ព័ត៌មានក្នុងខេត្ត

នៅថ្ងៃទី១៥ ខែកញ្ញា ឆ្នាំ២០២៦ ក្រសួងទេសចរណ៍ បានរៀបចំវគ្គបណ្តុះបណ្តាល ស្ដីពីនិន្នាការ និងតម្រូវការទេសចរមូស្លីម ជូនដល់អ្នកពាក់ព័ន្ធក្នុងវិស័យទេសចរណ៍ ដើម្បីបង្កើនចំណេះដឹងលើផ្នែកបដិសណ្ឋារកិច្ច និងការគោរពភ្ញៀវ និងត្រូវបានចាត់ទុកថាជាចំណុចសំខាន់ក្នុងការលើកកម្ពស់គុណភាពសេវាកម្ម និងឧត្តមភាពប្រកួតប្រជែងរបស់វិស័យទេសចរណ៍កម្ពុជា។

ក្រោយបញ្ចប់កិច្ចខិតខំប្រឹងប្រែងសម្អាតស្មៅ និងសម្អាតផ្លូវចូលប្រាសាទអស់រយៈពេល១៥ថ្ងៃ នៅព្រឹកថ្ងៃទី១៦ ខែកញ្ញា ឆ្នាំ២០២៦ អាជ្ញាធរមូលដ្ឋាន រួមជាមួយប្រជាពលរដ្ឋជាច្រើនរូបក្នុងស្រុកស្រីស្នំ បានសហការគ្នារៀបចំពិធីសែនព្រេន និងបួងសួងសុំសេចក្ដីសុខសេចក្ដីចម្រើន នៅឯទីតាំងប្រាសាទគោកមន ដែលមានទីតាំងខាងកើតភូមិអំពៅដៀប ឃុំជ្រោយនាងងួន ស្រុកស្រីស្នំ ខេត្តសៀមរាប។

ក្នុងកិច្ចប្រជុំស្ដីពីការចុះប្រមូលព័ត៌មាន និងពិគ្រោះយោបល់ ក្នុងការរៀបចំកម្មវិធីលើកកម្ពស់ «ពុកម៉ែល្អ កូនល្អ និងគ្រួសារល្អ» របស់ក្រសួងកិច្ចការនារី ជាមួយគណៈកម្មាធិកាពិគ្រោះយោបល់កិច្ចការស្ត្រី និងកុមារ ខេត្តសៀមរាប នាថ្ងៃទី១៦ ខែកញ្ញា ឆ្នាំ២០២៦ លោកស្រី សេងផល ដាវីន អគ្គនាយករងនៃអគ្គនាយកដ្ឋានសមភាពយេនឌ័រ និងអភិវឌ្ឍន៍សេដ្ឋកិច្ចនៃក្រសួងកិច្ចការនារី បានលើកឡើងថា កម្មវិធីនេះនឹងរួមចំណែកលើកកម្ពស់ការយល់ដឹងអំពីតួនាទី និងការទទួលខុសត្រូវរបស់ឪពុកម្ដាយក្នុងការចិញ្ចឹមបីបាច់ និងអប់រំកូន ព្រមទាំងជំរុញឱ្យបុរសចូលរួមកាន់តែសកម្មក្នុងកិច្ចការគ្រួសារ ការថែទាំកូន និងការចែករំលែកការងារក្នុងផ្ទះ ដើម្បីរួមគ្នាកសាងទំនាក់ទំនងល្អក្នុងគ្រួសារ និងលើកកម្ពស់សមភាពយេនឌ័រ។

