ព័ត៌មានក្នុងខេត្ត

ថ្លែងក្នុងកម្មវិធីសន្ទនាមតិរបស់វិទ្យុជាតិ និងទូរទស្សជាតិខេត្ដសៀមរាប កាលពីពេលថ្មីៗនេះ លោក សរ៍ ប៊ុនចំរុង អនុប្រធានសហគមន៍ទេសចរណ៍កំពង់ឃ្លាំងបានឱ្យដឹងថាស្រុកសូនិគមមានសក្ដានុពលទេសចរណ៍យ៉ាងសម្បូរបែបសម្រាប់ រដូវកាលបៃតង ជាពិសេស សហគមន៍ទេសចរណ៍កំពង់ឃ្លាំង ដោយសារសម្រស់បែបធម្មជាតិស្រស់បំព្រង អមដោយព្រៃកោងកាង និងវាលស្រែខៀវស្រងាត់ដែលស័ក្តិសមបំផុតសម្រាប់ការសម្រាកលំហែកាយ នារដូវកាលបៃតងនេះ ។

បៃតងស្រស់ ត្រជាក់ភ្នែក និងស្ងប់ស្រស់ស្រាយ សម្រស់អង្គរដែលគួរមកស្គាល់ដោយផ្ទាល់។

ផ្សាយផ្ទាល់៖ កម្មវិធីព័ត៌មានពេលព្រឹក ថ្ងៃព្រហស្បតិ៍ ១៥រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែសីហា ឆ្នាំ២០២៦

លោក ហម ហុង អ្នកកសិកររស់នៅក្នុងសង្កាត់ជ្រាវ ក្រុងសៀមរាប ខេត្តសៀមរាប បានចាប់យកមុខរបរដាំដំណាំបន្លែចម្រុះ ដូចជា៖ត្រប់ សណ្ដែក ម្ទេស ប៉េងប៉ោះជាដើម ក្រៅពីការធ្វើស្រែចម្ការ ដើម្បីផ្គត់ផ្គង់ជីវភាពក្នុងគ្រួសារ ខណៈឆ្នាំនេះដំណាំសណ្ដែកកួរ ចំណាយពេលប្រមាណ ៥ ទៅ ៦សប្ដាហ៍ អាចប្រមូលផលបាន ដោយដំណាំនេះត្រូវបានរំពឹងថា នឹងទទួលបានទិន្នផលច្រើន រីឯតម្លៃក៏សមរម្យផងដែរ។

ការងារបង្ការទប់ស្កាត់ អំពើជួញដូរផ្លូវភេទ និងការរំលោភបំពានផ្លូវភេទលើស្ត្រី និងកុមារ គឺមិនខ្វះបានទេពីវិស័យ និងស្ថាប័នពាក់ព័ន្ធ ក្នុងនោះវិស័យសាសនា ក៏បានដើរតួយ៉ាងសំខាន់ ក្នុងការផ្សព្វផ្សាយអប់រំ ពង្រឹងសតិ ស្មារតី ដល់មនុស្សគ្រប់វ័យ ឱ្យរឹងប៉ឹង តស៊ូ ព្យាយាម ជម្នះឧបសគ្គ និងចេះប្រុងប្រយ័ត្នស្មារតី មិនធ្លាក់ចូលទៅក្នុងឧបាយកល នៃជនល្មើស ដែលព្យាយាមអូសទាញមនុស្សទៅក្នុងភាពរងគ្រោះ ងាយស្រួលក្នុងការកេងប្រវ័ញ្ចគ្រប់រូបភាព។

ឯកសារនៃការវិនិច្ឆ័យដីធ្លីដែលមានលក្ខណៈជាប្រព័ន្ធចំនួន ៦ ៥៣៣ ក្បាលដី ស្ថិតក្នុងភូមិចំនួន១០ រួមមាន៖ ភូមិក្ដុល ភូមិភ្នំតូច ភូមិតាអាន ភូមិថ្មី ភូមិតាឡើង ភូមិសំរោង ភូមិទឹកជុំ ភូមិត្រពាំងឈូក ភូមិអន្លង់ និងភូមិសសៃពង នៃឃុំតាអាន ស្រុកក្រឡាញ់ ខេត្តសៀមរាប ត្រូវបានបិទផ្សាយជាសាធារណៈនៅថ្ងៃទី១២ ខែសីហា ឆ្នាំ២០២៦ ដែលជាឱកាសចុងក្រោយសម្រាប់ប្រជាពលរដ្ឋធ្វើការត្រួតពិនិត្យ និងស្នើសុំកែតម្រូវទិន្នន័យ ដើម្បីធានានូវភាពត្រឹមត្រូវ និងសុក្រឹតមុននឹងចេញបណ្ណកម្មសិទ្ធិជូន។

