ព័ត៌មានក្នុងខេត្ត

ថ្លែងក្នុងយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ នៅវិទ្យាល័យបន្ទាយស្រី ស្រុកបន្ទាយស្រី ដែលរៀបចំដោយមន្ទីរព័ត៌មានខេត្តសៀមរាប នៅថ្ងៃទី១៥ ខែកក្កដា ឆ្នាំ២០២៦នេះ ឯកឧត្តម ទេព អស្នារិទ្ធ អ្នកនាំពាក្យក្រសួងព័ត៌មាន បានលើកទឹកចិត្តដល់សាធារណៈជន ដើម្បីឱ្យកម្ពុជាគ្មានព័ត៌មានក្លែងក្លាយ ទាល់តែយើងចូលរួមទាំងអស់អនុវត្ត «៣កុំ ១ការពារ» ដើម្បីសុវត្ថិភាពព័ត៌មានគ្រួសារ និងសហគមន៍យើង។

ផ្សាយផ្ទាល់៖ កម្មវិធីយើងធ្វើបាន ក្រោមប្រធានបទ៖ ផលប៉ះពាល់នៃការរៀបការនៅវ័យក្មេង *វាគ្មិន៖ លោកស្រី ម៉ោញ ស្រីប៉ោក ប្រធាន គ.ក.ស.ក ស្រុកអង្គរជុំ ថ្ងៃពុធ ១កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែកក្កដា ឆ្នាំ២០២៦ July 15, 2026

ផ្សាយផ្ទាល់៖ កម្មវិធីសន្ទនាមតិ ក្រោមប្រធានបទ៖ ការអប់រំសុខភាពមាតាក្នុងអំឡុង ពេលមានផ្ទៃពោះ និងក្រោយពេលសម្រាល វាគ្មិន៖ លោកវេជ្ជបណ្ឌិត ម៉ង់ សម្បត្តិ ប្រធានមន្ទីរពេទ្យបង្អែកពួកខេត្តសៀមរាប ថ្ងៃអង្គារ ១៥រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែកក្កដា ឆ្នាំ២០២៦

នៅព្រឹកថ្ងៃទី១៥ ខែកក្កដា ឆ្នាំ២០២៦ នេះ មន្ទីរព័ត៌មានខេត្តសៀមរាប បន្តចុះផ្សព្វផ្សាយយុទ្ធនាការ «និយាយថាទេ ចំពោះព័ត៌មានក្លែងក្លាយ» ជំហានទី២ នៅវិទ្យាល័យបន្ទាយស្រី ស្រុកបន្ទាយស្រី ក្រោមអធិបតីភាព ឯកឧត្តម ទេព អស្នារិទ្ធ អ្នកនាំពាក្យក្រសួងព័ត៌មាន ដោយមានការចូលរួមពីលោកប្រធានមន្ទីរអប់រំ លោកអនុប្រធានមន្ទីរព័ត៌មាន អភិបាលរងស្រុក លោកគ្រូអ្នកគ្រូ និងសិស្សានុសិស្សជាច្រើនរូបទៀត។

នៅព្រឹកថ្ងៃទី១៥ ខែកក្កដា ឆ្នាំ២០២៦នេះ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានដឹកនាំកិច្ចប្រជុំតម្រង់ទិសលើការងារព័ត៌មាន និងសាធារណមតិ នៅមន្ទីរព័ត៌មានខេត្តសៀមរាប ដើម្បីពង្រឹងសមត្ថភាព និងវិជ្ជាជីវៈមន្ត្រីព័ត៌មានក្នុងការប្រមូល វិភាគ និងគ្រប់គ្រងព័ត៌មាន ព្រមទាំងការតាមដានសាធារណមតិឱ្យបានទាន់ពេលវេលា និងជំរុញយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២។

ក្នុងន័យដើម្បីលើកកម្ពស់ប្រសិទ្ធភាពការងារ និងគុណភាពនៃការផ្ដល់សេវាថែទាំសុខភាពជូនប្រជាពលរដ្ឋឱ្យកាន់តែល្អប្រសើរ លោកស្រី លាក់ ឡាំលាវ ប្រធានមន្ទីរពេទ្យបង្អែកខេត្តសៀមរាប ដែលទើបប្រកាសចូលកាន់មុខតំណែង បានការប្ដេជ្ញាចិត្តយ៉ាងមុតមាំលើការងារស្នូរសំខាន់ៗ ដែលផ្តោតលើការគោរពច្បាប់ ការពង្រឹងជំនាញ ការបម្រើអ្នកជំងឺដោយក្តីមេត្តាធម៌ និងគ្មានការរើសអើង។

ទិដ្ឋភាពទូទៅនៃយុទ្ធនាការនិយាយថាទេ ចំពោះព័ត៌មានក្លែងក្លាយជំហានទី២ គោលដៅទី៣ របស់មន្ទីរព័ត៌មានខេត្តសៀមរាប នៅវិទ្យាល័យបន្ទាយស្រី

