ព័ត៌មានក្នុងខេត្ត

ចាប់ពីថ្ងៃទី១១ ដល់ថ្ងៃទី១២ ខែកក្កដា ឆ្នាំ២០២៦ខាងមុខនេះ រដ្ឋបាលស្រុកបន្ទាយស្រី នឹងរៀបចំកម្មវិធីរាំលេងស្គរដៃ ដើម្បីលើកកម្ពស់វិស័យទេសចរណ៍ក្នុងស្រុកបន្ទាយស្រី នារដូវកាលបៃតង នៅរង្វង់មូលស្រុកបន្ទាយស្រី ចាប់ពីវេលាម៉ោង ២រសៀល ដល់ ម៉ោង ១០យប់។

យុទ្ធនាការ « និយាយថាទេចំពោះព័ត៌មានក្លែងក្លាយ » ជំហានទី២ របស់មន្ទីរព័ត៌មានខេត្តសៀមរាបបានផ្លាស់ប្តូរស្មារតីរបស់សិស្សានុសិស្សនៅវិទ្យាល័យ ១០ មករា ១៩៧៩ ឱ្យក្លាយជា «ពលរដ្ឋឌីជីថលល្អ និងឆ្លាតវៃ»

កសិករគំ​រូ នៅ​ឃុំ​ខ្នា​រ​ពោ​ធិ ​ស្រុក​សូ​ទ្រ​និ​គ​ម​ ​ខេ​ត្តសៀ​ម​រា​​ប ចិ​ញ្ចឹ​ម​ស​ត្វ ​និ​ង​ដាំ​ប​ន្លែ​ច​ម្រុះ​ ​​៣​០​​​មុ​​​ខ​​ជុំ​​​វិ​​ញ​ផ្ទះ​ រ​ក​ចំ​ណូ​ល​បា​ន​ ​១០​ម៉ឺ​ន​រៀ​ល​ក្នុ​ង​មួ​យថ្ងៃ​

រីករាយថ្ងៃចុងសប្តាហ៍! ជិះរទេះគោទស្សនាកម្សាន្តនៅឃុំបាគង ស្រុកប្រាសាទបាគង ខេត្តសៀមរាប មិនត្រឹមតែបានស្វែងយល់ពីទេសភាព និងជីវភាពរស់នៅរបស់ប្រជាពលរដ្ឋប៉ុណ្ណោះទេ ប៉ុន្តែថែមទាំងជាការរួមចំណែកអភិរក្សប្រពៃណី និងលើកកម្ពស់ជីវភាពសហគមន៍ផងដែរ

យើងកំពុងរស់នៅក្នុងយុគសម័យបច្ចេកវិទ្យាឌីជីថល អ៊ីនធឺណិត និងបណ្តាញសង្គមបានផ្តល់ភាពងាយស្រួលដល់យើងយ៉ាងខ្លាំង ប៉ុន្តែវាក៏បាននាំមកនូវ ហានិភ័យដ៏ធំមួយផងដែរ នោះគឺ «ព័ត៌មានក្លែងក្លាយ» ដូចនេះ មុននឹងយើងជឿ ឬចុចប៊ូតុង Share ទៅកាន់មិត្តភ័ក្តិ គ្រួសារ ឬសហគមន៍ យើងត្រូវតែ «ឈប់បន្តិចសិន!» ដើម្បីផ្ទៀងផ្ទាត់រកប្រភពច្បាស់លាស់ ត្រឹមត្រូវ និងមានទំនួលខុសត្រូវខ្ពស់ , យុវវ័យជាពលរដ្ឋឆ្លាតវៃ យើងត្រូវប្រើប្រាស់បច្ចេកវិទ្យាដោយភាពវៃឆ្លាត ចេះគិតគួរត្រិះរិះ និងមិនងាយចាញ់បោកពាក្យចចាមអារ៉ាម ឬព័ត៌មានប្រឌិតឡើយ , យើងត្រូវស្វែងយល់ និងចូលរួមចែករំលែកចំណេះដឹង អំពីសុវត្ថិភាពព័ត៌មាន និងរបៀបបង្ការហានិភ័យឌីជីថលទាំងនេះដល់មនុស្សជុំវិញខ្លួន , យើងត្រូវដឹងថា «សន្តិភាពជាមូលដ្ឋានគ្រឹះនៃការលើកកម្ពស់ និងអនុវត្តសិទ្ធិកុមារ និងយុវវ័យ» ការចូលរួមថែរក្សាសន្តិសុខព័ត៌មាន គឺដើម្បីអនាគតដ៏ភ្លឺស្វាងរបស់យើងទាំងអស់គ្នា ។

