ព័ត៌មានក្នុងខេត្ត

ប្រាសាទបាយ័ន ស្ថិតនៅចំកណ្តាលនៃក្រុងអង្គរធំ ។ ប្រាសាទនេះកសាងនៅចុងគ្រិស្តសតវត្សរ៍ទី ១២ និងដើមគ្រិស្តសតវត្សរ៍ទី១៣ ដោយព្រះបាទជ័យវរ្ម័ន ទី៧ ។ ប្រាសាទនេះមានតួប៉មនីមួយៗ មានមុខបួនដែលមានកំពូល៤៩និងកំពូលក្លោងទ្វារចូល៥ទៀតសរុបទាំងអស់៥៤កំពូលដែលតំណាងឱ្យខេត្តក្រុងខ្មែរទាំង ៥៦ នៅសម័យកាលនោះ ។ មានអ្នកប្រាជ្ញមួយចំនួន បានគិតថាមុខទាំង៤ នោះរូបតំណាងឱ្យព្រះពោធិសត្វលោកកេស្វរៈអ្នកខ្លះទៀតគិតថាជារូបតំណាងព្រះបាទជ័យវរ្ម័នទី៧ ។ ប្រាសាទបាយ័នមានប្លង់បីជាន់ ជាន់ទី ១ និងទី ២ មានថែរដែលមានចម្លាក់ដ៏ល្អ ។ ប្រាង្គនៅកណ្តាល ១៦ និងស្ថិតនៅជាន់ទី ៣ មានរាងកាកបាទ​។ សំណង់ប្រាសាទបាយ័នមាន លក្ខណៈស្មុគស្មាញ ទាំងថែរ ផ្លូវដើរ និងជណ្តើរ ។ ក្រៅពីទឹកមុខញញឹមនៃរូបបាយ័នប្រាសាទនេះមានចម្លាក់ដ៏ល្អប្រណីតដែលរៀបរាប់ពីរឿងទេវកថាប្រជាជននៅសម័យអង្គរ មានទាំងផ្សារ ការនេសាទ ពិធីបុណ្យ លែងប្រដាល់ ជល់មាន់ ។ ល។ និងថែមទាំងមានការរៀបរាប់ពីព្រឹត្តិការណ៍ប្រវត្តិសាស្រ្តចម្បាំង និងព្យុហយាត្រា ជាដើម ដោយចម្លាក់នោះ ឆ្លាក់បានជ្រៅជាងនៅ ប្រាសាទអង្គរវត្ត តែមានលក្ខណៈសាមញ្ញ ។

តស់! ចុងសប្តាហ៍នេះ ទៅលេង សួនបៃតងអង្គរ ទាំងអស់គ្នា! សូមស្វាគមន៍មកកាន់ សួនបៃតងអង្គរ ទីនេះមានសារមន្ទីររូបក្រមួនកម្ពុជា តាំងបង្ហាញជីវភាពប្រជាពលរដ្ឋពីបុរាណ និងរូបសំណាកសត្វក្នុងរឿងព្រេង ព្រមទាំងពិព័រណ៍វប្បធម៌ប្រវត្តិសាស្ត្រដ៏សម្បូរបែប។

ប្រជាពលរដ្ឋដែលមកទទួលសេវានៅមន្ទីរពេទ្យបង្អែកស្រុកពួក បានសម្ដែងការពេញចិត្តចំពោះការថែទាំ និងការផ្តល់សេវារបស់ក្រុមគ្រូពេទ្យ។ ជាមួយគ្នានេះ មន្ទីរពេទ្យប្តេជ្ញាបន្តពង្រឹងគុណភាព និងប្រសិទ្ធភាពសេវាសុខាភិបាល ដើម្បីឆ្លើយតបតាមតម្រូវការរបស់ប្រជាពលរដ្ឋឱ្យកាន់តែមានសុវត្ថិភាព និងភាពកក់ក្តៅ។

ប្រជាពលរដ្ឋពេញចិត្តចំពោះការផ្តល់សេវាសុខាភិបាលនៅ មណ្ឌលសុខភាព ស្រែណូយ ស្រុកវ៉ារិន ខេត្តសៀមរាប ដែលជាសូចនាករដ៏សំខាន់មួយ ដែលបង្ហាញពីជោគជ័យនៃការលើកកម្ពស់គុណភាពសេវាសាធារណៈ នៅតាមមូលដ្ឋានដាច់ស្រយាល។

អ្នកស្រី ឈុត សាម៉ុន រស់នៅឃុំកណ្តែក ស្រុកប្រាសាទបាគង ខេត្តសៀមរាប បានជម្នះរាល់ឧបសគ្គពិការភាព ដោយតស៊ូរៀនជំនាញកាត់ដេររហូតស្ទាត់ជំនាញ ដើម្បីបង្កើតមុខរបរចិញ្ចឹមខ្លួន និងគ្រួសារដោយសមត្ថភាពផ្ទាល់ខ្លួន។