រដ្ឋបាលខេត្តសៀមរាបនឹងរៀបចំការផ្សាយបន្តផ្ទាល់ការប្រកួតវគ្គផ្តាច់ព្រ័ត្រក្នុងព្រឹត្តិការណ៍បាល់ទាត់ពិភពលោក២០២៦ FIFA World Cup 2026 តាមរយៈទូរទស្សន៍LED ខ្នាតធំ អមដោយមានរៀបចំឆាក និងទីលានស៊ុតបាល់ប៉េណាំងទីឈ្នះរង្វាន់ ការប្រគំតន្ត្រីស្គរដៃ ដែលនឹងប្រព្រឹត្តទៅ នាថ្ងៃទី១៩ ខែកក្កដា ឆ្នាំ២០២៦ នៅបរិវេណទីតាំងសួនហាត់ប្រាណមាត់ស្ទឹងខាងមុខព្រះរាជដំណាក់ ក្នុងក្រុងសៀមរាប ខេត្តសៀមរាប។ សូមបងប្អូនចូលរួមឱ្យបានច្រេីនកុះករនាថ្ងៃទី១៩ ខែកក្កដា ឆ្នាំ២០២៦នៅបរិវេណទីតាំងសួនហាត់ប្រាណមាត់ស្ទឹងខាងមុខព្រះរាជដំណាក់ ក្នុងក្រុងសៀមរាប ខេត្តសៀមរាប។

នៅថ្ងៃទី១៤ ខែកក្កដា ឆ្នាំ២០២៦ សមាគមអតីតយុទ្ធជន និងនិវត្តជនកម្ពុជា ខេត្តសៀមរាប បានដឹកនាំក្រុមការងារ ដោយមានការចូលរួមពីអាជ្ញាធរដែនដី ស.ស.យ.ក.នាំយកនូវថវិកាចំនួន ១២,០០០,០០០៛ (ដប់ពីរលានរៀលគត់) របស់សម្តេច អគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា ប្រគល់ជូនគ្រួសារសពអតីតយុទ្ធជន ចំនួន ៣គ្រួសារក្នុងមួយគ្រួសារទទួលបានថវិកាចំនួន ៤,000,000រៀលគត់ (បួនលានរៀលគត់) ដូចខាងក្រោម៖ ១. ឈ្មោះ ឡាច សាវិន ភេទប្រុស អាយុ ៧១ឆ្នាំ ID: RB17000930 និវត្តជន ដែលបានទទួលមរណភាព ដោយរោគាពាធ ។ ២.ឈ្មោះ ស្រី រ័ត្ន ភេទស្រី អាយុ ៧២ឆ្នាំ ID: SA02001506 ពលី ដែលបានទទួលមរណភាព ដោយរោគាពាធ ។ ៣.ឈ្មោះ ហេង ហ៊ាង ភេទប្រុស អាយុ ៦៧ឆ្នាំ ID: HA84000816 ពិការ ដែលបានទទួលមរណភាព ដោយរោគាពាធ ។

នាព្រឹកថ្ងៃទី១៤ ខែកក្កដា ឆ្នាំ២០២៦ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត បានចូលរួមក្នុងពិធីចុះអនុស្សរណៈ នៃការយោគយល់គ្នារវាងក្រសួងសាធារណការ និងដឹកជញ្ជូន ក្រសួងរ៉ែ និងថាមពល អគ្គីសនីកម្ពុជា និងរដ្ឋបាលរាជធានី-ខេត្ត ស្តីពីកិច្ចសហប្រតិបត្តិការក្នុងការដំឡើងអំពូលភ្លើងបំភ្លឺប្រើថាមពលពន្លឺព្រះអាទិត្យតាមបណ្តាញផ្លូវសាធារណៈ នៃព្រះរាជាណាចក្រកម្ពុជា ក្រោមអធិបតីភាព ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន និងឯកឧត្តម កែវ រតនៈ រដ្ឋមន្រ្តីក្រសួងរ៉ែ និងថាមពល នៅអគ្គិសនីកម្ពុជាស្នាក់ការកណ្តាល រាជធានីភ្នំពេញ។

ក្រោមការប្រកួតប្រជែង និងការវាយតម្លៃយ៉ាងក្រិតក្រមរបស់គណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ ក្នុងនោះខេត្តសៀមរាបបានទទួលបានជ័យលាភី ៥អង្គភាព : -លេខ១ ចំនួន២ គឺមណ្ឌលសុខភាពគោកចក និងអនុវិទ្យាល័យមិត្តភាពខ្មែរ-ជប៉ុន ព្រះឥន្ទកោសា -លេខ៤ ចំនួន២ គឺសាលាបឋមសិក្សាក្រវ៉ាន់ និង មណ្ឌលស្រែណូយ -លេខ៩ ចំនួន១ គឺអនុវិទ្យាល័យអរញ្ញរង្សី

នៅថ្ងៃទី១៤ ខែកក្កដា ឆ្នាំ២០២៦ លោក សុខ ថុល អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានអញ្ជើញផ្តល់បទសម្ភាសន៍ដល់ស្ថានីយ៍វិទ្យុ និងទូរទស្សន៍មហាផ្ទៃ ស្ដីពី វឌ្ឍនភាពការងារសម្រេចបាន ប្រចាំឆមាសទី១ ឆ្នាំ២០២៦ របស់រដ្ឋបាលខេត្តសៀមរាប ដោយមានការអញ្ជើញចូលរួមពីស្នងការ នៃស្នងការដ្ឋាននគរបាលខេត្ត បញ្ជាការកងរាជអាវុធហត្ថខេត្ត មេបញ្ជាការរង តំបន់ប្រតិបត្តិការសឹករងខេត្ត និងមន្ទីរ-អង្គភាព ជំនាញពាក់ព័ន្ធ ព្រមទាំងមន្ត្រីរាការផងដែរ។