ព័ត៌មានក្នុងខេត្ត

នាថ្ងៃទី២២ ខែតុលា ឆ្នាំ២០២៦ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តដឹកនាំក្រុមការងារចុះពិនិត្យនិងរៀបចំសោភ័ណភាពតាមដងស្ទឹងសៀមរាប ដើម្បីត្រៀមរៀបចំព្រឹត្តិការណ៍ផ្សេងៗ និងការរៀបចំព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុកនាពេលខាងនេះ។ ប្រភព៖ រដ្ឋបាលខេត្តសៀមរាប

នៅថ្ងៃទី២២ ខែតុលា ឆ្នាំ២០២៦នេះ ថ្នាក់ដឹកនាំ និងមន្ត្រីចំនួន៣រូប នៃមន្ទីរព័ត៌មានខេត្តសៀមរាប បានចូលរួមសិក្ខាសាលាផ្សព្វផ្សាយអំពី វឌ្ឍនភាពការងារកែទម្រង់វិមជ្ឈការ និងវិសហមជ្ឈការក្រសួងព័ត៌មាន និងការពិនិត្យឡើងវិញមុខងារដែលបានធ្វើប្រតិភូកម្ម នៅក្រសួងព័ត៌មាន និងនៅរដ្ឋបាលថ្នាក់ក្រោមជាតិ កម្មវិធីនេះរៀបចំឡើងនៅសាលាខេត្តបាត់ដំបង ខេត្តបាត់ដំបង ក្រោមអធិបតីភាពឯកឧត្តម រស់ ថាន់សន រដ្ឋលេខាធិការក្រសួងព័ត៌មាន និងមានការចូលរួមពីថ្នាក់ដឹកនាំ និងមន្ត្រីនៅតាមមន្ទីរព័ត៌មានចំនួន១៣ខេត្តចូលរួម។

រដ្ឋបាលខេត្តសៀមរាប គ្រោងនឹងរៀបចំព្រះរាជពិធីបុណ្យអុំទូករយៈពេល ៥ថ្ងៃ ចាប់ពីថ្ងៃទី២០ ដល់ទី២៥ ខែវិច្ឆិកា ឆ្នាំ២០២៦នេះ ខណៈការប្រណាំងទូក «ង» នឹងធ្វើឡើងរយៈពេល ២ថ្ងៃ នៅថ្ងៃទី២៣-២៤ ខែវិច្ឆិកា ជាមួយនឹងការរៀបចំកម្មវិធីកម្សាន្តជាច្រើនទៀត ដូចជាកម្មវិធីជិះទូកកម្សាន្ត កម្មវិធីសាសនា កម្មវិធីសិល្បៈបុរាណ ស្ដង់ពិព័រណ៍ និងកម្មវិធីកម្សាន្តជាច្រើនទៀត។

នៅព្រឹកថ្ងៃទី២១ ខែតុលា ឆ្នាំ២០២៦នេះ គណៈកម្មាធិការរៀបចំដែនដីខេត្តសៀមរាប បានបើកកិច្ចប្រជុំដើម្បីពិនិត្យវឌ្ឍនភាពការងារដីធ្លី ការងារសំណង់ លំនៅឋាន និងពិនិត្យមើលគម្រោងអភិវឌ្ឍតំបន់លំហសាធារណៈក្នុងភូមិសាស្ត្រខេត្តសៀមរាប ក្រោមការដឹកនាំកិច្ចប្រជុំដោយ ឯកឧត្តម សួស សុខចាន់ សមាជិកក្រុមប្រឹក្សាខេត្ត និង លោក ហែន ពុទ្ធី អភិបាលរងខេត្ត និងមានការចូលរួមពីតំណាងមន្ទីរអង្គភាពពាក់ព័ន្ធជាច្រើនរូប។

នាថ្ងៃទី២០​ ខែតុលា​ ឆ្នាំ២០២៦​ ឯកឧត្តម​ ប្រាក់​ សោភ័ណ​ អភិបាលនៃគណៈអភិបាលខេត្ត​បានដឹកនាំក្រុ​មការងារចុះត្រួតពិនិត្យទីតាំង​ នៃប្រាសាទមេបុណ្យខាងលិច ស្ថិតនៅកណ្តាលបារាយណ៍ទឹកថ្លា​ ខេត្តសៀមរាប។ ប្រភព ៖រដ្ឋបាលខេត្តសៀមរាប

នាថ្ងៃទី២០ ខែតុលា ឆ្នាំ២០២៦ នៅសាលាខេត្តបានដំណើរការកិច្ចប្រជុំវិសាមញ្ញរបស់ក្រុមប្រឹក្សាខេត្ត អាណត្តិទី៤ ក្រោមអធិបតីភាពឯកឧត្តម លី សំរិទ្ធ ប្រធានក្រុមប្រឹក្សាខេត្ត និងលោក ព្រឹម រដ្ឋា អភិបាលរងខេត្តតំណាងឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត ដោយមានការចូលរួមពីឯកឧត្តម លោកជំទាវ សមាជិកក្រុមប្រឹក្សាខេត្ត នាយករដ្ឋបាលស្តីទី និងទីចាត់ការពាក់ព័ន្ធចូលរួមផងដែរ។

