ព័ត៌មានក្នុងខេត្ត

នៅរសៀលថ្ងៃទី១ ខែតុលា ឆ្នាំ២០២៦ ឯកឧត្ដម សោម សារ៉ូ សមាជិកក្រុមប្រឹក្សាខេត្ដសៀមរាប លោក ឌី រ៉ាដូ និងលោកស្រី ម៉ននី រង្សី អភិបាលរងខេត្ដ ព្រមទាំងមន្រ្ដីរាជការចំណុះរដ្ឋបាលខេត្ដ មន្រ្ដីរាជការទូទាំងខេត្ដសៀមរាប បានចូលរួមជាមួយពុទ្ធបរិស័ទកាន់បិណ្ឌវេនទី៦ ក្នុងវត្ដពោធិ៍លង្កា ក្រុងសៀមរាប ខេត្ដសៀមរាប។

ផ្សាយផ្ទាល់៖ កម្មវិធីព័ត៌មានពេលព្រឹក ថ្ងៃសុក្រ ៦រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែតុលា ឆ្នាំ២០២៦

ដើម្បីលើកកម្ពស់ការយល់ដឹងអំពីសារៈសំខាន់នៃការពិនិត្យបញ្ជីឈ្មោះនិងការចុះឈ្មោះបោះឆ្នោតឆ្នាំ២០២៦ ជូនសាធារណៈជនក្នុងសង្គមប្រជាធិបតេយ្យឲ្យបានទូលំទូលាយនិង ជំរុញការចូលរួមពីគ្រប់ស្រទាប់មហាជន គណៈកម្មាធិការជាតិរៀបចំការបោះឆ្នោត (គជប) ចាប់ផ្ដើមធ្វើការផ្សាយផ្ទាល់ នូវកម្មវិធីស្វែងយល់អំពីសារៈសំខាន់នៃការពិនិត្យបញ្ជីឈ្មោះនិងការចុះឈ្មោះបោះឆ្នោតឆ្នាំ២០២៦ ចាប់ពីថ្ងៃទី១ ខែតុលានរហូតដល់ថ្ងៃទី ៣០ ខែតុលា ឆ្នាំ ២០២៦ នៅគ្រប់វិទ្យុ FMទាំង ២៥ រាជធានីខេត្ត

មជ្ឈមណ្ឌលបេះដូង នៃមន្ទីរពេទ្យបង្អែកខេត្តសៀមរាប បាននិងកំពុងក្លាយជាទីពឹង និងផ្ដល់ជំនឿទុកចិត្តយ៉ាងខ្លាំងដល់អ្នកជំងឺ តាមរយៈការបំពាក់នូវគ្រឿងបរិក្ខារបច្ចេកទេសពេទ្យទំនើបៗ រួមជាមួយក្រុមគ្រូពេទ្យឯកទេសជំនាញច្បាស់លាស់ ដោយជួយសង្គ្រោះអាយុជីវិត និងកាត់បន្ថយពិការភាពជូនប្រជាពលរដ្ឋក្នុងខេត្ត និងបណ្ដាខេត្តជុំវិញ ដោយមិនចាំបាច់ធ្វើដំណើរទៅព្យាបាលដល់រាជធានីភ្នំពេញឡើយ។

នៅថ្ងៃទី៣០ ដល់ថ្ងៃទី០១ ខែតុលា ឆ្នាំ២០២៦នេះ ក្រុមហ៊ុន សែន គីរី អេកូផាក បានអនុវត្តជួសជុល និងចាក់លុបជង្ហុកកែសម្រួលផ្លូវដែលខូចខាត នៅចំណុចភូមិបុស្សក្រឡាញ់ សង្កាត់ជ្រាវ ក្រុងសៀមរាប ចេញពីការដ្ឋានឃ្លាំងទឹកទំនប់៧៨ ដើម្បីសម្រួលដល់ការធ្វើដំណើររបស់ប្រជាពលរដ្ឋបណ្តោះអាសន្ន មុនពិធីបុណភ្ជុំបិណ្ឌ ព្រោះអំឡុងពេលនេះ អាកាសធាតុមិនសូវល្អភ្លៀងធ្លាក់ មិនអាចជួសជុល កែលម្អរផ្លូវតាមការស្នើសុំរបស់ប្រជាពលរដ្ឋ។

*វាគ្មិន៖ លោក ឈឿង ជូ មេឃុំត្រពាំងធំ ថ្ងៃព្រហស្បតិ៍ ៥រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែតុលា ឆ្នាំ២០២៦