យុវជន ២០រូប ក្នុងស្រុកបន្ទាយស្រី និងអង្គរធំ បានទទួលការបណ្តុះបណ្តាលពីមូលដ្ឋានគ្រឹះ នៃការសរសេរព័ត៌មានពីមន្ត្រីនៃមន្ទីរព័ត៌មានខេត្តសៀមរាប ដែលការបណ្តុះបណ្តាលបណ្ដាលនេះ ធ្វើឡើងនៅថ្ងៃទី១៥ ខែកញ្ញា ឆ្នាំ២០២៦នេះ ក្រោមការគាំទ្រពីអង្គការភ្លែន ក្នុងគោលបំណងប្រែក្លាយយុវជនក្នុងសហគមន៍ឱ្យក្លាយទៅជាយុវជនឌីជីថល ជាភ្នាក់ងាររាយការណ៍ព័ត៌មានបម្រើដល់សហគមន៍ដែលខ្លួនរស់នៅ។

នៅថ្ងៃទី១៥ ខែកញ្ញា ឆ្នាំ២០២៦ វេទិកាសម្ព័ន្ធសង្គមស៊ីវិល (វ.ស.ស.) នៃទីស្ដីការគណៈរដ្ឋមន្រី្ត បានសហការជាមួយរដ្ឋបាលខេត្តសៀមរាប រៀបចំវេទិកាសន្ទនាក្រោមប្រធានបទស្ដីពី «ការពង្រឹងសមត្ថភាពអង្គការសង្គមស៊ីវិលក្នុងយុគសម័យឌីជីថល» ក្នុងគោលបំណងរួម គឺជំរុញការចូលរួមលើកកម្ពស់បរិវត្តកម្ម ដើម្បីរួមគ្នាកសាងសង្គមឌីជីថល និងទប់ស្កាត់ការឆបោកតាមប្រព័ន្ធបច្ចេកវិទ្យាក្នុងសហគមន៍។

ដើម្បីបង្កើនការយល់ដឹងដល់បងប្អូនប្រជាពលរដ្ឋក្នុងមូលដ្ឋានស្រុកអង្គរធំ និងកាត់បន្ថយគ្រោះថ្នាក់ចរាចរណ៍តាមដងផ្លូវ នៅព្រឹកថ្ងៃទី១៥ ខែកញ្ញា ឆ្នាំ២០២៦ លោក លី សារី អភិបាលរងខេត្តសៀមរាប បានដឹកនាំមន្ត្រីជំនាញ និងអ្នកពាក់ព័ន្ធ ចុះផ្សព្វផ្សាយច្បាប់ស្ដីពីចរាចរណ៍ផ្លូវគោក និងចែកសៀវភៅស្ដីពីច្បាប់ចរាចរណ៍ផ្លូវគោក រួមទាំងធ្វើការបិទចំណាំងផ្លាត ដល់គោយន្តជាច្រើនគ្រឿង។

នៅថ្ងៃទី១៤ ខែកញ្ញា ឆ្នាំ២០២៦ លោក អ៊ឹង គឹមលាង អភិបាលរងខេត្តសៀមរាប បានបន្តដឹកនាំក្រុមការងារចម្រុះ ចុះពិនិត្យ និងបង្ក្រាបបទល្មើសជលផលក្នុងភូមិសាស្ដ្រស្រុកសូត្រនិគម និងស្រុកជីក្រែង ខេត្តសៀមរាប ដើម្បីពង្រឹងការការពារធនធានជលផល និងអភិរក្សពូជត្រីក្នុងរដូវបិទនេសាទ។

នៅថ្ងៃទី១៥ ខែកញ្ញា ឆ្នាំ២០២៦នេះ មន្ទីរព័ត៌មានខេត្តសៀមរាប បានសហការជាមួយការិយាល័យនគរបាលប្រយុទ្ធប្រឆាំងគ្រឿងញៀន នៃស្នងការនគរបាលខេត្ត បានរៀបចំធ្វើតេស្តទឹកនោមរកសារធាតុញៀនទៅលើ ថ្នាក់ដឹកនាំ និងមន្ត្រីក្រោមឱវាទ នៃមន្ទីរព័ត៌មានខេត្ត ជាលទ្ធផល «អវិជ្ជមាន»ទាំងអស់។

