ព័ត៌មានក្នុងខេត្ត

នៅព្រឹកថ្ងៃទី៣ ខែតុលា ឆ្នាំ២០២៦នេះ រដ្ឋ​បាលខេត្តសៀមរាប បានជួបសំណេះសំណាល និងពិភាក្សាជាមួយក្រុមអ្នកផលិតមាតិកាផ្សព្វផ្សាយ និងតំណាងវិស័យឯកជនក្នុងខេត្តសៀមរាប ក្នុងគោលបំណងពង្រឹងកិច្ចសហប្រតិបត្តិការ និងជំរុញការចូលរួមផ្សព្វផ្សាយអំពីសក្តានុពល ភាពទាក់ទាញ និងការអភិវឌ្ឍរបស់ខេត្តឱ្យកាន់តែទូលំទូលាយ ក្រោមវត្តមានអញ្ជើញចូលរួមពីសំណាក់លោក សុខ ថុល និងលោក ង៉ូវ សេងកាក់ អភិបាលរងខេត្តសៀមរាប។

រូបភាព ៖ លោកឡៃ បញ្ញា

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅថ្ងៃទី២៨ ខែកញ្ញា ឆ្នាំ២០២៦នេះ បានអញ្ជើញចុះត្រួតពិនិត្យ និងសួរសុខទុក្ខប្រជាពលរដ្ឋរងគ្រោះដោយទឹកជំនន់ នៅខេត្តបន្ទាយមានជ័យដោយផ្ទាល់។ ការចុះអន្តរាគមន៍ភ្លាមៗនេះ ធ្វើឡើងដើមី្បលើកទឹកចិត្តប្រជាពលរដ្ឋ និងរៀបចំវិធានការជួយសង្គ្រោះឱ្យបានទាន់ពេលវេលា។

នារសៀល ថ្ងៃទី២៨ ខែកញ្ញា ឆ្នាំ២០២៦នេះ

នៅរសៀលថ្ងៃទី២៧ខែកញ្ញា ឆ្នាំ២០២៦នេះ ឯកឧត្តម មិត្ត សុវណ្ណ សមាជិកក្រុមប្រឹក្សាខេត្តតំណាងឯកឧត្តម លី សំរិទ្ធ ប្រធានក្រុមប្រឹក្សាខេត្តសៀមរាប និង លោក លី សារី អភិបាលរងខេត្ត តំណាងឯកឧត្តម ប្រាក់ សោភ័ណ អភិបាលខេត្តសៀមរាប បានដឹកនាំមន្ត្រីរាជការ មន្ទីរ-អង្គភាពជុំវិញខេត្ត រួមទាំងពុទ្ធបរិស័ទចំណុះជើងវត្ត បានអញ្ជើញចូលរួមក្នុងពិធីសូត្រមន្តកាន់បិណ្ឌវេនទី២ ព្រមទាំងបានធ្វើបទនមស្ការព្រះរតនត្រៃ សមាទានសីល និមន្តព្រះសង្ឃចម្រើនព្រះបរិត្ត និងប្រគេនទេយ្យវត្ថុដល់ព្រះសង្ឃនៅវត្តព្រះព្រហ្មរ័ត្ន នៅក្នុងក្រុងសៀមរាប។ ពិធីបុណ្យកាន់បិណ្ឌ និងភ្ជុំបិណ្ឌ គឺជាពិធីបុណ្យប្រពៃណីមួយដ៏មាន សារៈសំខាន់របស់ប្រជាជនខ្មែរ ហើយត្រូវបានរៀបចំធ្វើឡើងជារៀងរាល់ឆ្នាំមិនដែលខកខានឡើយ។ ដោយឡែក សម្រាប់ឆ្នាំ២០២៦នេះ ពិធីបុណ្យប្រពៃណីនេះ នឹងប្រព្រឹត្តទៅចាប់ពីថ្ងៃ១រោច ដល់ថ្ងៃ១៥រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែកញ្ញា ដល់ថ្ងៃទី១១ ខែតុលា ឆ្នាំ២០២៦។