ប្រាសាទបន្ទាយស្រី គឺជាប្រាសាទបុរាណខ្មែរនាពាក់កណ្តាលសតវត្សទី១០ ដែលត្រូវបានកសាងឡើងដើម្បីឧទ្ទិសដល់ព្រះសិវៈ ក្នុងព្រហ្មញ្ញសាសនា។ ប្រាសាទនេះមានទីតាំងស្ថិតក្នុងតំបន់អង្គរ ក្បែរភ្នំដី ចម្ងាយប្រមាណ ២៥ គីឡូម៉ែត្រ ខាងទិសឦសាននៃក្រុមប្រាសាទសំខាន់ៗ ដែលធ្លាប់ជារាជធានីបុរាណ យសោធរបុរៈ និងអង្គរធំ។ ប្រាសាទបន្ទាយស្រីសាងសង់ឡើងភាគច្រើនអំពីថ្មភក់ពណ៌ផ្កាឈូក (ថ្មភក់ក្រហម) ដែលជាប្រភេទថ្មអំណោយផលដល់ការដាប់ឆ្លាក់ក្បាច់លម្អលើជញ្ជាំងយ៉ាងល្អិតឆ្មារ ដែលយើងនៅតែអាចមើលឃើញយ៉ាងច្បាស់រហូតមកដល់សព្វថ្ងៃ។

វិធីសាស្ត្រ «៣កុំ ១ការពារ» រួមមាន៖ *ទី១៖ «កុំទាន់ជឿ» ពោលនៅពេលឃើញព័ត៌មានប្លែក ធ្វើឱ្យរំជើបរំជួល ឬគួរឱ្យភ័យខ្លាច ត្រូវគិតពិចារណា និងផ្ទៀងផ្ទាត់ឱ្យបានច្បាស់ មុននឹងវាយតម្លៃថាជាការពិត ព្រោះព័ត៌មានទាំងនោះអាចជាការប្រឌិតឡើង ដើម្បីទាក់ទាញការចូលមើល (View)។ *ទី២៖ «កុំទាន់ចែករំលែក» ដោយត្រូវចំណាយពេលយ៉ាងហោចណាស់ ១៥វិនាទី ដើម្បីពិនិត្យប្រភពព័ត៌មានឱ្យបានច្បាស់លាស់ ហើយបើមិនប្រាកដប្រជា មិនត្រូវចែករំលែកបន្តឡើយ។ *ទី៣៖ «កុំប្រហែស» ដោយត្រូវថែរក្សាលេខកូដសម្ងាត់គណនីផ្ទាល់ខ្លួន និងចៀសវាងការចុចលើតំណភ្ជាប់ (Link) ប្លែកៗ ដែលគ្មានប្រភពច្បាស់លាស់។ ដោយឡែកពាក្យ «១ការពារ» គឺត្រូវការពារខ្លួនឯង ក្រុមគ្រួសារ និងសង្គមជាតិ តាមរយៈការលើកកម្ពស់អក្ខរកម្មព័ត៌មាន និងប្រព័ន្ធផ្សព្វផ្សាយ ដើម្បីឱ្យប្រជាពលរដ្ឋ មានសមត្ថភាពក្នុងការវិភាគ ផ្ទៀងផ្ទាត់ និងប្រើប្រាស់ព័ត៌មានប្រកបដោយការទទួលខុសត្រូវ។

