ជាតិខេត្តសៀមរាប - ព័ត៌មានក្នុងខេត្ត ព័ត៌មានក្នុងប្រទេស ព័ត៌មានអន្តរជាតិ Live: Daily news of Siem Reap National TV - National news and international news ថ្ងៃចន្ទ ១០រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែកញ្ញា ឆ្នាំ២០២៦

ក្នុងឱកាសដឹកនាំកិច្ចប្រជុំសាមញ្ញលើកទី២៨ របស់ក្រុមប្រឹក្សាខេត្តសៀមរាប នាថ្ងៃទី៧ ខែកញ្ញា ឆ្នាំ២០២៦នេះ ឯកឧត្តម តោ គឹមស៊ាន សមាជិកក្រុមប្រឹក្សាខេត្ត បានសង្កត់ធ្ងន់លើការយកចិត្តទុកដាក់ខ្ពស់របស់រាជរដ្ឋាភិបាលចំពោះបញ្ហាគ្រោះរាំងស្ងួត និងគ្រោះទឹកជំនន់ ដោយឯកឧត្តមបានណែនាំដល់រដ្ឋបាលក្រុង-ស្រុក ត្រៀមលក្ខណៈសម្បត្តិឱ្យបានរួចរាល់ ក្នុងការកំណត់ទីតាំង និងចុះស្តារស្ទឹង អូរ និងប្រឡាយ ដើម្បីបើកចរន្តទឹកហូរការពារការលិចលុងលំនៅឋាន និងផលដំណាំរបស់ប្រជាពលរដ្ឋ ព្រមទាំងការស្តារអាងទឹក ត្រពាំង និងបឹងបួរ សម្រាប់ស្តុកទឹកទុកប្រើប្រាស់ប្រចាំថ្ងៃ បង្កបង្កើនផល និងត្រៀមអន្តរាគមន៍ពេលមានគ្រោះរាំងស្ងួត។