ព័ត៌មានក្នុងខេត្ត

ការពង្រឹងសមត្ថភាពធនធានមនុស្សក្នុងវិស័យសណ្ឋាគារ និងបដិសណ្ឋារកិច្ច សម្រាប់ខេត្តសៀមរាប គឺជាកត្តាចាំបាច់ ដើម្បីឆ្លើយតបនឹងតម្រូវការរបស់ទីផ្សារទេសចរណ៍ ដែលកាន់តែ មានការប្រកួតប្រជែង និងការរំពឹងទុកខ្ពស់ពីភ្ញៀវទេសចរ។ នេះជាការលើកឡើងរបស់ លោក ឌី រ៉ាដូ អភិបាលរងខេត្ត ក្នុងវគ្គបណ្តុះបណ្តាលគ្រូបង្គោល និងអ្នកវាយតម្លៃគ្រូបង្គោលជាតិនៃសេវាកម្មសណ្ឋាគារ ស្របតាមស្មារតីនៃកិច្ចព្រមព្រៀងទទួលស្គាល់គ្នាទៅវិញទៅមកលើអ្នកជំនាញទេសចរណ៍អាស៊ាន ដែលរៀបចំដោយក្រសួងទេសចរណ៍ ថ្ងៃទី១៧ ខែសីហា ឆ្នាំ២០២៦នេះ។

មន្ត្រីជំនាញសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) ខេត្តសៀមរាប បានបង្ហាញថា ស្ថានភាពសុវត្ថិភាពចំណីអាហារតាមទីផ្សារនានាក្នុងក្រុងសៀមរាប មានភាពល្អប្រសើរគួរឱ្យកត់សម្គាល់ បន្ទាប់ពីការចុះត្រួតពិនិត្យ និងយកសំណាកទៅធ្វើពិសោធន៍ក្នុងរយៈពេល ៦ខែដំបូង ឆ្នាំ២០២៦នេះ មន្ត្រីជំនាញរកឃើញទំនិញមានលាយសារធាតុគីមីត្រឹមតែ ១សំណាកគត់ ក្នុងចំណោមសំណាកសរុបចំនួន ១៤៨។

ការអភិវឌ្ឍវិស័យមូលបត្រមិនអាចពឹងផ្អែកទៅលើការកសាងហេដ្ឋារចនាសម្ព័ន្ធទីផ្សារ ឬក្របខណ្ឌបទបញ្ញាតែប៉ុណ្ណោះទេ ប៉ុន្តែត្រូវចាប់ផ្ដើមពីការកសាងចំណេះដឹង ការបណ្ដុះវប្បធម៌វិនិយោគ និងការអភិវឌ្ឍធនធានមនុស្ស។ នេះបើតាមការលើកឡើងរបស់ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា ក្នុងឱកាសអញ្ជើញបិទសិក្ខាសាលាផ្សព្វផ្សាយស្ដីពីវិស័យមូលបត្រនៅកម្ពុជា សម្រាប់សាស្ត្រាចារ្យ និងវិនិយោគិនសក្ដានុពលកម្រិត២ នៅរសៀលថ្ងៃទី១៤ ខែសីហា ឆ្នាំ២០២៦នេះ។

ថ្នាក់ដឹកនាំ អ្នកដឹកនាំ គ្រូគង្វាល គ្រូជំនួយ គ្រូកុមារ នៃគ្រិស្ដសាសនាក្នុងក្រុងសៀមរាប ស្រុកស្វាយលើ ស្រុកពួក និងស្រុកសូទ្រនិគម ៥៥រូប បានទទួលការបណ្ដុះបណ្ដាលស្តីពីការបង្ការទប់ស្កាត់ការជួញដូរផ្លូវភេទ និងការរំលោភបំពានផ្លូវភេទលើស្រ្តី និងកុមារ ដែលរៀបចំឡើងដោយ គណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តសៀមរាប ដែលហៅកាត់ គ.ខ.ប.ជ សហការជាមួយអង្គការមេត្រីអន្តរជាតិ ចាប់ពីថ្ងៃទី១២ ដល់ទី១៣ ខែសីហា ឆ្នាំ២០២៦នេះ។

