ព័ត៌មានក្នុងខេត្ត

ព្រឹត្តិការណ៍រត់ប្រណាំងកម្សាន្ត និងសប្បុរសធម៌ EQUINOX ANGKOR RUN នឹងចាប់ផ្ដើមនៅព្រឹកថ្ងៃទី២១ ខែកញ្ញា ឆ្នាំ២០២៦ ខាងមុខនេះ។ ថវិកាដែលបានមកពីការចូលរួមបរិច្ចាគក្នុងព្រឹត្តិការណ៍នេះ នឹងត្រូវយកទៅប្រើប្រាស់ជាជំនួយ និងការគាំទ្រដល់ «អ្នកថែរក្សាអង្គរ» និង «អ្នកផលិតមាតិកានៅខេត្តសៀមរាប» ដែលបានចូលរួមចំណែកយ៉ាងសំខាន់ក្នុងការថែរក្សា ការពារ និងផ្សព្វផ្សាយតម្លៃបេតិកភណ្ឌអង្គរ ព្រមទាំងសក្តានុពលទេសចរណ៍នៅក្នុងខេត្ត។

ការចិញ្ចឹមកណ្ដូប គឺជាមុខរបរខ្នាតតូចមួយដែលទាមទារការថែទាំទាប និងមិនសូវស្មុគស្មាញឡើយ ប៉ុន្តែទិន្នផលដែលទទួលបានអាចមានការប្រែប្រួលខ្លាំង ដោយអាស្រ័យលើបច្ចេកទេស និងការយកចិត្តទុកដាក់របស់អ្នកចិញ្ចឹម។

ក្នុងឱកាសដឹកនាំកិច្ចប្រជុំពិនិត្យវឌ្ឍនភាពការងារប្រចាំឆ្នាំ ដើម្បីពង្រឹងប្រសិទ្ធភាពសេវាសាធារណៈជូនប្រជាពលរដ្ឋក្នុងឃុំកណ្ដែក ស្រុកប្រាសាទបាគង ខេត្តសៀមរាប នាថ្ងៃទី១៨ ខែកញ្ញា ឆ្នាំ២០២៦ លោក ឌី រ៉ាដូ អភិបាលរងខេត្ត បានគូសបញ្ជាក់ពីសមិទ្ធផលនានាដែលរដ្ឋបាលថ្នាក់ក្រោមជាតិសម្រេចបាន ជាពិសេសការដោះស្រាយសំណូមពរជូនប្រជាពលរដ្ឋជាច្រើនករណី ដូចជាការជួសជុលផ្លូវថ្នល់ និងការផ្គត់ផ្គង់អគ្គិសនីជាដើម ប៉ុន្តែទោះបីជាយ៉ាងណាក៏ដោយ បញ្ហាប្រឈមមួយចំនួនទៀតនៅតែបន្តដោះស្រាយជាជំហានៗ ដោយបានណែនាំឱ្យធ្វើលិខិតស្នើសុំទៅកាន់ស្ថាប័នពាក់ព័ន្ធដើម្បីសម្របសម្រួល។

«ផែនការអភិវឌ្ឍន៍ទេសចរណ៍ខេត្តសៀមរាប ឆ្នាំ២០២៦-២០៣០» ត្រូវបានប្រកាសដាក់ឱ្យអនុវត្តជាផ្លូវការហើយ ដោយត្រូវបានរដ្ឋមន្ត្រីក្រសួងទេសចរណ៍ចាត់ទុកថាជា «ផែនទីបង្ហាញផ្លូវ» និងជាក្របខណ្ឌសកម្មភាពជាក់ស្ដែង ដើម្បីកៀរគរគ្រប់តួអង្គពាក់ព័ន្ធទាំងអស់ ជំរុញវិស័យទេសចរណ៍ក្នុងខេត្តសៀមរាបឱ្យកាន់តែមានគុណភាព បង្កើនភាពទាក់ទាញ និងធានាបាននូវនិរន្តរភាព ដើម្បីផ្ដល់បទពិសោធន៍ដ៏ពិសេសពិសាលដល់ភ្ញៀវទេសចរ និងរួមចំណែកលើកកម្ពស់ជីវភាពប្រជាពលរដ្ឋនៅក្នុងមូលដ្ឋាន។

ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអ្នកជំនាញទេសចរណ៍ បានគូសបញ្ជាក់ថា ការអភិវឌ្ឍជំនាញគឺជាគ្រឹះដ៏មានសារៈសំខាន់បំផុតក្នុងការកសាងកម្លាំងពលកម្មទេសចរណ៍កម្ពុជាឱ្យមានស្ដង់ដារ និងភាពប្រកួតប្រជែងខ្ពស់ ជាពិសេសសូមឱ្យគ្រប់ភាគីពាក់ព័ន្ធរួមគ្នាបង្កើត «វប្បធម៌នៃការរៀនសូត្រពេញមួយជីវិត» ដើម្បីលើកកម្ពស់វិស័យទេសចរណ៍ប្រកបដោយចីរភាព។

ការដោះស្រាយក្ដីកង្វល់ បញ្ហាប្រឈមរបស់ប្រជាពលរដ្ឋលើគ្រប់វិស័យ បានទាន់ពេលវេលា និងឆាប់រហ័ស គឺជាការលើកកម្ពស់សេវាសាធារណៈឱ្យកាន់តែល្អប្រសើរ និងកាន់តែខិតជិតប្រជាពលរដ្ឋនៅក្នុងមូលដ្ឋាន ដែលទាំងអស់នេះបានបង្ហាញពីការយកចិត្តទុកដាក់ពីសុខទុក្ខរបស់បងប្អូនប្រជាពលរដ្ឋពីសំណាក់យើងមន្ទីរ អង្គភាព អាជ្ញាធរមូលដ្ឋាន និងអាជ្ញាធរស្រុក។

