ព័ត៌មានក្នុងខេត្ត

កិច្ចប្រជុំត្រួតពិនិត្យវឌ្ឍនភាពគម្រោងស្តារស្ទឹងសៀមរាប ជំហានទី២ នៅរដ្ឋបាលខេត្តសៀមរាប នាថ្ងៃទី២៥ ខែមិថុនា ឆ្នាំ២០២៦ ដើម្បីលើកកម្ពស់សោភ័ណភាពក្នុងក្រុង អាជ្ញាធរខេត្តជំរុញឱ្យមានការរៀបចំសួនច្បារ ការដាំដើមឈើលម្អអមសងខាងផ្លូវតាមបណ្តោយស្ទឹង និងការរៀបចំបណ្តាញអគ្គិសនីបំភ្លឺតាមទីសាធារណៈ។ ក្រៅពីនេះ ក៏មានការស្ថាបនាជញ្ជាំងការពារដីបាក់ ការរៀបចំការ៉ូឡាសម្រាប់ថ្មើរជើង និងគន្លងផ្លូវជិះកង់ ដើម្បីប្រែក្លាយតំបន់នេះទៅជាកន្លែងលំហែកាយ កម្សាន្ត និងហាត់ប្រាណរបស់ប្រជាពលរដ្ឋ ព្រមទាំងភ្ញៀវទេសចរជាតិ និងអន្តរជាតិ។

នាព្រឹកថ្ងៃទី២៦ ខែមិថុនា ឆ្នាំ២០២៦ ក្រសួងសាធារណការ និងដឹកជញ្ជូន សហការជាមួយរដ្ឋបាលខេត្តសៀមរាប និងក្រុមហ៊ុនហុងដា បានរៀបចំកម្មវិធី យុទ្ធនាការផ្សព្វផ្សាយសុវត្ថិភាពចរាចរណ៍ផ្លូវគោក ក្រោមវត្តមានឯកឧត្តម ម៉ា ស៊ុនហួត អនុរដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការរងនៃគណៈកម្មាធិការជាតិសុវត្ថិភាពចរាចរណ៍ផ្លូវគោក នៅបរិវេណចូលច្បារព្រះរាជដំណាក់។ យុទ្ធនាការនេះរៀបចំឡើងក្នុងគោលបំណងលើកកម្ពស់ការយល់ដឹងរបស់ប្រជាពលរដ្ឋ និងអ្នកប្រើប្រាស់ផ្លូវ ឱ្យចូលរួមគោរពច្បាប់ចរាចរណ៍ផ្លូវគោក ដោយផ្តោតលើការពាក់មួកសុវត្ថិភាព ការប្រើប្រាស់ប្រព័ន្ធបើកភ្លើងស្វ័យប្រវត្តិ និងការបង្កើនស្មារតីទទួលខុសត្រូវ ដើម្បីរួមចំណែកកាត់បន្ថយគ្រោះថ្នាក់ចរាចរណ៍ និងការពារអាយុជីវិតអ្នកធ្វើដំណើរគ្រប់រូប។

‎ ‎នៅព្រឹកថ្ងៃទី២៥ ខែមិថុនា ឆ្នាំ២០២៦នេះ លោក យឿន ចាន់ អនុប្រធានមន្ទីរព័ត៌មានខេត្ត ទទួលបន្ទុករួម បានដឹកនាំលោក លោកស្រីជាថ្នាក់ដឹកនាំមន្ទីរ នាំយកថវិកា ចូលរួមជាមួយមូលនិធិគន្ធបុប្ផាកម្ពុជា ដែលមានសម្ដេចអគ្គមហាសេនាបតីតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាស្ថាបនិក និង សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជាប្រធានកិត្តិយស ដើម្បីជាការចូលរួមចំណែកក្នុងកិច្ចដំណើរការផ្ដល់សេវាពិនិត្យ ព្យាបាលជំងឺដល់កុមារកម្ពុជា។ ‎

