ព័ត៌មានក្នុងខេត្ត

រសៀលថ្ងៃទី៧ ខែសីហា ឆ្នាំ២០២៦ លោក លី សារី អភិបាលរងខេត្តសៀមរាប បានដឹកនាំកិច្ចប្រជុំពិនិត្យវឌ្ឍនភាព «គម្រោងរថយន្តក្រុងអគ្គិសនី» ជាមួយក្រុមហ៊ុនទីប្រឹក្សា Misca Advisors Ltd តាមប្រព័ន្ធ zoom និងផ្ទាល់នៅសាលប្រជុំលេខ២ រដ្ឋបាលខេត្តសៀមរាប ដោយមានការអញ្ជើញចូលរួមពី តំណាងក្រសួង-ស្ថាប័នពាក់ព័ន្ធ។

ផ្លូវ គឺជាសរសៃឈាមនៃសេដ្ឋកិច្ចជាតិ ដែលដើរតួនាទីយ៉ាងសំខាន់ក្នុងការតភ្ជាប់ទំនាក់ទំនង ការធ្វើចរាចរណ៍ ការដឹកជញ្ជូនទំនិញ និងសេវាកម្មផ្សេងៗ។ ការទទួលបានផ្លូវស្អាតល្អ ជួយកាត់បន្ថយទាំងពេលវេលាក្នុងការធ្វើដំណើរ ព្រមទាំងលើកកម្ពស់ជីវភាពរស់នៅរបស់ប្រជាពលរដ្ឋដែរ។ ស្មារតីនេះត្រូវបានបង្ហាញយ៉ាងច្បាស់តាមរយៈការស្ថាបនាផ្លូវបេតុងមួយខ្សែក្នុងមូលដ្ឋាន ភូមិខ្ចាស់ ឃុំខ្ចាស់ ស្រុកសូទ្រនិគម ខេត្តសៀមរាប ដែលធ្វើឱ្យប្រជាពលរដ្ឋក្នុងមូលដ្ឋានសម្តែងក្តីត្រេកអរ និងថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាល និងអាជ្ញាធរពាក់ព័ន្ធ។ សូមអញ្ជើញទស្សនាវីដេអូបទយកការណ៍ ទាំងស្រុង៖

ទី១ វត្ត​ព្រះវិហារ​ប្រាំពីរ​ល្វែង​ គឺ​ពុទ្ធបដិមា​មួយ​អង្គ​មាន​ឈ្មោះថា «ជ័យពុទ្ធ​មហានាថ» ដែល​ដើម​ឡើយ​ត្រូវ​បាន​គេ​តម្កល់​នៅ​ក្នុង​ប្រាង្គ​កណ្ដាល​នៃ​ប្រាសាទ​បាយ័ន ប៉ុន្តែ​ត្រូវ​បាន​គេ​វាយ​កម្ទេច​ និង​កប់​ចោល​ក្នុង​អណ្ដូង​មួយ​ក្រោម​ប្រាសាទ នៅ​អំឡុង​ពេល​មាន​ការ​ផ្លាស់ប្ដូរ​ពី​ពុទ្ធសាសនា​មក​ជា​ព្រហ្មញ្ញ​សាសនា​វិញ ។ ទី២ វត្តព្រះអង្គសាងទុក ឬ វត្តតាំងតុ ស្ថិតនៅខាងជើងផ្លូវទៅទ្វារជ័យខាងកើតប្រាសាទសួព្រ័ត្រ ក្នុងខេត្តសៀមរាប។ តាំងតុ គឺជាពាក្យប្រើសម្រាប់ព្រះរាជាដាក់របស់របរផ្សេងៗជារបៀបមានលម្អសម្រាប់ឲ្យមហាជនមើល។ សព្វថ្ងៃនេះក៏មានរៀបចំពិធីនេះដែរនៅក្នុងវាំង។ ឈ្មោះវត្តតាំងតុនេះ គឺជាការហៅរបស់អ្នកស្រុកតាំងពីយូរមកហើយ ប៉ុន្តែសព្វថ្ងៃនេះតាមពុទ្ធដីការរបស់សង្ឃរាជថា វត្តនេះទើបនឹងដូរឈ្មោះដោយអភិរក្សអង្គរដាក់ថាព្រះអង្គសាងទុក។ ទី៣ វត្តព្រះអង្គធំ

រដ្ឋបាលខេត្តសៀមរាប ជូនដំណឹងពីការបិទផ្សាយជាសាធារណៈ នូវឯកសារនៃការវិនិច្ឆ័យ ក្នុងភូមិក្តុល ភូមិភ្នំតូច ភូមិតាអាន ភូមិថ្មី ភូមិតាឡឹង ភូមិសំរោង ភូមិទឹកជុំ ភូមិត្រពាំងឈូក ភូមិអន្លង់ និងភូមិសរសៃពង ឃុំតាអាន ស្រុកក្រឡាញ់ ខេត្តសៀមរាប

លោក លី ប៊ុនណា ប្រធានមន្ទីរអប់រំ យុវជន និង កីឡា ខេត្តសៀមរាប បង្ហាញយន្តការ និងកិច្ចសហការរៀបចំការប្រឡងបាក់ឌុប ឆ្នាំ២០២៦ ឱ្យប្រព្រឹត្តទៅដោយរលូន ស្របតាមគោលការណ៍ច្បាប់ យុត្តិធម៌ និងតម្លាភាព ក្នុងកិច្ចសម្ភាសន៍ ជាមួយមន្ទីរព័ត៌មាន​ខេត្តសៀមរាប កាលពីថ្ងៃទី ០៧ ខែសីហា ឆ្នាំ២០២៦ នេះ ។