ថ្លែងក្នុងវេទិកាថ្នាក់តំបន់អាស៊ានស្ដីពីការពង្រឹងការបញ្ជ្រាបយេនឌ័រនៅក្នុងវិស័យ ឆ្ពោះទៅកាន់ចក្ខុវិស័យអាស៊ានឆ្នាំ២០៤៥ នៅខេត្តសៀមរាប នាថ្ងៃទី១៤ ខែកញ្ញា ឆ្នាំ២០២៦នេះ លោកជំទាវ អ៊ឹង កន្ថាផាវី រដ្ឋមន្ត្រីក្រសួងកិច្ចការនារី បានគូសបញ្ជាក់យ៉ាងមុតមាំថា ការសម្រេចបាននូវសមភាពយេនឌ័រ និងការពង្រឹងអំណាចដល់ស្ត្រីនិងក្មេងស្រី គឺជាត្រីវិស័យដ៏សំខាន់មិនអាចខ្វះបានសម្រាប់កសាងសហគមន៍អាស៊ានមួយដែលមានភាពធន់ ចម្រើនលូតលាស់ និងបរិយាប័ន្ន។

ព្រឹត្តិការណ៍ជិះកង់កម្សាន្ត និងផ្សងព្រេងក្នុងព្រៃតំបន់អង្គរ នឹងផ្ដល់ជូនអ្នកចូលរួមនូវបទពិសោធន៍ដ៏អស្ចារ្យ តាមរយៈការជិះកង់កាត់ព្រៃធម្មជាតិ ឆ្លងកាត់កំពែងប្រាសាទបុរាណ ទស្សនាប្រាសាទលាក់ខ្លួនក្នុងព្រៃ និងគយគន់សម្រស់ធម្មជាតិដ៏ស្រស់បំព្រងនារដូវកាលបៃតង ដែលការរៀបចំនេះមានគោលដៅចម្បងក្នុងការជួយជំរុញចរន្តសេដ្ឋកិច្ចក្នុងខេត្តសៀមរាប និងលើកកម្ពស់រូបភាពវិស័យទេសចរណ៍កម្ពុជា ទៅកាន់ឆាកអន្តរជាតិ និងពិភពលោក។

គណៈកម្មាធិការប្រជាជន និងអភិវឌ្ឍន៍ខេត្តសៀមរាប នៅថ្ងៃទី១៤ ខែកញ្ញា ឆ្នាំ២០២៦ នេះ បានរៀបចំកិច្ចប្រជុំផ្សព្វផ្សាយ និងប្រមូលធាតុចូលសម្រាប់រៀបចំផែនការសកម្មភាពអនុវត្តក្របខ័ណ្ឌយុទ្ធសាស្ត្រកម្ពុជា ២០២៤-២០៣០ ស្តីពីការអនុវត្តកម្មវិធីសកម្មភាពនៃសន្និសីទអន្តរជាតិស្តីពីប្រជាជន និងអភិវឌ្ឍន៍ (ICPD)។

ក្នុងពិធីប្រគល់វិញ្ញាបនបត្រ និងបណ្ណសរសើរជូនសិស្សានុសិស្ស ឆ្នាំសិក្សា ២០២៥-២០២៦ របស់សាលាហ្គោគ្លូប៊ល នៅថ្ងៃទី១៣ ខែកញ្ញា ឆ្នាំ២០២៦ ឯកឧត្តម លី សំរិទ្ធ ប្រធានក្រុមប្រឹក្សាខេត្តសៀមរាប បានលើកឡើងថា សមិទ្ធផលទាំងអស់ដែលសាលាទទួលបាននាពេលនេះ គឺពិតជាបានរួមចំណែកយ៉ាងសំខាន់ក្នុងការអភិវឌ្ឍវិស័យអប់រំ សេដ្ឋកិច្ច សង្គម និងការបម្រើសេវាសាធារណៈប្រកបដោយគុណភាព និងស្ដង់ដារសម្រាប់ខេត្តសៀមរាបយើង។