ដើម្បីពិភាក្សាសម្របសម្រួលនិងឆ្លើយតបទៅនិងតម្រូវការអាទិភាពនានារបស់មូលដ្ឋាន ក្រោមអធិបតីភាពលោកស្រី ងិន មុំ ប្រធានក្រុមប្រឹក្សាស្រុក លោក សយ វណ្ណា អភិបាលរងស្រុក លោក សឹង សុផុនតំណាងមន្ទីរផែនការខេត្ត និងមានការអញ្ជើញចូលរួមពីថ្នាក់ដឹកនាំមន្ទីរ-អង្គភាពនិងអ្នកពាក់ព័ន្ធជាច្រើនរូប។

នៅរសៀលថ្ងៃទី១៩ ខែតុលា ឆ្នាំ២០២៦នេះ មន្ទីរព័ត៌មានខេត្តសៀមរាប ប្រជុំបូកសរុបលទ្ធផលការងារប្រចាំខែតុលា ឆ្នាំ២០២៦ និងលើកទិសដៅការងារ សម្រាប់អនុវត្តបន្ត។កិច្ចប្រជុំនេះដឹកនាំដោយ លោក យឿន ចាន់ អនុប្រធានមន្ទីរព័ត៌មានខេត្តសៀមរាបទទួលបន្ទុករួម ដោយមានការចួលរួមពីថ្នាក់ដឹកនាំការិយាល័យទាំង៥ និងមន្ត្រីនៃមន្ទីរព័ត៌មានខេត្ត។

នៅថ្ងៃទី១៦ ខែតុលា ឆ្នាំ២០២៦ លោក លី សារី អភិបាលរងខេត្ត តំណាងឯកឧត្តម ប្រាក់ សោភ័ណ អភិបាលខេត្តសៀមរាប ចូលរួមពិធីបើកវគ្គបណ្តុះបណ្តាលជំនាញបច្ចេកទេស ស្តីពី «បរិក្ខារគ្រប់គ្រងចរាចរណ៍» ក្រោមអធិបតី ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន និងមានការចូលរួមពី ឯកឧត្តម លោកជំទាវ ថ្នាក់ដឹកនាំក្រសួង តំណាងក្រសួង-ស្ថាប័នពាក់ព័ន្ធ មន្ទីររាជធានី-ខេត្ត តំណាងវិស័យឯកជន វាគ្មិនកិត្តិយស និងមន្ត្រីរាជការជាច្រើនរូប នៅទីស្តីការក្រសួង ។ វគ្គបណ្តុះបណ្តាលនេះ ត្រូវបានរៀបចំឡើងក្នុងគោលបំណងផ្តល់ចំណេះដឹង និងជំនាញពាក់ព័ន្ធនឹងប្រភេទ តួនាទី គោលការណ៍នៃការរៀបចំ ការជ្រើសរើស ការឌីហ្សាញ ការដំឡើង និងការថែទាំបរិក្ខារចរាចរណ៍ និងផ្តោតសំខាន់លើការធានាឱ្យអ្នកប្រើប្រាស់ផ្លូវអាចមើលឃើញ យល់ និងអនុវត្តតាមសញ្ញា និងបរិក្ខារចរាចរណ៍បានច្បាស់លាស់ និងទាន់ពេលវេលា។

នារសៀលថ្ងៃទី១៦ ខែតុលា ឆ្នាំ២០២៦នេះ លោក ង៉ូវ សេងកាក់ អភិបាលរងខេត្តសៀមរាប បានដឹកនាំថ្នាក់ដឹកនាំមន្ទីរអង្គភាពពាក់ព័ន្ធ ប្រជុំពិភាក្សាពាក់ព័ន្ធនឹងការថតរូបភាព និងដោះលែងសត្វអណ្ដើកនៅក្នុងតំបន់រមណីយដ្ឋានអង្គរ ជំរុញការដោះស្រាយបញ្ហាអសន្តិសុខក្នុងតំបន់ទេសចរណ៍ប្រវត្តិសាស្ត្រកម្ពុជាយើង។

នៅព្រឹកថ្ងៃទី១៦ ខែតុលា ឆ្នាំ២០២៦នេះ ក្រុមការងារយេនឌ័រនៃរដ្ឋបាលខេត្តសៀមរាប បានរៀបចំកិច្ចប្រជុំប្រចាំត្រីមាសទី៣ ឆ្នាំ២០២៦ ក្រោមអធិបតីភាព លោកស្រី ម៉ននី រង្សី អភិបាលរងខេត្ត និងជាតំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប ដោយមានការអញ្ជើញចូលរួមពីលោក លោកស្រី ជាប្រធាន និងអនុប្រធានមន្ទីរ-អង្គភាពពាក់ព័ន្ធជាច្រើនរូប។

ថ្ងៃទី១៦ ខែតុលា ឆ្នាំ២០២៦ ក្រុមការងារព័ត៌មាន និង សាធារណមតិនៃមន្ទីរព័ត៌មាន​ខេត្តសៀមរាប ចូលរួមកិច្ចប្រជុំតម្រង់ទិសស្តីពីការងារព័ត៌មាន និងសាធារណមតិ ក្រោមការដឹកនាំរបស់ ឯកឧត្តម ទេព អស្នារិទ្ធ អ្នកនាំពាក្យក្រសួងព័ត៌មាន និងមានការចូលរួមពីក្រុមការងារព័ត៌មាន និង សាធារណមតិ មន្ទីរព័ត៌មានរាជធានី-ខេត្តចទាំង២៥ ។