ព័ត៌មានក្នុងខេត្ត

គម្រោងសាងសង់ផ្លូវបេតុងមួយខ្សែ ប្រវែងជាង ៥០០ម៉ែត្រ ស្ថិតក្នុងភូមិដូនរាជ្យ ឃុំគោកធ្លកក្រោម ស្រុកជីក្រែង ខេត្តសៀមរាប ត្រូវបានប្រកាសបញ្ចប់ការដេញថ្លៃដោយជោគជ័យ នៅថ្ងៃទី២២ ខែមិថុនា ឆ្នាំ២០២៦នេះ ដោយមានការចូលរួមពីមន្ត្រីបច្ចេកទេសខេត្ត អាជ្ញាធរស្រុក គណៈកម្មការលទ្ធកម្មឃុំ ក្រុមហ៊ុនម៉ៅការ អ្នកសារព័ត៌មាន និងអ្នកពាក់ព័ន្ធជាច្រើនរូប។

ចាប់ពីខែកក្កដា ឆ្នាំ២០២៦តទៅ ប្រជាពលរដ្ឋរស់នៅក្នុងភូមិឈូក ភូមិបុស្ស និងភូមិដំរីឆ្លង ឃុំខ្នារពោធ៍ ស្រុកសូទ្រនិគម នឹងមានទឹកស្អាតប្រើប្រាស់ជាផ្លូវការ ពីគម្រោងសាងសង់ស្ថានីយ៍ទឹកស្អាត ជំហានទី១ ក្រោមការគាំទ្រថវិកា និងបច្ចេកទេសពីអង្គការទស្សនៈពិភពលោក និងមានការសម្របសម្រួលពីអាជ្ញាធរមូលដ្ឋាន ក្នុងគោលបំណងលើកកម្ពស់សុខុមាលភាព និងកម្រិតជីវភាពរស់នៅរបស់ប្រជាពលរដ្ឋឱ្យកាន់តែប្រសើរឡើង។

នារសៀលថ្ងៃទី២២ ខែមិថុនា ឆ្នាំ២០២៦ រដ្ឋបាលស្រុកបន្ទាយស្រី បានរៀបចំពិធីប្រកាសចូលកាន់មុខតំណែងអភិបាលរង នៃគណៈអភិបាលស្រុកបន្ទាយស្រី ក្រោមអធិបតីភាពលោក សុខ ថុល អភិបាលរងខេត្តសៀមរាប។ ពិធីនេះមានការអញ្ជើញចូលរួមពីថ្នាក់ដឹកនាំរដ្ឋបាលស្រុក មន្ត្រីរាជការ កងកម្លាំងប្រដាប់អាវុធ និងមន្ត្រីពាក់ព័ន្ធជាច្រើនរូបក្នុងមូលដ្ឋាន ដើម្បីចូលរួមអបអរសាទរ និងជាសក្ខីភាពក្នុងពិធីប្រកាសតែងតាំងមុខតំណែងថ្មីនេះ។ ក្នុងឱកាសនោះ ថ្នាក់ដឹកនាំបានផ្តល់អនុសាសន៍ណែនាំដល់អភិបាលរងស្រុកដែលទើបចូលកាន់តំណែង ឱ្យខិតខំបំពេញភារកិច្ច ដោយយកចិត្តទុកដាក់លើការបម្រើប្រជាពលរដ្ឋ ការអភិវឌ្ឍមូលដ្ឋាន និងការអនុវត្តតួនាទីភារកិច្ចឱ្យមានប្រសិទ្ធភាព ស្របតាមគោលនយោបាយរបស់រាជរដ្ឋាភិបាល។

ការដេញថ្លៃគម្រោងសាងសង់ផ្លូវបេតុងអាមេ ១ខ្សែ ក្នុងឃុំពង្រលើ ស្រុកជីក្រែង ខេត្តសៀមរាប ត្រូវបានប្រកាសបញ្ចប់ការដេញថ្លៃដោយជោគជ័យ នៅថ្ងៃទី២២ ខែមិថុនា ឆ្នាំ២០២៦នេះ ដោយមានការចូលរួមពីមន្ត្រីបច្ចេកទេសខេត្ត អាជ្ញាធរស្រុក គណៈកម្មការលទ្ធកម្មឃុំ ក្រុមហ៊ុនម៉ៅការ អ្នកសារព័ត៌មាន និងអ្នកពាក់ព័ន្ធជាច្រើនរូប។