មន្ទីរពេទ្យបង្អែកខេត្តសៀមរាប ចូលរួមអបអរសាទរ ទិវាពិភពលោកសុវត្ថិភាពអ្នកជំងឺ ឆ្នាំ២០២៦ ប្រធានបទ «ការថែទាំប្រកបដោយសុវត្ថិភាពសម្រាប់ជំងឺមិនឆ្លង» និងក្រោមពាក្យស្លោក  “ការថែទាំប្រកបដោយសុវត្ថិភាពសម្រាប់ជីវិត” ដើម្បីលើកកម្ពស់គុណភាព និងសុវត្ថិភាពសេវាសុខាភិបាលជូនដល់ប្រជាពលរដ្ឋ។

ព្រឹត្តិការណ៍រត់ប្រណាំងកម្សាន្ត និងសប្បុរសធម៌ EQUINOX ANGKOR RUN នឹងផ្ដល់ជូនអ្នកចូលរួមនូវបទពិសោធន៍ដ៏វិសេសវិសាល តាមរយៈការរត់គយគន់ទិដ្ឋភាពថ្ងៃរះចំកំពូលប្រាសាទអង្គរវត្ត ស្រូបយកខ្យល់អាកាសបរិសុទ្ធនាពេលព្រឹកព្រលឹម និងការចូលរួមចំណែកក្នុងកិច្ចការមនុស្សធម៌ ដែលការរៀបចំនេះមានគោលដៅចម្បងក្នុងការជួយគាំទ្រដល់ជីវភាពរបស់អ្នកថែរក្សាប្រាសាទ និងលើកកម្ពស់សកម្មភាពទេសចរណ៍បែបកីឡា និងសប្បុរសធម៌ ទៅកាន់ឆាកអន្តរជាតិ និងពិភពលោក។

ការងារសេវាសង្គម និងការចុះបញ្ជីអត្រានុកូលដ្ឋាន និងស្ថិតិអត្រានុកូលដ្ឋាន (CRVS) ពិតជាមានទំនាក់ទំនងដោយផ្ទាល់ជាមួយជីវភាព និងសិទ្ធិរបស់ប្រជាពលរដ្ឋ ប៉ុន្តែការចុះបញ្ជីកំណើត និងឯកសារអត្រានុកូលដ្ឋាន មិនមែនគ្រាន់តែជាការងាររដ្ឋបាលទេ ប៉ុន្តែជាមូលដ្ឋានសម្រាប់ការទទួលស្គាល់អត្តសញ្ញាណ សិទ្ធិ ការអប់រំ ការការពារ និងការទទួលបានសេវាសាធារណៈរបស់ប្រជាពលរដ្ឋ ជាពិសេសកុមារ និងក្រុមងាយរងគ្រោះ។

លេខាធិការដ្ឋានរៀបចំការបោះឆ្នោតខេត្តសៀមរាប បានណែនាំ និងជំរុញដល់មន្ត្រីពាក់ព័ន្ធ ឱ្យបង្កើនការផ្សព្វផ្សាយព័ត៌មានឱ្យបានទូលំទូលាយដល់ប្រជាពលរដ្ឋ ដើម្បីឱ្យពួកគាត់យល់ច្បាស់អំពីពេលវេលា ទីកន្លែង ឯកសារចាំបាច់ និងនីតិវិធីនៃការពិនិត្យបញ្ជីឈ្មោះ និងការចុះឈ្មោះបោះឆ្នោត ធានាថាពួកគាត់ទទួលបានព័ត៌មានច្បាស់លាស់ជុំវិញដំណើរការបោះឆ្នោត។

នៅថ្ងៃទី១៦ ខែកញ្ញា ឆ្នាំ២០២៦ លោក លី សារី អភិបាលរងខេត្តសៀមរាប បានដឹកនាំក្រុមការងារចុះវគ្គបណ្តុះបណ្តាលពីការរៀបចំផែនការ និងថវិកាលើកការងារអត្រានុកូលដ្ឋាន និងស្ថិតិអត្រានុកូលដ្ឋានដល់មន្ត្រីពាក់ព័ន្ធក្នុងឃុំត្បែង សង្កាត់សាលាកំរើក រដ្ឋបាលស្រុកបន្ទាយស្រី និងរដ្ឋបាលក្រុងសៀមរាប ដើម្បីពង្រឹងសមត្ថភាពមន្ត្រីមូលដ្ឋានក្នុងការគ្រប់គ្រង និងឆ្លើយតបទៅនឹងតម្រូវការរបស់ប្រជាពលរដ្ឋឱ្យកាន់តែមានប្រសិទ្ធភាព។

រាជធានីភ្នំពេញ៖ នៅថ្ងៃទី១៥ ខែកញ្ញា ឆ្នាំ២០២៦ មជ្ឈមណ្ឌលត្រួតពិនិត្យឧបករណ៍មានហានិភ័យខ្ពស់ បានរៀបចំសិក្ខាសាលាផ្សព្វផ្សាយស្តីពី «ការត្រួតពិនិត្យឧបករណ៍មានហានិភ័យខ្ពស់ និងវគ្គបណ្តុះបណ្តាលប្រឡងវាយតម្លៃប្រតិបត្តិករ» នៅសាលរបស់មជ្ឈមណ្ឌល ក្រោមអធិបតីភាព ឯកឧត្តម បណ្ឌិត ទឹង ស៊ីនី រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងលោកអគ្គនាយកនៃអគ្គនាយកដ្ឋានមន្ទីរពិសោធន៍សំណង់ជាតិ នៃក្រសួងរៀបចំដែនដី នគរូបនីយកម្ម និងសំណង់។