ក្រសួងចំនួន៤ សហការគ្នារៀបចំវេទិកាជាតិលើកទី១ ដើម្បីជំរុញផលិតផលសិប្បកម្មទេសចរណ៍ និងវត្ថុអនុស្សាវរីយ៍ខ្មែរ នៅខេត្តសៀមរាប

នៅថ្ងៃទី៣០ ខែកក្កដា ឆ្នាំ២០២៦ ក្រសួងទេសចរណ៍ សហការនឹងក្រសួងពាណិជ្ជកម្ម ក្រសួងវប្បធម៌ ក្រសួងឧស្សាហកម្ម បានបើកវេទិកាជាតិលើកទី១ ដើម្បីជំរុញផលិតផលសិប្បកម្មទេសចរណ៍ និងវត្ថុអនុស្សាវរីយ៍ខ្មែរ នៅខេត្តសៀមរាប ដើម្បីប្រមូលផ្តុំចំណេះដឹង បទពិសោធន៍ និងការចូលរួមពីគ្រប់ភាគីពាក់ព័ន្ធ ក្នុងការដាក់ចេញនូវទិសដៅយុទ្ធសាស្ត្រថ្មីៗ ជំរុញការអភិវឌ្ឍផលិតផលសិប្បកម្មខ្មែរឱ្យមានគុណភាពខ្ពស់ មានភាពច្នៃប្រឌិត រក្សាបាននូវអត្តសញ្ញាណ និងមានសមត្ថភាពប្រកួតប្រជែងទាំងនៅលើទីផ្សារជាតិ និងអន្តរជាតិ។