ព័ត៌មានក្នុងខេត្ត

បងប្អូនគ្រួសារវីរកងទ័ពដែលកំពុងឈរជើងការពារព្រំដែនចំនួន ៨៧គ្រួសារ នៅក្នុងស្រុកអង្គរធំ ខេត្តសៀមរាប បានទទួលអំណោយជាគ្រឿងឧបភោគបរិភោគ និងថវិកាពី ក្រុមការងាររាជរដ្ឋាភិបាលចុះមូលដ្ឋានស្រុកអង្គរធំ ដែលពិធីប្រគល់ធ្វើឡើងនៅរសៀលថ្ងៃទី៥ ខែតុលា ឆ្នាំ២០២៦ ក្រោមវត្តមាន ឯកឧត្តម ឃុន វុធ ប្រធានក្រុមការងារ។

‎ក្នុងឱកាសដឹកនាំកិច្ចប្រជុំបូកសរុបលទ្ធផលការងាររយៈពេល ៩ខែ របស់ក្រុមការងាររាជរដ្ឋាភិបាលចុះមូលដ្ឋានស្រុកអង្គរធំ នារសៀលថ្ងៃទី៥ ខែតុលា ឆ្នាំ២០២៦ ឯកឧត្តម ឃុន វុធ បានណែនាំដល់ក្រុមការងារ និងអាជ្ញាធរមានសមត្ថកិច្ចពាក់ព័ន្ធ ឱ្យបន្តយកចិត្តទុកដាក់ធ្វើបច្ចុប្បន្នភាពទិន្នន័យប្រជាពលរដ្ឋក្នុងមូលដ្ឋាន ពិសេសផ្តោតលើអ្នកដែលគ្រប់អាយុត្រូវធ្វើអត្តសញ្ញាណបណ្ណសញ្ជាតិខ្មែរ និងអ្នកដែលអត្តសញ្ញាណបណ្ណហួសសុពលភាព។ ការធ្វើបែបនេះ គឺដើម្បីសម្រួលដល់ប្រជាពលរដ្ឋក្នុងការទទួលបានឯកសារផ្លូវច្បាប់ និងធានាបាននូវភាពត្រឹមត្រូវនៃទិន្នន័យ សម្រាប់សម្រួលដល់ការគ្រប់គ្រងរដ្ឋបាលក្នុងមូលដ្ឋានឱ្យកាន់តែមានប្រសិទ្ធភាព។

‎ ‎នារសៀលថ្ងៃទី៥ ខែតុលា ឆ្នាំ២០២៦ ឯកឧត្តម លោកជំទាវជាសមាជិកក្រុមប្រឹក្សាខេត្ត ព្រមទំាងមន្រ្តីរាជការចំណុះ តំណាងមន្ទីរអង្គភាព បានអញ្ជើញចូលរួមកាន់បិណ្ឌវេនទី៩ នៅវត្តរាជបូណ៌ ក្រុងសៀមរាបនិងខេត្តសៀមរាប។

ក្នុងឱកាសអញ្ជើញដឹកនាំកិច្ចប្រជុំតម្រង់ទិស និងពង្រឹងរបៀបរបបការងារ ជូនដល់ថ្នាក់ដឹកនាំការិយាល័យ និងមន្ត្រីមន្ទីរ នៅថ្ងៃទី៥ ខែតុលា ឆ្នាំ២០២៦ លោក យឿន ចាន់ អនុប្រធានមន្ទីរព័ត៌មានខេត្តសៀមរាប ទទួលបន្ទុករួម បានណែនាំដល់ថ្នាក់ដឹកនាំការិយាល័យទាំងអស់ ត្រូវយកចិត្តទុកដាក់តាមដាន និងត្រួតពិនិត្យលើរបាយការណ៍សកម្មភាពការងារប្រចាំថ្ងៃរបស់មន្ត្រីឱ្យបានជាប់លាប់។ ជាពិសេសត្រូវរៀបចំកិច្ចប្រជុំផ្ទៃក្នុង ប្រចាំខែឱ្យបានខ្លី ប៉ុន្តែមានខ្លឹមសារគ្រប់ជ្រុងជ្រោយ ដើម្បីពិភាក្សា ដោះស្រាយបញ្ហាប្រឈម និងតម្រង់ទិសការងារបន្តឱ្យបានទាន់ពេលវេលា។

