ព័ត៌មានក្នុងខេត្ត

ការប្រារព្ធទិវាអូហ្សូន មិនត្រឹមតែជាការអបអរសាទរសមិទ្ធផលដ៏អស្ចារ្យនៃ «ពិធីសារម៉ុងរ៉េអាល់» និង «វិសោធនកម្មទីក្រុងគីហ្កាលី» ប៉ុណ្ណោះទេ ប៉ុន្តែក៏ជាការអំពាវនាវដ៏មានអត្ថន័យដល់បណ្ដាប្រទេសទាំងអស់ វិស័យឯកជន ស្ថាប័នពាក់ព័ន្ធ និងប្រជាពលរដ្ឋគ្រប់រូប ឱ្យបន្តរួមគ្នាបង្កើនសកម្មភាពជាក់ស្ដែង។

ការដាំផ្សិតចំបើងក្នុងរោងទាមទារឱ្យមានការរៀបចំវត្ថុធាតុដើមឱ្យបានត្រឹមត្រូវ និងតាមបច្ចេកទេសច្បាស់លាស់ ដើម្បីធានាថាផ្សិតលូតលាស់បានល្អ ទទួលបានផលច្រើន និងមានគុណភាពខ្ពស់សម្រាប់ផ្គត់ផ្គង់ទីផ្សារ។

ក្នុងឆ្នាំ២០២៦នេះ នាយកដ្ឋានអភិវឌ្ឍន៍ទេសចរណ៍ និងវប្បធម៌នៃអាជ្ញាធរជាតិអប្សរា បានរៀបចំដំឡើងកៅអីនៅតាមប្រាសាទបុរាណសំខាន់ៗ និងទីតាំងចាំបាច់នានាមួយចំនួនក្នុងរមណីយដ្ឋានអង្គរ ដើម្បីឱ្យភ្ញៀវទេសចរបានអង្គុយសម្រាកយកកម្លាំង បំបាត់ភាពនឿយហត់នៅពេលដើរទស្សនាពីប្រាសាទមួយទៅប្រាសាទមួយ។ ពិសេសគឺទេសចរវ័យចំណាស់ ក្មេងតូចៗ និងជនពិការ អាចអង្គុយរង់ចាំ ឬអង្គុយទស្សនាប្រាសាទពីចម្ងាយបានដោយក្តីរីករាយ។

ប្រជាពលរដ្ឋរស់នៅក្នុងភូមិបន្ទាយចាស់ សង្កាត់ស្លក្រាម ក្រុងសៀមរាប ខេត្តសៀមរាប នឹងកាន់តែមានភាពងាយស្រួល ក្រោយអាជ្ញាធរសង្កាត់បានធ្វើការសាងសង់ផ្លូវបេតុងមួយខ្សែ ប្រវែងជាង ៣០០ម៉ែត្រ ដើម្បីស្រួលដល់ការធ្វើដំណើរ និងកាត់បន្ថយនូវទឹកជំនន់ជន់លិចលំនៅឋានរបស់ពួកគាត់។

ក្នុងឱកាសចុះត្រួតពិនិត្យការធ្វើបច្ចុប្បន្នភាពរបស់មូលដ្ឋានកងរាជអាវុធហត្ថស្រុកបន្ទាយស្រី ក្រោមការណែនាំ និងចង្អុលបង្ហាញរបស់ ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស នៅថ្ងៃទី៣ ខែកញ្ញា ឆ្នាំ២០២៦ លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប បានណែនាំដល់មេបញ្ជាការ និងកងកម្លាំងអាវុធហត្ថក្រុងស្រុក ត្រូវតែក្ដោបព័ត៌មានក្នុងមូលដ្ឋានឱ្យច្បាស់លាស់ ដើម្បីបង្រ្កាបបទល្មើសផ្សេងៗ និងទប់ស្កាត់បានទាន់ពេលវេលា សំខាន់បទល្មើសឆបោកតាមប្រព័ន្ធបច្ចេកវិទ្យា (Online Scams) និងគ្រឿងញៀន។

On September 2, 2026, Siem Reap Deputy Governor Madam Monny Rangsey led a meeting with the Maryse Organization, headed by its Cambodia Country Director, Mister Dy Noeut. The meeting focused on building strong partnerships to protect women and children from human trafficking and all forms of abuse.

រដ្ឋបាលខេត្តសៀមរាប បានប្ដេជ្ញាចិត្តយ៉ាងមុតមាំក្នុងការបន្តកិច្ចសហការ គាំទ្រ និងអនុវត្តយ៉ាងម៉ឺងម៉ាត់តាមការណែនាំរបស់គណៈកម្មាធិការជាតិប្រឆាំងទារុណកម្ម ក្នុងគោលបំណងរួមគ្នា លុបបំបាត់ឱ្យអស់នូវរាល់សកម្មភាពទារុណកម្ម អំពើឃោរឃៅ និងអំពើអមនុស្សធម៌ គ្រប់រូបភាពចេញពីសង្គមជាតិយើង ដើម្បីលើកកម្ពស់ការគោរពសិទ្ធិមនុស្ស និងសេចក្ដីថ្លៃថ្នូររបស់មនុស្សជាតិ។

