ព័ត៌មានក្នុងខេត្ត

អ្នកស្រី សេង ប៉ុញ មានទីលំនៅក្នុងភូមិធ្លកកំបុក សង្កាត់បល្ល័ង្ក ក្រុងរុនតាឯកតេជោសែន បានកំពុងបន្តប្រកបរបរធ្វើសំបកណែម តាមបែបបុរាណជារៀងរាល់ថ្ងៃ ក្រៅពីអាចរកចំណូលជួយទ្រទ្រង់ជីវភាពគ្រួសារ ក៏ដើម្បីរួមចំណែកថែរក្សាមរតក និងប្រពៃណីដ៏ចំណាស់របស់ដូនតាមិនឱ្យបាត់បង់។

ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ នាព្រឹកថ្ងៃទី៤ ខែសីហា ឆ្នាំ២០២៦នេះ បានអញ្ជើញជាអធិបតីបើកវេទិកាអភិបាលកិច្ចល្អ ដែលជាព្រឹត្តិការណ៍អម នៃកិច្ចប្រជុំកិច្ចសហប្រតិបត្តិការអាស៊ាន ស្តីពីកិច្ចការមុខងារសាធារណៈ លើកទី២៣ (23rd ACCSM) និងកិច្ចប្រជុំកិច្ចសហប្រតិបត្តិការអាស៊ានបូកបី ស្តីពីកិច្ចការមុខងារសាធារណៈលើកទី៨ (8th ACCSM+3) នៅខេត្តសៀមរាប។

នៅព្រឹកថ្ងៃទី៤ ខែសីហា ឆ្នាំ២០២៦ ខណ្ឌរដ្ឋបាលជលផលខេត្តសៀមរាប សហការនឹងរដ្ឋបាលក្រុងសៀមរាប និងអង្គការអ្នកត្រួសត្រាយនៃកម្ពុជា ក្រោមគម្រោងពង្រឹងសមត្ថភាពសហគមន៍ក្នុងការគ្រប់គ្រង់ធនធានជលផលទឹកសាបប្រកបដោយនិរន្ដភាព បានលែងកូនត្រីពូជចម្រុះ ១៤ ០០០ក្បាល ចូលត្រពាំងហែរផ្កា សង្កាត់ជ្រាវ ក្រុងសៀមរាប ដើម្បីរួមចំណែកក្នុងការអភិរក្ស និងបង្កើនធនធានជលផល សម្រាប់អ្នកជំនាន់ក្រោយ។

អាជ្ញាធរខេត្តសៀមរាប បានគូសបញ្ជាក់ថា ការលើកកម្ពស់គុណភាព ស្ដង់ដារ និងការច្នៃប្រឌិតលើការវេចខ្ចប់ គឺជាកត្តាសំខាន់បំផុតអាជួយឱ្យផលិតផលក្នុងស្រុកអាចឈរជើងបានយ៉ាងរឹងមាំ និងទទួលបានការគាំទ្រកាន់តែច្រើនពីអតិថិជន ស្របពេលដែលការប្រកួតប្រជែងនៅលើទីផ្សារបច្ចុប្បន្ន មានលក្ខណៈកាន់តែខ្លាំងក្លា និងស្មុគស្មាញ ដែលទាមទារឱ្យអាជីវករ និងម្ចាស់ផលិតផលត្រូវតែមានការអភិវឌ្ឍខ្លួនឥតឈប់ឈរ។

ស្ដីកិច្ចការមុខងារសាធារណៈ លើកទី២៣ (23rd ACCSM) និងកិច្ចប្រជុំកិច្ចសហប្រតិបត្តិការអាស៊ានបូកបី ស្ដីកិច្ចការមុខងារសាធារណៈ លើកទី៨ (8th ACCSM+3) ដោយមានការចូលរួមពីបណ្ដាមន្ត្រីជាន់ខ្ពស់នៃប្រទេសជាសមាជិកអាស៊ាន អាស៊ានបូកបី និងអគ្គលេខាធិការរងអាស៊ាន ព្រមទាំងថ្នាក់ដឹកនាំនៃបណ្ដាក្រសួងស្ថាប័ននានារបស់ព្រះរាជាណាចក្រកម្ពុជា។

ដើម្បីរួមចំណែកចូលរួមជួយដល់យុវជនកម្ពុជាជំនាន់ក្រោយ វិស្វករខ្មែរ-បារាំងមួយរូប បានសម្រេចចិត្តបង្កើតក្រុមហ៊ុន «ស៊ីត & សាន់ លីងកាហ្វេ» នៅក្នុងក្រុងសៀមរាប ចាប់តាំងពីឆ្នាំ ២០២២ មក ដើម្បីផ្តល់ជំនាញបច្ចេកទេស និងចំណូលឧបត្ថម្ភការសិក្សាដល់យុវជនខ្វះខាត ដែលនេះជាការរួមចំណែកយ៉ាងធំធេងក្នុងការអភិវឌ្ឍសង្គម។