ក្រោមការយកចិត្ដទុកដាក់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដី ក្នុងការកាត់បន្ថយការចំណាយថវិកាលើការធ្វើដំណើរទៅកាន់ស្រុកកំណើតរបស់បងប្អូនប្រជាពលរដ្ឋក្នុងឱកាសភ្ជុំបិណ្ឌ រាជរដ្ឋាភិបាលបានរៀបចំនូវរថយន្ដក្រុងចំនួន ១១៥គ្រឿង សម្រាប់ជូនបងប្អូនដោយឥតគិតថ្លៃ រយៈពេល៥ថ្ងៃ ចាប់ពីថ្ងៃទី៩ ដល់ទី១៣ ខែតុលា ឆ្នាំ២០២៦។

ដើម្បីលើកកម្ពស់ស្ថានភាព និងតួនាទីភាពជាអ្នកដឹកនាំរបស់ស្ត្រី ក្នុងការឆ្លើយតបទៅនឹងការប្រែប្រួលអាកាសធាតុ និងការអភិវឌ្ឍបៃតង ក្រសួងកិច្ចការនារី បានរៀបចំសិក្ខាសាលាឆ្លុះបញ្ចាំង ស្ដីពីកម្មវិធីអភិវឌ្ឍសមត្ថភាពធន់របស់ស្ត្រី ក្នុងការប្រែប្រួលអាកាសធាតុ និងអភិវឌ្ឍន៍បៃតង នៅក្នុងខេត្តសៀមរាប ដែលសិក្ខាសាលានៅមានរយៈពេល៣ថ្ងៃ ចាប់ពីថ្ងៃទី៥-៧ ខែតុលា ឆ្នាំ២០២៦នេះ។

នាថ្ងៃទី០៣ ខែតុលា ឆ្នាំ២០២៦ សាកលវិទ្យាល័យឯកទេស នៃកម្ពុជា (CUS) សាខាខេត្តសៀមរាប បានរៀបចំវេទិកាប្រចាំឆ្នាំក្រោមប្រធានបទ «ការកសាងអាជីព និងការសិក្សាពេញមួយជីវិត» ដែលជាផ្នែកមួយនៃយន្តការពង្រឹងគុណភាពអប់រំ និងការសិក្សាស្រាវជ្រាវ។ កម្មវិធីនេះមានការចូលរួមពីនិស្សិតកំពុងសិក្សា និងនិស្សិតចុះឈ្មោះចូលរៀនថ្មីប្រមាណ ៣០០នាក់ ព្រមទាំងមានការរៀបចំពិព័រណ៍ខ្នាតតូចបង្ហាញពីផលិតផល និងសេវាកម្មរបស់អង្គភាពដៃគូសហការផងដែរ។

‎កិច្ចប្រជុំប្រចាំឆ្នាំ២០២៦ រវាងទីចាត់ការការងារព្រំដែន អគ្គបញ្ជាការដ្ឋាន នៃកងយោធពលខេមរភូមិន្ទ និងបញ្ជាការដ្ឋានកងទ័ពការពារព្រំដែន នៃក្រសួងការពារប្រទេសវៀតណាម ត្រូវបានធ្វើឡើងនៅខេត្តសៀមរាប នាថ្ងៃទី២ ខែតុលា ឆ្នាំ២០២៦ ដែលកិច្ចប្រជុំនេះដឹកនាំដោយលោកឧត្តមសេនីយ៍ទោ ស៊ិន សុខា នាយកទីចាត់ការការងារព្រំដែន អគ្គបញ្ជាការដ្ឋាន នៃកងយោធពលខេមរភូមិន្ទ និងលោកឧត្តមសេនីយ៍ ជិន ង៉ុកហ៊ូ មេបញ្ជាការរង បញ្ជាការដ្ឋានកងទ័ពការពារព្រំដែន ក្រសួងការពារប្រទេសវៀតណាម ធ្វើជាសហប្រធាន។