Siem Reap Authorities Strictly Ban Plastic Burning in Schools as 12 Schools Commit to ASEAN Eco-School Awards

‎នៅថ្ងៃទី៧ ខែសីហា ឆ្នាំ២០២៦នេះ មន្ទីរអធិការកិច្ចខេត្តសៀមរាប បានចុះផ្សព្វផ្សាយអនុក្រឹត្យ លេខ ២២៤ ស្ដីពីលិខិតអនុញ្ញាតសាងសង់ ជូនដល់អាជ្ញាធរ និងបងប្អូនប្រជាពលរដ្ឋក្នុងមូលដ្ឋានស្រុកពួក ដើម្បីធានាសុវត្ថិភាព និងគុណភាពសំណង់ ឱ្យមានលក្ខណៈបច្ចេកទេសត្រឹមត្រូវ ជៀសវាងគ្រោះថ្នាក់នៃការបាក់ស្រុត ឬការប្រើប្រាស់សម្ភារគ្មានបទដ្ឋាន ដែលអាចប៉ះពាល់ដល់អាយុជីវិត និងទ្រព្យសម្បត្តិរបស់ប្រជាពលរដ្ឋ។

រដ្ឋបាលសង្កាត់សាលាកំរើក ក្រុងសៀមរាប បន្តពង្រឹងកិច្ចខិតខំប្រឹងប្រែងក្នុងការផ្តល់សេវាសាធារណៈជូនប្រជាពលរដ្ឋឱ្យកាន់តែមាន គុណភាព តម្លាភាព និងប្រសិទ្ធភាពខ្ពស់

នៅថ្ងៃទី៧ ខែសីហា ឆ្នាំ២០២៦នេះ ហិបវិញ្ញាសាសម្រាប់ការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ១០ សីហា ឆ្នាំ២០២៦ ត្រូវបានមកដល់ខេត្តសៀមរាបហើយ ក្រោមការដឹកនាំផ្ទាល់ដោយ ឯកឧត្តម សោម រតនា ប្រធានគណៈមេប្រយោគទូទាំងប្រទេសប្រចាំខេត្តសៀមរាប និងក្រុមការងារអង្គភាពប្រឆាំងអំពើពុករលួយ នៅសាលាខេត្តសៀមរាប ក្រោមវត្តមានទទួលរបស់លោកស្រី ម៉ននី រង្សី អភិបាលរងខេត្តសៀមរាប។

រដ្ឋបាលខេត្តសៀមរាបបាននិងកំពុងត្រៀមលក្ខណៈដើម្បីរៀបចំ «ទិវាហ្វ្រង់កូហ្វូនី» ដែលគ្រោងនឹងប្រព្រឹត្តទៅនាថ្ងៃទី១៥-១៦ ខែវិច្ឆិកា ឆ្នាំ២០២៦ ដោយគ្រោងរៀបចំស្តង់ពិព័រណ៍ចំនួន ៥០ ដើម្បីដាក់តាំងបង្ហាញផលិតផល និងសិប្បកម្មមកពីបណ្តាប្រទេសនិយាយភាសាបារាំង រួមទាំងសិប្បកម្មខ្មែរ ក្នុងនាមជាសមាជិកស្ថាបនិកនៃអង្គការអន្តរជាតិ នៃក្រុមប្រទេសនិយាយភាសាបារាំង (OIF)។

វាគ្មិន លោកស្រី ទាម ផល្លី អនុប្រធានមន្ទីរពាណិជ្ជកម្មខេត្តសៀមរាប ថ្ងៃព្រហស្បតិ៍ ៨រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែសីហា ឆ្នាំ២០២៦

ថ្លែងក្នុងកម្មវិធីសន្ទនាមតិរបស់វិទ្យុជាតិ និងទូរទស្សជាតិខេត្ដសៀមរាប កាលពីថ្ងៃទី ៦ ខែសីហា ឆ្នាំ២០២៦ លោកស្រី ទាម ផល្លី អនុប្រធានមន្ទីពាណិជ្ជកម្មខេត្ដសៀមរាបបាន ជំរុញ និង លើកទឹកចិត្ត និងលើកកម្ពស់ការចងក្រងជាសហគមន៍កសិកម្ម និងការប្រើប្រាស់ប្រព័ន្ធទីផ្សារឌីជីថល ដោយត្រូវបានមើលឃើញថា ជាដំណោះស្រាយដ៏មានប្រសិទ្ធភាព ក្នុងការជួយឱ្យអ្នកផលិតអាចភ្ជាប់ទំនាក់ទំនងផ្ទាល់ជាមួយទីផ្សារ និងទទួលបានផលចំណេញសមរម្យជាងមុន ការចរាចរ ខណៈ ការលក់ផលិតផលក្នុងស្រុក មិនត្រឹមតែបំពេញតម្រូវការប្រចាំថ្ងៃប៉ុណ្ណោះទេ ប៉ុន្តែថែមទាំងជាសសរ ទ្រទ្រង់ទេសចរណ៍វប្បធម៌ និងកសិទេសចរណ៍ នៅខេត្តសៀមរាបទៀតផង ជាជាងការពឹងផ្អែកខ្លាំងលើឈ្មួញកណ្តាលច្រើនដំណាក់កាល ជួនកាលធ្វើឱ្យតម្លៃទំនិញនៅលើទីផ្សារកើនឡើងខ្ពស់ ខណៈដែលកសិករ និងសិប្បករដើម ទទួលបានប្រាក់ចំណេញតិចតួចប៉ុណ្ណោះ ។