កាលពីថ្ងៃទី២០ ខែមិថុនា ឆ្នាំ២០២៦ ឯកឧត្តមសន្តិបណ្ឌិត ឆៃ ស៊ីណារិទ្ធ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានលេខាធិការដ្ឋាន គណៈកម្មការចំពោះកិច្ច ប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា និង លោកជំទាវ អមដំណើរដោយ ឯកឧត្តម មាន ចាន់យ៉ាដា អភិបាលខេត្តឧត្តរមានជ័យ បាននាំយកទៀនព្រះវស្សា ទេយ្យវត្ថុ បច័្ចយ និងគ្រឿងបរិក្ខារវេរប្រគេនដល់ព្រះចៅអធិការវត្តចំនួន៨ ក្នុងខេត្តសៀមរាប ដែលការប្រគេននេះធ្វើឡើងនៅវត្តព្រះអង្គគោកធ្លក សង្កាត់គោកចក ក្រុងសៀមរាប។

ថ្លែងនៅក្នុងពិធីបើកក្នុងកម្មវិធី «ជជែកលើវិថីទេសចរណ៍រដូវកាលបៃតង ឆ្នាំ២០២៦» ដែលបានរៀបចំឡើងនៅលើទឹកដីបេតិកភណ្ឌវប្បធម៌ពិភពលោក ក្នុងខេត្តសៀមរាបនារាត្រីថ្ងៃទី២០ ខែមិថុនា ឆ្នាំ២០២៦ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានមានប្រសាសន៍ថា រដូវវស្សាមិនមែនជាឧបសគ្គនៃការដើរកម្សាន្តនោះទេ ប៉ុន្តែវាជា រដូវកាលបៃតង ដែលមានភាពទាក់ទាញខ្លាំង ដោយសារធម្មជាតិមានភាពស្រស់បំព្រង ព្រៃឈើខៀវខ្ចី ប្រាសាទបុរាណមានស្លែគ្របដណ្តប់បង្កើតបានជាផ្ទាំងទស្សនីយភាពប្លែកភ្នែក និងមានខ្យល់អាកាសបរិសុទ្ធ។

ប្រជាពលរដ្ឋម្នាក់ដែលរងគ្រោះថ្នាក់យ៉ាងធ្ងន់ធ្ងរដោយសារសំណល់អាវុធជាតិផ្ទុះពីសង្គ្រាម បានសម្ដែងក្ដីរំភើប និងថ្លែងអំណរគុណយ៉ាងជ្រាលជ្រៅចំពោះក្រុមគ្រូពេទ្យ នៃមន្ទីរពេទ្យបង្អែកខេត្តសៀមរាប ក៏ដូចជាអាជ្ញាធរពាក់ព័ន្ធទាំងអស់ ដែលបានខិតខំប្រឹងប្រែងជួយសង្គ្រោះអ្នកស្រីរហូតដល់ជាសះស្បើយ និងអាចវិលត្រឡប់ទៅជួបជុំក្រុមគ្រួសារវិញ។

‎កាលពីថ្ងៃទី១៩ ខែមិថុនា ឆ្នាំ២០២៦ រដ្ឋបាលស្រុកប្រាសាទបាគង ខេត្តសៀមរាប បានបើកវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុក អាណត្តិទី៤ ឆ្នាំ២០២៦ ដើម្បីប្រមូលរាល់ក្ដីកង្វល់ និងតម្រូវការចាំបាច់របស់បងប្អូនប្រជាពលរដ្ឋក្នុងកន្ទ្រាំង និងឃុំត្រពំាងធំ យកមកធ្វើការដោះស្រាយ ឆ្លើយតបនឹងតម្រូវការជាក់ស្ដែងឱ្យកាន់តែល្អប្រសើរ។

