នៅរសៀលថ្ងៃទី១២ ខែវិច្ឆិកា ឆ្នាំ២០២៦ ព្រះសង្ឃ អាជ្ញាធរស្រុកសូទ្រនិគម ក្រុមកីឡាករ ប្រជាពលរដ្ឋ និងសិស្សានុសិស្សយ៉ាងច្រើនកុះករ បានចូលរួមយ៉ាងសប្បាយរីករាយក្នុងពិធីដង្ហែអបអរសាទរ ទូក “ង” ហនុមានសៀមរាប របស់រដ្ឋបាលខេត្តសៀមរាប ដែលបានដណ្ដើមបានជ័យលាភីលេខ១ ក្នុងការប្រកួតកីឡាខ្នាតអន្តរជាតិទូក “ង” ទូកនាគ និងទូកផ្កាចារ ជ្រើសរើសជើងឯកថ្នាក់ជាតិ ពានរង្វាន់ឯកឧត្តម អភិសន្តិបណ្ឌិត ស សុខា លើកទី៣ ឆ្នាំ២០២៦។

បងប្អូនប្រកបរបររត់រ៉ឺម៉កកង់បីខ្មែរ និងកង់បីឥណ្ឌាក្នុងខេត្តសៀមរាប បានអំពាវនាវដល់ភ្ញៀវទេសចរជាតិ អន្តរជាតិ និងប្រជាពលរដ្ឋមកពីបណ្ដាខេត្តនានា សូមជួយគាំទ្រសេវាកម្មដឹកជញ្ជូនរបស់ពួកគាត់ ដើម្បីរួមចំណែកបង្កើតការងារ បង្កើនប្រាក់ចំណូលទ្រទ្រង់ជីវភាពគ្រួសារ និងជួយកាត់បន្ថយការកកស្ទះចរាចរណ៍ក្នុងក្រុង ខណៈតម្លៃសេវាកម្មត្រូវបានរក្សាទុកនៅដដែល ពុំមានការដំឡើងថ្លៃឡើយក្នុងឱកាសពិធីបុណ្យទាន ជាពិសេសឱកាសបុណ្យអុំទូកខាងមុខនេះ។

នៅថ្ងៃទី១១ ខែវិច្ឆិកា ឆ្នាំ២០២៦នេះ មន្ទីរសេដ្ឋកិច្ច និងហិរញ្ញវត្ថុខេត្តសៀមរាប បានរៀបចំប្រជុំផ្សព្វផ្សាយប្រកាសលេខ ៣៩៣ សហរ.ប្រក.អលសា ចុះថ្ងៃទី១ ខែមិថុនា ឆ្នាំ២០២៦ របស់ក្រសួងសេដ្ឋកិច្ច និងហិរញ្ញវត្ថុ ស្ដីពីផែនការលទ្ធកម្ម ជូនដល់ថ្នាក់ដឹកនាំ និងមន្ត្រីពាក់ព័ន្ធមកពីមន្ទីរអង្គភាពក្នុងខេត្ត ក្នុងន័យធ្វើយ៉ាងណាដើម្បីឱ្យមានការពង្រឹងតម្លាភាព គណនេយ្យភាព និងប្រសិទ្ធភាពក្នុងការគ្រប់គ្រងថវិការដ្ឋ។

នាថ្ងៃទី១២ ខែវិច្ឆិកា ឆ្នាំ២០២៦នេះ ក្រុមប្រឹក្សាខេត្តសៀមរាប បន្តចុះស្ដាប់ក្ដីកង្វល់ និងដោះស្រាយបញ្ហាប្រឈមរបស់ពលរដ្ឋ សម្រាប់គោលដៅស្រុកស្វាយលើ ដើម្បីជួបផ្ទាល់ជាមួយបងប្អូនប្រជាពលរដ្ឋ ស្ដាប់ និងប្រមូលរាល់ក្ដីកង្វល់ និងតម្រូវការនានារបស់បងប្អូនប្រជាពលរដ្ឋយកមកដោះស្រាយ ក្នុងន័យដើម្បីលើកកម្ពស់គណនេយ្យភាព តម្លាភាព និងការចូលរួមរបស់ប្រជាពលរដ្ឋក្នុងកិច្ចដំណើរការអភិបាលកិច្ចរបស់រដ្ឋបាលថ្នាក់ក្រោមជាតិ តាមរយៈវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត អាណត្តិទី៤ ឆ្នាំ២០២៦។

គណៈកម្មាធិការរៀបចំសណ្ដាប់ធ្នាប់ និងរបៀបរៀបរយសាធារណៈខេត្តសៀមរាប នៅថ្ងៃទី១១ ខែវិច្ឆិកា ឆ្នាំ២០២៦ បានបន្តចុះអនុវត្តវិធានការរៀបចំសណ្ដាប់ធ្នាប់ បរិស្ថាន និងអនាម័យសាធារណៈ នៅតាមបណ្តោយផ្លូវជាតិលេខ៦ ចាប់ពីចំណុចស្តុបទន្លេសាប រហូតដល់សង្កាត់ទឹកវិល ដែលប្រតិបត្តិការនេះធ្វើឡើងក្នុងគោលបំណងលើកកម្ពស់សោភណភាពទីក្រុង ដើម្បីត្រៀមស្វាគមន៍កិច្ចប្រជុំកំពូលហ្វ្រង់កូហ្វូនី (Francophonie) ដែលនឹងប្រព្រឹត្តទៅនាពេលខាងមុខ។

លោកវេជ្ជបណ្ឌិត សូរ សុទ្ធី ត្រូវបានប្រកាសចូលកាន់មុខតំណែង ជាប្រធានមន្ទីរសុខាភិបាលថ្មី នៃរដ្ឋបាលខេត្តសៀមរាប ជាផ្លូវការ ដែលពិធីប្រកាសធ្វើឡើងនៅថ្ងៃទី១២ ខែវិច្ឆិកា ឆ្នាំ២០២៦នេះ ក្រោមអធិបតីភាព ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល នឹងមានការចូលរួមពីថ្នាក់ដឹកនាំក្រសួង ខេត្ត មន្ទីរអង្គភាព និងមន្ត្រីពាក់ព័ន្ធនឹងវិស័យសុខាភិបាលជាច្រើនរូប។