ឯកសារនៃការវិនិច្ឆ័យដីធ្លីមានលក្ខណ:ជាប្រព័ន្ធជាង ៨ ០០០ក្បាលដី នៅក្នុងឃុំជីក្រែង ស្រុកជីក្រែង ខេត្តសៀមរាប ត្រូវបានបិទផ្សាយជាសាធារណៈ ដើម្បីឱ្យប្រជាពលរដ្ឋ និងអ្នកពាក់ព័ន្ធពិនិត្យ និងស្នើសុំកែតម្រូវក្នុងករណីមានកំហុសឆ្គង ដើម្បីធានាបាននូវភាពសុក្រឹត ត្រឹមត្រូវ មុនចេញបណ្ណកម្មសិទ្ធជូនជាផ្លូវការ។

នៅថ្ងៃទី១៤ ខែសីហា ឆ្នាំ២០២៦នេះ រដ្ឋបាលខេត្តសៀមរាប និងមន្ទីររៀបចំដែនដីខេត្ត បានបិទផ្សាយជាសាធារណៈនូវឯកសារវិនិច្ឆ័យដីធ្លីចំនួន ៧ ៥៨៦ក្បាលដី ជូនដល់ប្រជាពលរដ្ឋ ក្នុងភូមិចំនួន៩ នៃឃុំត្រពាំងធំ ស្រុកប្រាសាទបាគង ពិនិត្យ ផ្ទៀងផ្ទាត់ និងស្នើសុំកែតម្រូវ ឬជំទាស់ ករណីមានកំហុសឆ្គង ដែលការបិទផ្សាយមានរយៈពេល១៥ថ្ងៃ ចាប់ពីថ្ងៃទី១៤ ដល់ទី២៨ ខែសីហា នៅបរិវេណវត្តសុវណ្ណបុប្ផារាម ហៅវត្តខ្សាច់។

នៅថ្ងៃទី១៤ ខែសីហា ឆ្នាំ២០២៦នេះ អាជ្ញាធរបន្ទាយស្រី ខេត្តសៀមរាប បានដឹកនាំប្រជាពលរដ្ឋក្នុងមូលដ្ឋាន និងសិស្សានុសិស្ស ដាំកូនឈើចម្រុះជិត ៥ ០០០ដើម នៅតាមបណ្តាផ្លូវឃុំទាំង៥ ដើម្បីកែលម្អសោភ័ណភាពបរិស្ថានឱ្យក្លាយជាតំបន់ទេសភាពបៃតង ដែលធ្វើឱ្យការរស់នៅរបស់ប្រជាពលរដ្ឋប្រកបដោយសុខដុមរម្យនា និងទាក់ទាញភ្ញៀវទេសចរ។

ក្នុងឱកាសជួបសំណេះសំណាលជាមួយបងប្អូនអ្នកសារព័ត៌មានក្នុងខេត្ត ដើម្បីជំរុញ និងផ្សព្វផ្សាយពីគោលការណ៍ និងច្បាប់នានាពាក់ព័ន្ធនឹងវិស័យព័ត៌មាន ក្នុងន័យធ្វើការយ៉ាងណាពង្រឹងវិជ្ជាជីវៈសារព័ត៌មានឱ្យបានត្រឹមត្រូវ និងល្អប្រសើរ នៅថ្ងៃទី១៤ ខែសីហា ឆ្នាំ២០២៦ លោក បុង ឆវ័ន ប្រធានការិយាល័យព័ត៌មាន និងសោតទស្សន៍ នៃមន្ទីរព័ត៌មានខេត្តសៀមរាប បានណែនាំ និងជំរុញដល់អ្នកសារព័ត៌មានអនុវត្តការងារដោយគោរពក្រមសីលធម៌ ចូលរួមទប់ស្កាត់ព័ត៌មានក្លែងក្លាយ និងផ្សព្វផ្សាយពីសមិទ្ធផលក្នុងខេត្តឱ្យបានកាន់តែទូលំទូលាយ។