នៅព្រឹកថ្ងៃទី៣ ខែសីហា ឆ្នាំ២០២៦នេះ ដោយទទួលបានការណែនាំពីសំណាក់ ឯកឧត្តម ប្រាក់ សោភ័ណ អភិបាលខេត្តសៀមរាប លោក អ៊ឹង គឹមលាង អភិបាលរងខេត្ត បានដឹកនាំក្រុមការងារ និងមន្ត្រីជំនាញ ធ្វើការចុះផ្សព្វផ្សាយច្បាប់ ស្ដីពីជលផលជូនដល់ប្រជានេសាទក្នុងឃុំកំពង់ឃ្លាំង ស្រុកសូទ្រនិគម ខេត្តសៀមរាប ដើម្បីបង្កើនការយល់ដឹង ស្ដីពីការប្រកបរបរនេសាទស្របតាមច្បាប់ និងលិខិតបទដ្ឋានតាមច្បាប់ដែលមានចែង។

មន្ត្រីជាន់ខ្ពស់ក្រសួងមុខងារសាធារណៈកម្ពុជា បានលើកឡើងថា នៅក្នុងបរិបទនៃការផ្លាស់ប្ដូរយ៉ាងឆាប់រហ័ស នៃការវិវត្តផ្នែកបច្ចេកវិទ្យាឌីជីថល និងការកើនឡើងនៃការរំពឹងទុករបស់ប្រជាពលរដ្ឋមកលើវិស័យមុខងារសាធារណៈកាន់តែខ្ពស់ ការបម្រើសេវាសាធារណៈជូនប្រជាពលរដ្ឋ ត្រូវតែបន្តអភិវឌ្ឍឱ្យកាន់តែមានភាពរហ័សរហួន ប្រកបដោយនវានុវត្តន៍ និងផ្ដោតលើប្រជាពលរដ្ឋជាស្នូលជាងពេលណាៗទាំងអស់។

ដំណាំ “គូឆាយ” ត្រូវបានប្រជាពលរដ្ឋក្នុងឃុំរលួស ស្រុកប្រាសាទបាគង ខេត្តសៀមរាប ប្រមាណ៧០% ពេញនិយមដាំដុះ ដោយសារដំណាំនេះ ជាប្រភេទដំណាំងាយស្រួលដាំដុះ មិនរើសរដូវកាល ទទួលផលបានយូរ និងមានតម្រូវការទីផ្សារច្រើន ហើយតម្លៃវិញក៏សមរម្យផងដែរ។

ក្នុងឆ្នាំ២០២៤-២០២៦ ក្រសួងមុខងារសាធារណៈនៃព្រះរាជាណាចក្រកម្ពុជា ជាប្រធានប្តូរវេន ក្នុងការដឹកនាំរៀបចំកិច្ចប្រជុំកិច្ចសហប្រតិបត្តិការអាស៊ាន ស្តីពីកិច្ចការមុខងារសាធារណៈលើកទី២៣ (23 ACCSM) និងកិច្ចប្រជុំកិច្ចសហប្រតិបត្តិការអាស៊ានបូកបី ស្តីពីកិច្ចការមុខងារសាធារណៈលើកទី៨ (8 ACCSM+3) និងព្រឹត្តិការណ៍ពាក់ព័ន្ធ ដែលប្រព្រឹត្តទៅចាប់ពីថ្ងៃទី៣-៥ ខែសីហា ឆ្នាំ២០២៦ ក្រោមមូលបទ “នវានុវត្តន៍សម្រាប់ការផ្តល់សេវាសាធារណៈឱ្យកាន់តែប្រសើរឡើង (Innovation for Better Service Delivery) ” នៅលើទឹកដីខេត្តសៀមរាប នៃព្រះរាជាណាចក្រកម្ពុជា។

ព្រឹត្តិការណ៍ទិវារត់ប្រណាំងម៉ារ៉ាតុងចក្រភពអង្គរ លើកទី១១ ឆ្នាំ២០២៦ បានទាក់ទាញអត្តពលិកជាតិ និងអន្តរជាតិចំនួន ៦ ៥០០នាក់ មកពី៥១ប្រទេស មកចូលរួមរត់នៅតំបន់អង្គរទឹកដីអច្ឆរិយនៃកម្ពុជា ដើម្បីចូលរួមចំណែកផ្សព្វផ្សាយទេសចរណ៍សៀមរាបអង្គរ ទៅកាន់ពិភពលោក និងគាំទ្រដល់កុមារកម្ពុជា។

នៅថ្ងៃទី១ ខែសីហា ឆ្នាំ២០២៦ ព្រះគ្រូ ហែម គឹមសាន ចៅអធិការវត្តប្រាសាទគោកចក និងលោក ហាយ យង់ អភិបាលរង ក្រុងសៀមរាប រួមជាមួយនិងអាជ្ញាធរសង្កាត់គោកចក សង្កាត់ស្រង៉ែ សង្កាត់ស្លក្រាម និងសង្កាត់សាលាកំរើក ព្រមទាំងសប្បុរសជន បាននាំយកនូវគ្រឿងឧបភោគបរិភោគ និងសម្ភារប្រើប្រាស់ចាំបាច់ទៅប្រគល់ជូនដល់កងទ័ពជូរមុខ ដែលកំពុងដែលកំពុងឈរជើងបំពេញភារកិច្ចការពារបូរណភាពទឹកដី តាមខ្សែបន្ទាត់ព្រំដែនស្ថិតក្នុងភូមិសាស្ត្រខេត្តឧត្តរមានជ័យ។