នៅថ្ងៃទី២ ខែកញ្ញា ឆ្នាំ២០២៦ ក្រសួងទេសចរណ៍ សហការជាមួយរដ្ឋបាលខេត្តសៀមរាប មូលនិធិអភិវឌ្ឍន៍ជំនាញ និងសមាគមសហព័ន្ធយុវជនសេដ្ឋកិច្ចកម្ពុជា បានរៀបចំសិក្ខាសាលាស្ដីពី «យុទ្ធនាការផ្សព្វផ្សាយការអភិវឌ្ឍសេដ្ឋកិច្ចក្រៅប្រព័ន្ធ ការអភិវឌ្ឍជំនាញវិជ្ជាជីវៈ និងការពង្រឹងគុណភាពសេវាកម្មក្នុងវិស័យទេសចរណ៍» ដើម្បីជំរុញការអនុវត្ត «យុទ្ធសាស្ត្រជាតិស្ដីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨» របស់រាជរដ្ឋាភិបាល តាមរយៈការផ្សព្វផ្សាយឱ្យអ្នកប្រកបអាជីវកម្ម និងអ្នកផ្ដល់សេវាកម្មទេសចរណ៍យល់ដឹងកាន់តែច្បាស់អំពីការចុះឈ្មោះតាមថ្នាលឌីជីថល ការទទួលបានអាហារូបករណ៍រៀនជំនាញវិជ្ជាជីវៈ និងការពង្រឹងគុណភាពសេវាកម្មទេសចរណ៍ដើម្បីលើកកម្ពស់ជីវភាពរស់នៅ។

‎នៅថ្ងៃទី២ ខែកញ្ញា ឆ្នាំ២០២៦នេះ លេខាធិការដ្ឋាននៃគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តសៀមរាប ដឹកនាំដោយ លោកស្រី ម៉ននី រង្សី អភិបាលរងខេត្ត បានជួបសម្តែងការគួរសម និងពិភាក្សាការងារ ជាមួយអង្គការម៉ារីស៊ី ដឹកនាំដោយ លោក ឌី នឿត នាយកប្រតិបត្តិអង្គការម៉ារីស៊ី ប្រចាំប្រទេសកម្ពុជា ដើម្បីបង្ហាញអំពីការស្វែងរកមតិគាំទ្រ និងកិច្ចសហការក្នុងការអនុវត្តគម្រោងគាំពារជនរងគ្រោះ ដើម្បីជួយគាំទ្រទៅដល់ស្ត្រី និងកុមារឱ្យជៀសផុតពីអំពើជួញដូរ និងរំលោភបំពានគ្រប់ទម្រង់។

ឯកសារនៃការវិនិច្ឆ័យស្ថិតក្នុងឃុំសែនសុខ ស្រុកក្រឡាញ់ ខេត្តសៀមរាប ចំនួន ១២ ៩១២ ក្បាលដី ត្រូវបានបិទផ្សាយជាសារធារណៈរយៈពេល ១៥ថ្ងៃ ចាប់ពីថ្ងៃទី២ ដល់ថ្ងៃទី១៦ ខែកញ្ញា ឆ្នាំ២០២៦ ក្នុងបរិវេណវត្តប្រាសាទរតនៈត្រពាំងក្រសាំង ដើម្បីផ្តល់ឱកាសជូនប្រជាពលរដ្ឋ និងអ្នកពាក់ព័ន្ធ ចូលរួមពិនិត្យផ្ទៀងផ្ទាត់ព័ត៌មានអំពីទីតាំងដី ទំហំដី និងឈ្មោះម្ចាស់ដី មុននឹងឈានទៅចុះបញ្ជីក្បាលដី និងផ្តល់បណ្ណកម្មសិទ្ធិ។

ការកាត់បន្ថយការប្រើប្រាស់ដបទឹកប្លាស្ទិកប្រភេទប្រើម្ដងបោះចោល និងការលើកទឹកចិត្ត ឱ្យប្រើប្រាស់ដបទឹកដែលអាចប្រើឡើងវិញបាន កំពុងក្លាយជាវិធានការដ៏មានសារៈសំខាន់ក្នុងការចូលរួមការពារសុខភាព និងបរិស្ថាន ជាពិសេសនៅតាមគ្រឹះស្ថានសិក្សា។ ឆ្លើយតបនឹងបញ្ហានេះ សាលាអនុវិទ្យាល័យ ហ៊ុន សែន រលួស ដែលមានទីតាំងស្ថិតក្នុងស្រុកប្រាសាទបាគង ខេត្តសៀមរាប បានដាក់ចេញនូវយុទ្ធនាការដ៏មានន័យមួយក្រោមប្រធានបទ «សិស្សម្នាក់ ត្រូវមានដបទឹកមួយ» ដែលកំពុងទទួលបានការគាំទ្រ និងចូលរួមយ៉ាងសកម្មពីសំណាក់លោកគ្រូ អ្នកគ្រូ និងសិស្សានុសិស្ស។

ក្នុងជួយសម្រួលដល់ជីវភាពរស់នៅប្រចាំថ្ងៃ ជាពិសេសការហូបចុកដែលធានាពីសុវត្ថិភាព លោក វឺង សារ៉ា ដែលជាកសិកររស់នៅភូមិបឹងខ្នារ ឃុំខ្នាត ស្រុកពួក ខេត្តសៀមរាប បានលើកទឹកចិត្តដល់បងប្អូនប្រជាពលរដ្ឋដែលមានដីទំនេរជុំវិញផ្ទះ គួរតែឆ្លៀតឱកាសផ្លាស់ប្ដូរមកដាំដំណាំចម្រុះ ឬដំណាំហូបផ្លែ ដើម្បីជួយសម្រួលដល់ជីវភាពប្រចាំថ្ងៃកាន់តែល្អប្រសើរ។