ផ្លូវបេតុងថ្មីមួយខ្សែក្នុងភូមិបន្ទាយចាស់ សង្កាត់ស្លក្រាម បានសាងសង់រួចរាល់ជាផ្លូវការ! ក្រោមការចង្អុលបង្ហាញពី ឯកឧត្តម អភិបាលខេត្តសៀមរាប។ ផ្លូវថ្មី មុខមាត់ថ្មី និងជីវភាពកាន់តែប្រសើរ

មន្តស្នេហ៍ប្រាសាទប្រែរូប នារដូវកាលបៃតង ប្រាសាទបុរាណដ៏អស្ចារ្យ ឈរលេចធ្លោកណ្ដាលធម្មជាតិបៃតងស្រស់ ខ្យល់អាកាសត្រជាក់ និងទេសភាពដ៏ស្រស់ត្រកាល បង្កើតជាបរិយាកាសដ៏ស្ងប់ស្ងាត់ និងទាក់ទាញ។ នារដូវកាលបៃតង សូមមកស្វែងយល់ពីបេតិកភណ្ឌដ៏មានតម្លៃ និងផ្តិតយកអនុស្សាវរីយ៍ស្អាតៗនៅ ប្រាសាទប្រែរូប ខេត្តសៀមរាប។ The Charm of Pre Rup Temple in the Green Season This magnificent ancient temple stands gracefully amid lush green surroundings, where cool breezes and picturesque scenery create a peaceful and captivating atmosphere. This Green Season, come and discover the beauty of Cambodia’s treasured heritage and capture unforgettable memories at Pre Rup Temple, Siem Reap Province. 📸- ក្រុម កណ្តៀរ

ផ្លូវបេតុងថ្មីមួយខ្សែ ក្នុងភូមិបន្ទាយចាស់ សង្កាត់ស្លក្រាម ត្រូវបានស្ថាបនារួចរាល់ ក្រោមការដឹកនាំរបស់ ឯកឧត្តម ប្រាក់ សោភ័ណ អភិបាលខេត្តសៀមរាប ដើម្បីសម្រួលដល់ការធ្វើដំណើររបស់ប្រជាពលរដ្ឋ

ថ្ងៃប្រកាសលទ្ធផលបានមកដល់ នាំមកនូវអារម្មណ៍ចម្រុះទាំងស្នាមញញឹម និងទឹកភ្នែក។ អបអរសាទរចំពោះអ្នកដែលទទួលបានជោគជ័យ ហើយចំពោះអ្នកមិនទាន់សមបំណង សូមកុំបាក់ទឹកចិត្ត លទ្ធផលនេះមិនមែនជាចំណុចបញ្ចប់នៃក្តីស្រមៃឡើយ។ ការប្រឹងប្រែងកន្លងមកពិតជាមានតម្លៃ សូមបន្តដំណើរទៅមុខទៀតដោយក្តីសង្ឃឹម និងភាពជឿជាក់!

ភាពតានតឹង និងការទន្ទឹងរង់ចាំត្រូវបានបញ្ចប់ ដោយជំនួសមកវិញនូវអារម្មណ៍ចម្រុះ ខ្លះស្រែកហ៊ោដោយក្តីរំភើប ខ្លះហូរទឹកភ្នែកព្រោះការខិតខំកន្លងមកទទួលបានផ្លែផ្កា និងខ្លះទៀតនៅមិនទាន់អស់ចិត្ត។ មិនថាទទួលបានលទ្ធផលបែបណានោះទេ ការប្រឹងប្រែងអស់ពីសមត្ថភាពនាពេលកន្លងមក គឺជាបទពិសោធន៍ និងជាមេរៀនជីវិតដ៏មានតម្លៃសម្រាប់ប្អូនៗទាំងអស់គ្នា។ អបអរសាទរ និងសូមបន្តដំណើរទៅមុខដោយភាពជឿជាក់!

បរិយាកាសពោរពេញដោយភាពអន្ទះសា ទាំងភ័យផង ទាំងអរផង ខណៈដែលប្អូនៗសិស្សានុសិស្សបានមកជួបជុំគ្នាដើម្បីពិនិត្យផ្ទៀងផ្ទាត់លទ្ធផលប្រឡង បន្ទាប់ពីបានខិតខំប្រឹងប្រែងរៀនសូត្រកន្លងមក។ ជូនពរប្អូនៗទាំងអស់គ្នាទទួលបានលទ្ធផលគាប់ប្រសើរដូចការរំពឹងទុក!

ថ្នាក់ដឹកនាំមន្ទីរវប្បធម៌ខេត្តសៀមរាប  អំពាវនាវដល់អាជីវករ និងប្រជាពលរដ្ឋ រួមគ្នាទប់ស្កាត់ការប្រើប្រាស់សម្លៀកបំពាក់ដែលមានភ្ជាប់សំណេរអសុរោះ ដើម្បីចៀសវាងការប៉ះពាល់ដល់សីលធម៌សង្គម