ព័ត៌មានក្នុងខេត្ត

អាជ្ញាធរជាតិអប្សរាមានកិត្តិយស សូមជូនដំណឹងដល់ក្រសួង/ស្ថាប័នជាតិ-អន្តរជាតិ អាជ្ញាធរដែនដី មន្ទីរ-អង្គភាព សមាគមទីភ្នាក់ងារទេសចរណ៍ សមាគមមគ្គុទ្ទេសក៍ទេសចរណ៍ សមាគមដឹកជញ្ជូនភ្ញៀវទេសចរ ក្រុមហ៊ុនទីភ្នាក់ងារទេសចរណ៍ ភ្ញៀវទេសចរជាតិ-អន្តរជាតិ និងសាធារណជនទាំងអស់មេត្តាជ្រាបថា អាជ្ញាធរ ជាតិអប្សរាបើកឱ្យទស្សនារួតបាកានប្រាសាទអង្គរវត្តជារៀងរាល់ថ្ងៃ លើកលែងតែពេលរសៀលថ្ងៃទី១៤ និង ថ្ងៃទី២៨ នៃខែនីមួយៗ ចាប់ពីម៉ោង១៣:០០នាទីរសៀល ដើម្បីអនុញ្ញាតឱ្យក្រុមការងារជំនាញបំពេញការងារ បច្ចេកទេសផ្សេងៗ ក្នុងគោលដៅធានានូវតម្លៃទីសក្ការៈនេះឱ្យបានល្អប្រសើរ។

អាជ្ញាធរជាតិអប្សរា និងអាជ្ញាធរជាតិសំបូរព្រៃគុក បានចេញសេចក្តីប្រកាសព័ត៌មានស្តីពីលទ្ធផលនៃកិច្ចប្រជុំបច្ចេកទេសលើកទី៤២ នៃអាយស៊ីស៊ី-អង្គរ/សំបូរព្រៃគុក ដែលបានប្រព្រឹត្តទៅនៅខេត្តសៀមរាប។ លទ្ធផលសំខាន់ៗរួមមាន៖ ការសម្តែងក្តីបារម្ភលើផលប៉ះពាល់ដល់បេតិកភណ្ឌពីការប៉ះទង្គិចគ្នានៅតាមព្រំដែនកម្ពុជា-ថៃ, ការបន្តគាំទ្រថវិកា ៩០០,០០០ ដុល្លារ ពីជប៉ុនសម្រាប់ប្រាសាទបាយ័ន និង ២៥០,០០០ ដុល្លារ ពីអាមេរិកសម្រាប់ប្រាសាទភ្នំបាខែង។ ក្រៅពីនេះ គម្រោងជួសជុលប្រាសាទមេបុណ្យខាងលិច (ឧបត្ថម្ភដោយបារាំង ១២លានអឺរ៉ូ) នឹងត្រូវបញ្ចប់ និងសម្ពោធក្នុងខែវិច្ឆិកា ឆ្នាំ២០២៦ ស្របពេលជាមួយគ្នានឹងកិច្ចប្រជុំកំពូលហ្វ្រង់កូហ្វូនីលើកទី២០។ កិច្ចប្រជុំក៏បានបង្ហាញពីវឌ្ឍនភាពលើការរៀបចំផែនការគ្រប់គ្រងដីធ្លី សំណង់ និងការគ្រប់គ្រងទឹកក្នុងតំបន់អង្គរផងដែរ។

រដ្ឋបាលខេត្តសៀមរាប ជូនដំណឹងពីការចែកវិញ្ញាបនបត្រសម្គាល់ម្ចាស់អចលនវត្ថុ និងមោឃភាពនៃបណ្ណសម្គាល់សិទ្ធិកាន់កាប់ ប្រើប្រាស់ដីធ្លី ឬបណ្ណសម្គាល់សិទ្ធិកាន់កាប់អចលនវត្ថុ ស្ថិតក្នុងភូមិចំនួន៤ ក្នុងស្រុកប្រាសាទបាគង នៅថ្ងៃ ទី១០ ខែមិថុនា ឆ្នាំ២០២៦

ស្នងការដ្ឋាននគរបាលខេត្តសៀមរាប ចេញសេចក្តីបំភ្លឺព័ត៌មានចំពោះ គណនីហ្វេសប៊ុកឈ្មោះ សារព័ត៌មាន SBT ស្នេហាជាតិ បានចុះផ្សាយ ដោយមានខ្លឹមសារថា "ក្រុមអ្នកញៀនល្បែងស៊ីសងអាប៉ោយ៉ាងអនាធិបតេយ្យដែលគេឲ្យដឹងថា សកម្មភាពអ្នក លេងទាំងនេះមិនធ្វើឲ្យរំខានដល់មន្ត្រីសម្ថកិច្ចបន្តិចសោះឡើយ ស្ថិតនៅក្នុងភូមិចុងឃ្លៀស សង្កាត់ចុងឃ្លៀស ខេត្តសៀមរាប

ក្រុមការងារប្រតិកម្មរហ័សនៃស្នងការដ្ឋាននគរបាលខេត្តសៀមរាប បានចេញលិខិតបដិសេធទាំងស្រុងចំពោះការចោទប្រកាន់លើបណ្តាញសង្គមដែលថា សមត្ថកិច្ចបានទទួលលុយ (ស៊ីសំណូក) នៅក្នុងករណីគ្រោះថ្នាក់ចរាចរណ៍មួយ កាលថ្ងៃទី៧ ខែមិថុនា ឆ្នាំ២០២៦