នៅព្រឹកថ្ងៃទី២៥ ខែមិថុនា ឆ្នាំ២០២៦នេះ រដ្ឋបាលខេត្តសៀមរាប បានរៀបចំសិក្ខាសាលាផ្សព្វផ្សាយសៀវភៅផែនការសកម្មភាព ស្ដីពីការគាំពារ និងអភិវឌ្ឍន៍កុមារតូច ឆ្នាំ២០២៦-២០២៨ ក្រោមអធិបតីភាព ឯកឧត្តម លី សំរឹទ្ធ ប្រធានក្រុមប្រឹក្សាខេត្ត ឯកឧត្តមបណ្ឌិត ប្រាក់ កុសល អគ្គលេខាធិការរងនៃអគ្គលេខាធិការដ្ឋានគណៈកម្មាធិការជាតិគាំពារ និងអភិវឌ្ឍន៍កុមារតូច លោកស្រី ម៉ននី រង្សី អភិបាលរងខេត្ត និងជាប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារខេត្តសៀមរាប។

នៅថ្ងៃទី២៤ ខែមិថុនា ឆ្នាំ២០២៦ អគ្គនាយកដ្ឋានអន្តោប្រវេសន៍នៃក្រសួងមហាផ្ទៃកម្ពុជា បានបើកកិច្ចប្រជុំប្រចាំឆ្នាំថ្នាក់អគ្គនាយកអន្តោប្រវេសន៍ និងប្រធានកុងស៊ុលអាស៊ាន (DGICM) លើកទី២៩ ក្រោមប្រធានបទ “ការធ្វើបរិវត្តកម្មឌីជីថល និងនវានុវត្តន៍ធនធានមនុស្ស ឆ្ពោះទៅកាន់តំបន់អាស៊ានដែលមានសុវត្ថិភាព និងសមាហរណកម្ម” ដែលប្រធានបទនេះមានភាពចាំបាច់ក្នុងបរិបទបច្ចុប្បន្ន ដែលបទល្មើសឆ្លងដែនកាន់តែមានលក្ខណៈស្មុគស្មាញ និងមានការប្រើប្រាស់បច្ចេកវិទ្យាទំនើប។

គម្រោងសាងសង់ផ្លូវកៅស៊ូ DBST មួយខ្សែ ប្រវែងជាង១គីឡូម៉ែត្រ រួមទាំងបំពាក់សូឡាបំភ្លឺផ្លូវ ក្នុងសង្កាត់នគរធំ ក្រុងសៀមរាប ខេត្តសៀមរាប ត្រូវបានបញ្ចប់ការដេញថ្លៃប្រកបដោយជោគជ័យ នៅថ្ងៃទី២៤ ខែមិថុនា ឆ្នាំ២០២៦នេះ ដោយមានការចូលរួមពី មន្ត្រីបច្ចេកទេសខេត្ត គណៈកម្មការលទ្ធកម្មសង្កាត់ ក្រុមហ៊ុនម៉ៅការ អ្នកសារព័ត៌មាន រួមនឹងអ្នកពាក់ព័ន្ធផ្សេងទៀត។

នៅព្រឹកថ្ងៃទី២៤ ខែមិថុនា ឆ្នាំ២០២៦នេះ សមាគមយុវជនខ្មែរ ក្រោមការគាំទ្រពីអង្គការភ្លែនអន្តរជាតិ បានធ្វើទស្សនាកិច្ចសិក្សា និងពង្រឹងសមត្ថភាពអ្នករាយការណ៍សហគមន៍ លើការផលិតព័ត៌មាន និងមាតិកា នៅមន្ទីរព័ត៌មានខេត្តសៀមរាប ដើម្បីពង្រឹងសមត្ថភាពអ្នករាយការណ៍សហគមន៍ លើការយល់ដឹងអំពីវិស័យប្រព័ន្ធផ្សព្វផ្សាយ ការសរសេរអត្ថបទព័ត៌មាន និងការផលិតមាតិកាដោយគោរពតាមក្រមសីលធម៌ និងវិជ្ជាជីវៈ។