លោកស្រី ម៉ននី រង្សី អភិបាល​រង​ខេត្ត​សៀមរាប​ មានប្រសាសន៍ថា សិស្សដែលរៀនពូកែមានអត្រាជោគជ័យខ្ពស់ ប្រសិនបើពួកគេអាចរក្សាបាននូវភាពខ្ជាប់ខ្ជួន មិនមានមោទនភាពជ្រុលហួសហេតុ និងចេះបន្តរៀនសូត្រមិនឈប់ឈរ។ ទន្ទឹមនឹងនេះ ក៏មានសិស្សពូកែមួយចំនួនធំបានជួបនឹងបរាជ័យក្នុងជីវិតការងារ ដោយសារតែការធ្វេសប្រហែស ការមើលស្រាលលើការងារ និងការខ្វះសីលធម៌ក្នុងការទំនាក់ទំនង និងការដោះស្រាយបញ្ហា។ លោកថា «គ្មានអ្វីឈ្នះការដែលព្យាយាម ការអត់ធ្មត់ និងការតស៊ូឡើយ» ព្រោះការបរាជ័យក្នុងការសិក្សាមិនមែនជាចំណុចបញ្ចប់នៃជីវិតនោះទេ។

ទីតាំងបាញ់ធ្នូ «បន្ទាយជ័យ៨០២» ស្ថិតក្នុងភូមិស្ទឹង ឃុំបាគង ស្រុកប្រាសាទបាគង ខេត្តសៀមរាប ដែល​ជាទីតាំងបាញ់ធ្នូដំបូងគេក្នុងខេត្តសៀមរាប ដែលមានទាំងធ្នូបុរាណ និងធ្នូសម័យ ដោយ​អ្នក​ទេសចរ អាចទៅបាញ់ធ្នូកម្សាន្តបានតាមចំណូលចិត្តរៀងៗខ្លួន ហើយ​នៅទីនោះក៏មានអាហារដ្ឋានសួនមេអំបៅ ដែលមានមុខម្ហូប​ឈ្ងុយឆ្ងាញ់ អមនឹងបរិយាកាសធម្មជាតិស្ងប់ស្ងាត់សម្រាប់ភ្ញៀវទេសចរផងដែរ។ លើសពីការបាញ់ធ្នូ ទេសចរក៏អាចសាកល្បងរៀនធ្វើកុលាលភាជន៍ ជាវត្ថុប្រើប្រាស់របស់ខ្មែរតាំងពីសម័យបុរាណ ធ្វើពីដីឥដ្ឋ និងចម្លាក់ស្បែកគោផងដែរ។

យុវជន​​នៃ​វិទ្យា​ល័​យ​១​០​ម​ក​រា​ ​១​៩​៧​៩​-​សៀ​ម​រា​ប​ ប្តេ​ជ្ញា​រួ​​ម​គ្នា​ប្រឆាំ​ង​ព័​ត៌​មា​ន​​ក្លែ​ង​​ក្លាយ​ និង​និ​​យា​យ​ថា​ទេ​ចំពោះ​​ព័ត៌​មា​ន​ក្លែ​ង​​ក្លាយ

លោក លី ប៊ុនណា ប្រធានមន្ទី​​រអ​ប់រំ យុវជន និងកីឡាខេ​ត្ត​សៀ​ម​រាប ​ប្ដេជ្ញា​ស​ហកា​រ​ និងផ្សព្វ​ផ្សា​យ​ ដ​ល់​សិ​ស្សានុ​សិ​ស្ស​នៅ​គ្រឹះ​ស្ថា​នសិ​ក្សាទូ​ទាំ​ងខេ​ត្ត​ ​អំពីផលប៉ះពាល់នៃការចែកចាយព័ត៌មានក្លែងក្លាយ ក្នុ​ង​យុ​ទ្ធ​នា​កា​រ​ "​និ​យា​យ​ថា​ទេ​ចំ​ពោះ​ព័​ត៌​មា​ន​ក្លែង​ក្លា​យ​"​ ​ ជំហានទី២

ចូលរួមអបអរសាទរនៅគោលដៅចុងក្រោយ! នៅថ្ងៃទី០៣ ខែកក្កដា ឆ្នាំ២០២៦ Travel with Rith -ធ្វើដំណើរជាមួយរិទ្ធិ រួមជាមួយមន្ទីរពេទ្យកុមារអង្គរ បានរៀបចំព្រឹតិ្តការណ៍ជិះកង់បិទបញ្ចប់បេសកកម្ម ជិះកង់ជុំវិញពិភពលោកដើម្បីកុមារកម្ពុជា (Travel the World by Bicycle)។