នៅសាលសន្និសីទ ទីស្តីការក្រសួងប្រៃសណីយ៍ និងទូរគមនាគមន៍ ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ ។

នៅព្រឹកថ្ងៃទី១៨ ខែកញ្ញា ឆ្នាំ២០២៦

នៅថ្ងៃទី១៥ ខែកញ្ញា ឆ្នាំ២០២៦នេះ មន្ត្រីជំនាញនៃស្នងការដ្ឋាននគរបាលខេត្តសៀមរាប បានចុះធ្វើតេស្តទឹកមូត្រ ស្វែងរកសារធាតុញៀន ជូនថ្នាក់ដឹកនាំ និងមន្ត្រីរាជការនៃមន្ទីរព័ត៌មានខេត្តសៀមរាប។

ឯកឧត្តម មីន អោង ឡាំង (Min Aung Hlaing) ប្រធានាធិបតី នៃសាធារណរដ្ឋសហភាពមីយ៉ាន់ម៉ា អញ្ជើញទស្សនាប្រាង្គប្រាសាទបុរាណខ្មែរក្នុងខេត្តសៀមរាប ជាពិសេសប្រាសាទអង្គរវត្ត និងប្រាសាទបាយ័ន នារសៀលថ្ងៃទី១២ ខែកញ្ញា ឆ្នាំ២០២៦ ក្នុងដំណើរបំពេញទស្សនកិច្ចផ្លូវរដ្ឋរបស់ឯកឧត្តមនៅកម្ពុជា។

ឯកឧត្តម ប្រាក់ សោភ័ណ អភិបាលខេត្តសៀមរាប ចូលជួបសម្តែងការគួរសមជាមួយ ឯកឧត្តម មីន អោង ឡាំង (Min Aung Hlaing) ប្រធានាធិបតីនៃសាធារណរដ្ឋសហភាពមីយ៉ាន់ម៉ា ក្នុងដំណើរបំពេញទស្សនកិច្ចផ្លូវរដ្ឋនៅខេត្តសៀមរាប នៅសណ្ឋាគារសូហ្វីតែលអង្គរភូគីត្រា។

នៅថ្ងៃសៅរ៍ ទី១២ ខែកញ្ញា ឆ្នាំ២០២៦ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត និងប្រតិភូបានទទួលបដិសណ្ឋារកិច្ចឯកឧត្តម មីន អោង ឡាំង (Min Aung Hlaing) ប្រធានាធិបតីនៃសាធារណរដ្ឋសហភាពមីយ៉ាន់ម៉ា ក្នុងដំណើរបំពេញទស្សនកិច្ចផ្លូវរដ្ឋនៅខេត្តសៀមរាប នៅព្រលានយន្តហោះអន្តរជាតិសៀមរាប-អង្គរ។

នៅថ្ងៃទី៩ ខែកញ្ញា ឆ្នាំ២០២៦ លោកស្រី ម៉ននី រង្សី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានដឹកនាំក្រុមការងារចម្រុះ ដែលមានសមាសភាពពីទីចាត់ការគ្រប់គ្រងធនធានមនុស្ស អង្គភាពច្រកចេញចូលតែមួយ ទីចាត់ការរដ្ឋបាល និងទីចាត់ការហិញ្ញវត្ថុ ចុះពិនិត្យ តាមដានគាំទ្រការអនុវត្តការងារនៅយន្តការចេញចូលតែមួយ នៅការិយាល័យច្រកចេញចូលតែមួយ នៃរដ្ឋបាលស្រុកប្រាសាទបាគង និងយន្តការច្រកចេញចូលតែមួយ នៅរដ្ឋបាលសង្កាត់នគរធំ សង្កាត់ស្លរក្រាម ឃុំមានជ័យ និងឃុំកណ្តែក។