ដើម្បីពន្លឿនការស្តារ និងអភិវឌ្ឍវិស័យទេសចរណ៍ក្នុងខេត្តសៀមរាប ឱ្យមានភាពរស់រវើកឡើងវិញ ឯកឧត្តមទេសរដ្ឋមន្ត្រី ថោង ខុន ប្រធានគណៈកម្មការគ្រប់គ្រង និងអភិវឌ្ឍន៍ទេសចរណ៍សៀមរាប-អង្គរ (គ.អ.ទ.ស) បានណែនាំឱ្យគ្រប់ភាគីពាក់ព័ន្ធអនុវត្តយុទ្ធសាស្ត្រតាមខ្សែច្រវាក់តម្លៃទេសចរណ៍ចំនួន ៤ជំហានធំៗ “ពីដើមខ្សែ ដល់ចុងខ្សែ”។

នៅថ្ងៃទី២៣ ខែមិថុនា ឆ្នាំ២០២៦ លោកជំទាវ កែវ ចរិយា អនុប្រធានក្រុមប្រឹក្សាជាតិកម្ពុជាដើម្បីស្ត្រី បានដឹកនាំប្រតិភូអន្តរក្រសួងចុះជួបពិភាក្សាជាមួយរដ្ឋបាលខេត្តសៀមរាប ដើម្បីតាមដាន និងវាយតម្លៃការអនុវត្តច្បាប់ជាតិ គោលនយោបាយ និងអនុសាសន៍របស់រាជរដ្ឋាភិបាល សំដៅលើកកម្ពស់ស្ថានភាពជីវភាព តួនាទី និងសុខុមាលភាពរបស់ស្ត្រីក្នុងរដ្ឋបាលខេត្តសៀមរាប។

ក្នុងពិធីប្រកាសចូលកាន់តំណែងអភិបាលរងស្រុកអង្គរធំ នៅព្រឹកថ្ងៃទី២៤ ខែមករា ឆ្នាំ២០២៦ លោក អ៊ឹង គឹមលាង អភិបាលរងខេត្តសៀមរាប បានណែនាំដល់រដ្ឋបាលស្រុក ក្រុមប្រឹក្សាស្រុក និងមន្ត្រីរាជការទាំងអស់ ឱ្យរួមគ្នាពង្រឹងសក្ដានុពលសេដ្ឋកិច្ចមូលដ្ឋាន ដើម្បីលើកកម្ពស់ជីវភាពប្រជាពលរដ្ឋឱ្យកាន់តែប្រសើរឡើង។

នៅថ្ងៃទី២៣ ខែមិថុនា ឆ្នាំ២០២៦នេះ រដ្ឋបាលស្រុកប្រាសាទបាគង បានបន្តបើកវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាស្រុក ដើម្បីប្រមូលរាល់ក្តីកង្វល់ និងតម្រូវការចាំបាច់របស់បងប្អូនប្រជាពលរដ្ឋក្នុងឃុំរលួស មានជ័យ និងឃុំកំពង់ភ្លុក ដើម្បីយកមកពិភាក្សា និងឆ្លើយតប។

‎ ‎ក្រសួងព័ត៌មាន បានរៀបចំវគ្គបណ្ដុះបណ្ដាលលើកកម្ពស់សមត្ថភាពមន្ត្រីលើ «ជំនាញសរសេរព័ត៌មានតាមគេហទំព័រ» ដើម្បីដើរឱ្យទាន់ការវិវត្តនៃបច្ចេកវិទ្យាឌីជីថល និងពង្រឹងគុណភាពនៃការផ្សព្វផ្សាយនៅតាមមន្ទីរព័ត៌មានរាជធានី-ខេត្ត។ ‎ ‎ថ្លែងក្នុងពិធីបើកវគ្គបណ្តុះបណ្តាលជូនដល់មន្ត្រីរាជការនៃក្រសួងព័ត៌មាន នាព្រឹកថ្ងៃទី២៣ ខែមិថុនា ឆ្នាំ២០២៦ នៅទីស្ដីការក្រសួង ឯកឧត្ដមបណ្ឌិត ឆាយ សុផល រដ្ឋលេខាធិការក្រសួងព័ត៌មាន មានប្រសាសន៍ថា វគ្គបណ្តុះបណ្តាលនេះ ធ្វើឡើងក្នុងគោលបំណងលើកកម្ពស់សមត្ថភាព បច្ចេកទេស និងទម្រង់នៃការសរសេរឱ្យកាន់តែមានប្រសិទ្ធភាព ទាក់ទាញ និងទាន់ហេតុការណ៍។ ‎ ‎