Live: Daily news of Siem Reap National TV - National news and international news ថ្ងៃព្រហស្បតិ៍ ៥រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែតុលា ឆ្នាំ២០២៦

ក្នុងឱកាសអញ្ជើញដឹកនាំក្រុមការងារជំនាញ និងអាជ្ញាធរពាក់ព័ន្ធ ចុះពិនិត្យស្ថានភាពជំនន់ទឹកភ្លៀងក្នុងភូមិសាស្ត្រស្រុកជីក្រែង កាលពីរសៀលថ្ងៃទី៣០ ខែកញ្ញា ឆ្នាំ២០២៦ លោក អ៊ឹង គឹមលាង អភិបាលរងខេត្តសៀមរាប បានផ្ដោតការយកចិត្តទុកដាក់ខ្ពស់លើបច្ចេកទេស និងវិធានការគ្រប់គ្រងប្រព័ន្ធទឹក ដោយបានណែនាំយ៉ាងម៉ឺងម៉ាត់ដល់មន្ទីរធនធានទឹក និងឧតុនិយមខេត្ត ពិនិត្យ និងគ្រប់គ្រងការបិទបើកទ្វារទឹកទំនប់ម្កាក់ ដោយស្មារតីប្រុងប្រយ័ត្នខ្ពស់។

ផលិតដោយ៖ មន្ទីរព័ត៌មានខេត្តសៀមរាប

នៅថ្ងៃទី១ ខែតុលា ឆ្នាំ២០២៦នេះ រដ្ឋបាលខេត្តសៀមរាប បានជួបប្រជុំពិភាក្សាជាមួយអ្នកពាក់ព័ន្ធ សម្រាប់ត្រៀមរៀបចំយុទ្ធនាការទិវាអន្តរជាតិក្មេងស្រី ឆ្នាំ២០២៦ ក្រោមប្រធានបទ «ភាពជាអ្នកដឹកនាំរបស់ក្មេងស្រី ដើម្បីទាំងអស់គ្នា» ដោយមានការចូលរួមពីថ្នាក់ដឹកនាំខេត្ត មន្ទីរអង្គភាព មន្ត្រីជំនាញ និងអង្គការសង្គមស៊ីវិល។

‎នារសៀលថ្ងៃទី៣០ ខែកញ្ញា ឆ្នាំ២០២៦ ឯកឧត្តម លី សំរិទ្ធ ប្រធានក្រុមប្រឹក្សាខេត្ដសៀមរាប និងលោក ង៉ូវ សេងកាក់ អភិបាលរងខេត្ដ បានដឹកនាំ ឯកឧត្តម លោកជំទាវ ជាសមាជិក សមាជិកាក្រុមប្រឹក្សាខេត្ដ រួមទាំងមន្រ្ដីរាជការចំណុះរដ្ឋបាលខេត្ត តំណាងមន្ទីរអង្គភាព បានអញ្ជើញចូលរួមកាន់បិណ្ឌវេនទី៥ នៅវត្ដប្រាសាទគោកចក ក្រុង និងខេត្ដសៀមរាប។

ក្នុងជំនួបទ្វេភាគី ឬ B2B ដើម្បីផ្លាស់ប្ដូរ និងផ្សព្វផ្សាយវិស័យទេសចរណ៍រវាងកម្ពុជា និងម៉ាឡេស៊ី នៅខេត្តសៀមរាប នាថ្ងៃទី១ ខែតុលា ឆ្នាំ២០២៦នេះ លោក ម៉ៅ សាវ៉ាត ប្រធានសមាគមទេសចរណ៍កម្ពុជា សាខាខេត្តសៀមរាប បានជំរុញឱ្យមានការពង្រីកសកម្មភាពផ្សព្វផ្សាយពីសក្ដានុពលទេសចរណ៍កម្ពុជា ទៅកាន់ភ្ញៀវទេសចរមកពីប្រទេសម៉ាឡេស៊ី ឱ្យកាន់តែខ្លាំងក្លាបន្ថែមទៀត ស្របពេលដែលម៉ាឡេស៊ី កំពុងក្លាយជាគោលដៅទេសចរណ៍ដ៏ពេញនិយម សម្រាប់ប្រជាពលរដ្ឋកម្ពុជាទៅកម្សាន្ត និងទេសចរណ៍សុខភាព។