មុននឹងសម្រេចចិត្តដាក់ប្រាក់វិនិយោគលើគម្រោងណាមួយ ប្រជាពលរដ្ឋ ជាពិសេសលោកគ្រូ អ្នកគ្រូ និងនិស្សិត ត្រូវមានការប្រុងប្រយ័ត្នឱ្យបានខ្ពស់ ដោយត្រូវស្វែងយល់និងសាកសួរព័ត៌មានឱ្យបានច្បាស់លាស់ជាមុនសិន។ នេះបើតាមការបញ្ជាក់របស់ ឯកឧត្តម ហុង សុហួរ ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃផ្សារមូលបត្រកម្ពុជា ក្នុងសិក្ខាសាលាផ្សព្វផ្សាយស្ដីពីវិស័យមូលបត្រនៅកម្ពុជា សម្រាប់សាស្ត្រាចារ្យ និងវិនិយោគិនសក្ដានុពលកម្រិត២ នាថ្ងៃទី១៣ ខែសីហា ឆ្នាំ២០២៦ នៅខេត្តសៀមរាប។

ដោយទទួលបានគោលការណ៍ណែនាំដ៏ខ្ពង់ខ្ពស់ពីសំណាក់ ឯកឧត្តម ប្រាក់ សោភ័ណ អភិបាលខេត្ដសៀមរាប នាថ្ងៃទី១៣ ខែសីហា ឆ្នាំ២០២៦ លោក អ៊ឹង គឹមលាង អភិបាលរងខេត្ដ បានដឹកនាំកម្លាំងចម្រុះទ្រង់ទ្រាយធំ ចុះបង្ក្រាបបទល្មើសធនធានជលផលនៅក្នុងឃុំកំពង់ឃ្លាំង ស្រុកសូទ្រនិគម និងចាប់ពីសង្កាត់ចុងឃ្នៀស ក្រុងសៀមរាប រហូតដល់បឹងទន្លេសាបក្នុងភូមិសាស្រ្ដស្រុកពួក។

ថ្លែងក្នុងកម្មវិធីសន្ទនាមតិរបស់វិទ្យុជាតិ និងទូរទស្សជាតិខេត្ដសៀមរាប កាលពីពេលថ្មីៗនេះ លោក សរ៍ ប៊ុនចំរុង អនុប្រធានសហគមន៍ទេសចរណ៍កំពង់ឃ្លាំងបានឱ្យដឹងថាស្រុកសូនិគមមានសក្ដានុពលទេសចរណ៍យ៉ាងសម្បូរបែបសម្រាប់ រដូវកាលបៃតង ជាពិសេស សហគមន៍ទេសចរណ៍កំពង់ឃ្លាំង ដោយសារសម្រស់បែបធម្មជាតិស្រស់បំព្រង អមដោយព្រៃកោងកាង និងវាលស្រែខៀវស្រងាត់ដែលស័ក្តិសមបំផុតសម្រាប់ការសម្រាកលំហែកាយ នារដូវកាលបៃតងនេះ ។

លោក ហម ហុង អ្នកកសិកររស់នៅក្នុងសង្កាត់ជ្រាវ ក្រុងសៀមរាប ខេត្តសៀមរាប បានចាប់យកមុខរបរដាំដំណាំបន្លែចម្រុះ ដូចជា៖ត្រប់ សណ្ដែក ម្ទេស ប៉េងប៉ោះជាដើម ក្រៅពីការធ្វើស្រែចម្ការ ដើម្បីផ្គត់ផ្គង់ជីវភាពក្នុងគ្រួសារ ខណៈឆ្នាំនេះដំណាំសណ្ដែកកួរ ចំណាយពេលប្រមាណ ៥ ទៅ ៦សប្ដាហ៍ អាចប្រមូលផលបាន ដោយដំណាំនេះត្រូវបានរំពឹងថា នឹងទទួលបានទិន្នផលច្រើន រីឯតម្លៃក៏សមរម្យផងដែរ។