នៅថ្ងៃទី១៩ ខែមិថុនា ឆ្នាំ២០២៦នេះ ក្រសួងទេសចរណ៍ សហការនឹងរដ្ឋបាលខេត្តសៀមរាប បានរៀបចំសិក្ខាសាលាស្ដីពីការផលិតមាតិកាផ្សព្វផ្សាយយុទ្ធនាការ ទស្សនាកម្ពុជានៅរដូវកាលបៃតងឆ្នាំ២០២៦ នៅខេត្តសៀមរាប ដើម្បីចែករំលែកនូវបទពិសោធន៍ និងទស្សនទានល្អៗ ក្នុងការលើកកម្ពស់លើជំនាញផលិតមាតិកាផ្សព្វផ្សាយអំពីទេសចរណ៍ក្នុងរដូវកាលបៃតង ជូនដល់ក្រុមអ្នកផលិតមាតិកា។

ឯកសារនៃការវិនិច្ឆ័យសម្រាប់ការចុះបញ្ជីដីធ្លីមានលក្ខណៈជាប្រព័ន្ធ សម្រាប់ភូមិចំនួន១៣ រួមមាន៖ ភូមិថ្នល់ ភូមិភ្នៅ ភូមិម្កាក់ ភូមិគោកចាន់ ភូមិករលំ ភូមិទំពូង ភូមិប្រាំដំឡឹង ភូមិតាលាវ ភូមិបាយម៉ាត ភូមិត្រពាំងភ្លោះ ភូមិតាសោម ភូមិគោកថ្មី និងភូមិស្វាយជុំ ឃុំតាសោម ស្រុកអង្គរជុំ ខេត្តសៀមរាប ត្រូវបានបិទផ្សាយជាសាធារណៈ ចាប់ពីថ្ងៃទី១៩ ខែមិថុនា រហូតដល់ថ្ងៃទី៩ ខែកក្កដា ឆ្នាំ២០២៦ នៅក្នុងបរិវេណវត្តប្រាសាទធ្នង់ ហៅវត្តក្រឡាញ់។

ព្រឹត្តិការណ៍យោគៈអន្តរជាតិលើកទី១២ ត្រូវបានប្រារព្ធឡើង នៅសួនច្បារមុខព្រះរាជដំណាក់ ក្រុងសៀមរាប នាព្រឹកថ្ងៃទី១៩ ខែមិថុនា ឆ្នាំ២០២៦នេះ ខណៈ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍កម្ពុជា ចាត់ទុកព្រឹត្តិការណ៍នេះ ថាជាការជំរុញការផ្សព្វផ្សាយគោលដៅទេសចរណ៍កម្ពុជា ឱ្យកាន់តែទូលំទូលាយទៅកាន់ទីផ្សារឥណ្ឌា។

នៅព្រឹកថ្ងៃទី១៩ ខែមិថុនា ឆ្នាំ២០២៦ លោកជំទាវ ស៊ិន ណម ប្រធានគណៈកម្មាធិការពិគ្រោះយោបល់កិច្ចការស្រ្ដី និងកុមារខេត្តសៀមរាប និង លោកស្រី ម៉ននី រង្សី អភិបាលរងខេត្ត បានអញ្ជើញដឹកនាំកិច្ចប្រជុំប្រចាំត្រីមាសទី២ ឆ្នាំ២០២៦ សម្របសម្រួលត្រួតពិនិត្យលើសូចនាករទាំង២២ ស្ដីពីការអនុវត្តផែនការសកម្មភាពកិច្ចការពារកុមារខេត្ត ដើម្បីធ្វើការពិភាក្សាទៅលើរបាយការណ៍ ក៏ដូចជាស្ដាប់នូវបញ្ហាប្រឈម និងសំំណូមពររបស់រដ្ឋបាលក្រុងស្រុកទាំង១៣ ក្នុងផែនការសកម្មភាពកិច្ចការពារកុមារ។