ថ្ងៃពុធ ១៤រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែសីហា ឆ្នាំ២០២៦

‎នៅព្រឹកថ្ងៃទី១២ ខែសីហា ឆ្នាំ២០២៦នេះ ក្រុមប្រឹក្សាខេត្តសៀមរាប អាណត្តិទី៤ បានរៀបចំកិច្ចប្រជុំវិសាមញ្ញលើកទី៩ ដើម្បីពិនិត្យ ពិភាក្សា និងអនុម័តលើផែនការចំណូល-ចំណាយថវិកាឆ្នាំ២០២៧ របស់រដ្ឋបាលខេត្ត ឱ្យស្របតាមកាលកំណត់នៃការគ្រោងថវិកាប្រចាំឆ្នាំ ក្រោមកិច្ចដឹកនាំរបស់ ឯកឧត្តម តោ គឹមស៊ាន សមាជិកក្រុមប្រឹក្សាខេត្ត និង លោក ព្រឹម រដ្ឋា អភិបាលរងខេត្ត ដោយមានការអញ្ជើញចូលរួមពីសំណាក់ថ្នាក់ដឹកនាំពាក់ព័ន្ធជាច្រើនរូប។

ប្រជាពលរដ្ឋក្នុងឃុំជប់តាត្រាវ សម្តែងការពេញចិត្ត និងថ្លែងអំណរគុណចំពោះថ្នាក់ដឹកនាំគ្រប់ជាន់ថ្នាក់ ជាពិសេស ឯកឧត្តម ប្រាក់ សោភ័ណ អភិបាលខេត្តសៀមរាប ដែលបានជួសជុលផ្លូវបុរាណក្នុងឃុំ ជួយសម្រួលការធ្វើដំណើរ និងការដឹកជញ្ជូនកសិផល

*វាគ្មិន៖ លោកស្រី ទុយ លាំ អភិបាលរងស្រុកបន្ទាយស្រី ថ្ងៃពុធ ១៤រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែសីហា ឆ្នាំ២០២៦

នៅរសៀលថ្ងៃទី១១ ខែសីហា ឆ្នាំ២០២៦ លោក នួន ពុទ្ធារ៉ា ប្រធានគណៈកម្មាធិការអនុសាខាកាកបាទក្រហមកម្ពុជា ក្រុងសៀមរាប តំណាងដ៏ខ្ពង់ខ្ពស់ ឯកឧត្ដម ប្រាក់ សោភ័ណ ប្រធានគណៈកម្មាធិការសាខាខេត្ត បានដឹកនាំសហការី អញ្ជើញចុះសួរសុខទុក្ខ និងនាំយកអំណោយមនុស្សធម៌ផ្ដល់ជូនគ្រួសារដែលរងគ្រោះដោយសារអគ្គីភ័យឆេះលំនៅឋាន ស្ថិតក្នុងភូមិស្វាយដង្គំ សង្កាត់ស្វាយដង្គំ ក្រុងសៀមរាប ដោយសារឆ្លងចរន្តអគ្គិសនី កាលពីថ្ងៃទី៥ ខែសីហាកន្លងទៅ។

ថ្លែងក្នុងពិធីបើកសិក្ខាសាលាពិគ្រោះយោបល់ថ្នាក់តំបន់ ស្តីពីការរៀបចំគោលការណ៍ណែនាំថ្នាក់តំបន់ ដើម្បីពង្រឹងការគ្រប់គ្រង និងអភិរក្សជីវចម្រុះជលផលទន្លេមេគង្គ នៅខេត្តសៀមរាប នាថ្ងៃទី១១ ខែសីហា ឆ្នាំ២០២៦ លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម បានគូសបញ្ជាក់ថា អាងទន្លេមេគង្គ និងបឹងទន្លេសាប គឺជាប្រព័ន្ធអេកូឡូស៊ីទឹកសាបដ៏មានឥទ្ធិពល និងជាប្រភពអាហាររូបត្ថម្ភយ៉ាងសំខាន់ ដែលទ្រទ្រង់ជីវភាពប្រជាជនរាប់លាននាក់។