ព័ត៌មានក្នុងខេត្ត

សិប្បកម្មក្រឡឹងត្នោត និងឈើសៀមរាប គឺជាសិល្បៈកែច្នៃដើមត្នោត និងឈើជាគ្រឿងសង្ហារឹម ដែលជួយថែរក្សាវប្បធម៌ ទាក់ទាញទេសចរណ៍ និងបង្កើតការងារជូនសហគមន៍។ សូមចូលរួមគាំទ្រផលិតផលខ្មែរ ដើម្បីលើកកម្ពស់ជីវភាព និងអភិរក្សកេរដំណែលដូនតា! • ទីតាំង៖ ភូមិមណ្ឌល៣ សង្កាត់ស្លក្រាម ក្រុងសៀមរាប ខេត្តសៀមរាប។

"មានផ្លូវ មានសង្ឃឹម" ប្រជាពលរដ្ឋឃុំខ្នាត ស្រុកពួក សម្ដែងក្តីរំភើបចំពោះសមិទ្ធផលផ្លូវបេតុងថ្មី ក្រោមការដឹកនាំរបស់ ឯកឧត្តម ប្រាក់ សោភ័ណ អភិបាលខេត្តសៀមរាប ក្នុងការអភិវឌ្ឍហេដ្ឋារចនាសម្ព័ន្ធ ដើម្បីលើកកម្ពស់ជីវភាព និងសេដ្ឋកិច្ចមូលដ្ឋាន ។

ផ្លូវបេតុងថ្មីមួយខ្សែ នៅភូមិបន្ទាយចាស់ សង្កាត់ស្លក្រាម ដែលជាអំណោយដ៏ថ្លៃថ្លារបស់ឯកឧត្តម ប្រាក់ សោភ័ណ អភិបាលខេត្តសៀមរាប ត្រូវបានស្ថាបនារួចរាល់ជាស្ថាពរ ដែលសម្រួលដល់ការធ្វើដំណើរប្រចាំថ្ងៃ កាត់បន្ថយការលំបាកក្នុងរដូវវស្សា និងលើកកម្ពស់សោភ័ណភាពទីប្រជុំជន។

បងប្អូនដែលបានធ្វើដំណើរឆ្លងកាត់រមណីយដ្ឋានភ្នំក្បាលស្ពាន សូមកុំភ្លេចចូលរួមគាំទ្រផលិតផលធម្មជាតិរបស់ប្រជាពលរដ្ឋដើម្បីចូលរួមបង្កើនចំណូលដល់ប្រជាពលរដ្ឋក្នុងមូលដ្ឋាន។ រូបភាព៖ លោកឡៃ បញ្ញា

ស្របពេលដែលក្រូចថ្លុង ក៏កំពុងមានតម្រូវការទីផ្សារខ្ពស់ ជួយបង្កើនចំណូលសម្រាប់គ្រួសារគាត់ បានកាន់តែល្អប្រសើរ

លោក វើង សារ៉ា កសិករនៅភូមិបឹងខ្នារ ឃុំខ្នាត ស្រុកពួក ខេត្តសៀមរាប បានកែប្រែដីទំនេរជុំវិញផ្ទះ មកដាំក្រូចថ្លុងទទួលបានទិន្នផលខ្ពស់ ដែលជាដំណាំងាយថែទាំ និងមានទីផ្សារល្អ ដើម្បីបង្កើនប្រាក់ចំណូល និងលើកកម្ពស់ជីវភាពគ្រួសារ។

បន្លែផ្លែឈើអ្នកស្រុកអង្គរ នាវស្សានរដូវ មកលេងសៀមរាប-អង្គរ កុំភ្លេចជួយគាំទ្រពួកគាត់ផង បន្លែផ្លែឈើធម្មជាតិ ១០០% គាំទ្រផលិតផលក្នុងស្រុក ជួយដល់សេដ្ឋកិច្ចមូលដ្ឋាន! រូបភាព៖ MOON-Sok Sanita

កសិដ្ឋានអានហ្កូសថ៍ ផាសថូរៀល ​ឯ.ក ​នៅស្រុកអង្គរធំ ​ខេត្តសៀមរាប ​ចិញ្ចឹមគោជាង ​២០០ក្បាល​ ​និងកំពុងពង្រីកការបង្កាត់ពូជបន្ថែម ដើម្បីត្រៀមផ្គត់ផ្គង់ទៅកាន់ទីផ្សារ

កសិករនៅឃុំព្រៃជ្រូក ស្រុកពួក ទទួលបានចំណូលជិត ១ លានរៀលក្នុងមួយខែពីការដាំដូងក្រអូបចំនួន ១៣៨ ដើម ដើម្បីលើកកម្ពស់ជីវភាពគ្រួសារឱ្យកាន់តែប្រសើរ

ខ្លោងទ្វារទន្លេអុំ គឺជាច្រកទ្វារបុរាណដ៏ល្បីល្បាញ និងមានភាពរស់រវើកបំផុត ស្ថិតនៅទិសខាងត្បូងនៃកំពែងក្រុងអង្គរធំ ក្នុងខេត្តសៀមរាប។ វាជាច្រកចូលចម្បងដែលភ្ញៀវទេសចរភាគច្រើនត្រូវឆ្លងកាត់ នៅពេលធ្វើដំណើរចេញពីប្រាសាទអង្គរវត្តសំដៅទៅកាន់ប្រាសាទបាយ័ន។

បងប្អូនប្រជាពលរដ្ឋរស់នៅសង្កាត់ក្របីរៀល ក្រុងសៀមរាប នៅតែបន្តថែរក្សាវប្បធម៌កែច្នៃផលិតផលធ្វើដោយដៃយ៉ាងស្ទាត់ជំនាញ ដូចជា កន្ត្រក ស្មុក និងឧបករណ៍ប្រើប្រាស់ផ្សេងៗ ដោយប្រើប្រាស់វត្ថុធាតុដើមក្នុងស្រុកមានដូចជា ដើមផ្អាវ ដើមល្ពាក់ ដើមផ្ដៅ ស្លឹករំចេក និងស្លឹកត្នោតជាដើម។ ការផលិតនេះធ្វើឡើងទៅតាមតម្រូវការទីផ្សារ ដោយផ្ដោតលើចលនា «ភូមិមួយ ផលិតផលមួយ» ដើម្បីលើកស្ទួយជីវភាពគ្រួសារ និងសហគមន៍។ រូបភាព៖ លោកឡៃ បញ្ញា

ខ្លោងទ្វារខ្មោច គឺជាខ្លោងទ្វារខាងកើតរបស់អង្គរធំ ស្ថិតនៅចំផ្លូវខាងមុខប្រាសាទបាយ័ន សម្រាប់ដង្ហែរសាកសពរបស់អ្នកដែលរស់នៅខាងក្នុងបរិវេណអង្គរធំ ដើម្បីយកទៅបូជា ឬចោលទៅក្នុងទឹកស្ទឹងនៅបរិវេណផ្នែកខាងក្រៅនៃទីក្រុង។