វីដេអូបទយកការណ៍៖ ប្រជាពលរដ្ឋនៅឃុំកំពង់ភ្លុក សម្ដែងក្ដីពេញចិត្តចំពោះការផ្ដល់សេវា និងការអភិវឌ្ឍមូលដ្ឋាន
ឃុំកំពង់ភ្លុក គឺជាឃុំមួយក្នុងចំណោមឃុំទាំង៨ នៃស្រុកប្រាសាទបាគង ខេត្តសៀមរាប ដែលមានប្រជាពលរដ្ឋរស់នៅចំនួន ៣ ភូមិ និងស្ថិតនៅចម្ងាយប្រមាណ ៣០ គីឡូម៉ែត្រពីក្រុងសៀមរាប។ ឃុំនេះមានទីតាំងស្ថិតនៅជាប់បឹងទន្លេសាប ដែលជាតំបន់ព្រៃលិចទឹកដ៏មានសក្ដានុពល ដោយប្រជាពលរដ្ឋភាគច្រើនប្រកបរបរនេសាទ និងសេវាកម្មដឹកជញ្ជូនភ្ញៀវទេសចរ។ ឃុំកំពង់ភ្លុក គឺជាសហគមន៍ទេសចរណ៍ធម្មជាតិ និងជាភូមិបណ្ដែតទឹកដ៏ល្បីល្បាញ ដែលទាក់ទាញភ្ញៀវទេសចរទាំងជាតិ និងអន្តរជាតិ ឱ្យមកទស្សនាផ្ទះបណ្ដែតទឹក ព្រៃលិចទឹក និងជីវចម្រុះជាច្រើនប្រភេទ ជាពិសេសក្នុងរដូវវស្សា។
មន្ទីរព័ត៌មានខេត្តសៀមរាបបទយកការណ៍