នាព្រឹកថ្ងៃទី៣ ខែតុលា ឆ្នាំ២០២៦ អាជ្ញាធរខេត្តសៀមរាប បានរៀបចំពិធីជួបសំណេះសំណាល និងពិភាក្សាការងារជាមួយអ្នកផលិតមាតិកាផ្សព្វផ្សាយ (Content Creators) និងតំណាងវិស័យឯកជនក្នុងខេត្តសៀមរាប ក្នុងគោលបំណងពង្រឹងកិច្ចសហប្រតិបត្តិការ និងជំរុញការចូលរួមផ្សព្វផ្សាយអំពីសក្តានុពល ភាពទាក់ទាញ និងការអភិវឌ្ឍរបស់ខេត្តឱ្យកាន់តែទូលំទូលាយ។

នៅថ្ងៃទី៣ ខែតុលា ឆ្នាំ២០២៦នេះ ក្រុមហ៊ុន យ៉ូស បានចូលរួមឧបត្ថម្ភផលិតផលមួយចំនួន រួមមានទឹកសណ្តែក យ៉ូសចំនួន ១ ៥០០កេស ព្រមទាំងកាហ្វេកញ្ចប់ កាហ្វេកំប៉ុង ទឹកដោះគោខាប់ និងទឹកសុទ្ធ ជូនដល់មន្ទីរពេទ្យជ័យវរ្ម័នទី៧ ឬគន្ធបុប្ផាខេត្តសៀមរាប ដើម្បីចូលរួមចំណែកសម្រាល និងគាំទ្រដល់ការថែទាំកុមារដែលកំពុងទទួលសេវាព្យាបាលនៅមន្ទីរពេទ្យ។

ឯកឧត្ដម ម៉ក់ សំភា សមាជិកក្រុមប្រឹក្សាខេត្ដសៀមរាប និងលោកស្រី ម៉ននី រង្សី អភិបាលរងខេត្ដ ព្រមទាំងមន្រ្ដីរាជការនៃរដ្ឋបាលខេត្ដសៀមរាប បានចូលរួមជាមួយពុទ្ធបរិស័ទកាន់បិណ្ឌវេនទី៧ នៅវត្ដពុទ្ធស្ថាននគររាជធម្មមេត្តា ស្ថិតក្នុងក្រុងសៀមរាប ខេត្ដសៀមរាប នារសៀលថ្ងៃទី២ ខែតុលា ឆ្នាំ២០២៦។

នៅព្រឹកថ្ងៃទី៣ ខែតុលា ឆ្នាំ២០២៦នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវ បណ្ឌិត ពេជ ចន្ទមុន្នី បានប្រគេនចង្ហាន់ បច្ច័យ និងទេយ្យវត្ថុផ្សេងៗ ដល់វត្តទាំង៩ ក្នុងតំបន់អង្គរ ខេត្តសៀមរាប ក្នុងឱកាសពិធីបុណ្យកាន់បិណ្ឌវេនទី៧ ដើម្បីឧទ្ទិសកុសលជូនដល់បុព្វបុរសខ្មែរសម័យអង្គរ វីរៈកងទ័ព ពលី ដើម្បីបុព្វហេតុការពារទឹកដី ជាតិ មាតុភូមិ និងញាតកាទាំង ៧សន្តាន និងដួងវិញ្ញាណក្ខន្ធអ្នកមានគុណដែលបានចែកឋានទៅ។