នៅព្រឹកថ្ងៃទី៦ ខែវិច្ឆិកា ឆ្នាំ២០២៦នេះ រដ្ឋបាលខេត្តសៀមរាប រៀបចំពិធីផ្សព្វផ្សាយ និងពិគ្រោះយោបល់ជាមួយអាជីវករ សេវាករ អំពីការផ្ដល់សេវារដ្ឋបាល នៅអង្គភាពច្រកចេញចូលតែមួយខេត្ត ក្នុងគោលបំណងដើម្បីផ្សព្វផ្សាយ និងស្វែងយល់អំពីបញ្ហាផ្សេងៗ ពាក់ព័ន្ធនឹងការស្នើសុំសេវារដ្ឋបាល នៅអង្គភាពច្រកចេញចូលតែមួយ តាមវិស័យ និងប្រភេទអាជីវកម្មរបស់ខ្លួន ពិធីនេះប្រព្រឹត្តិទៅក្រោមវត្តមាន លោកស្រី ម៉ននី រង្សី អភិបាលរងខេត្ត ដោយមានការចូលរួមពីអ្នកពាក់ព័ន្ធជាច្រើនរូប។

ដោយមានការអញ្ជើញចូលរួមពី លោក ង៉ូវ សេងកាក់ អភិបាលរងខេត្ត រួមនឹងឯកឧត្តម លោកជំទាវ សមាជិកក្រុមប្រឹក្សាខេត្ត នាយកទីចាត់ការ និងអង្គភាពចំណុះសាលាខេត្ត និងអភិបាលក្រុងស្រុក ទាំង១៣។

ក្រោមវត្តមានចូលរួមពី លោក លឹម ភក្ដី ប្រធានមន្ទីរ លោក ឃុត សំអាត ប្រធានក្រុមប្រឹក្សាស្រុក និងលោកស្រី ចាន់ សួយ អភិបាលរងស្រុក រួមនឹងថ្នាក់ដឹកនាំមន្ទីរអង្គភាពពាក់ព័ន្ធ បងប្អូនប្រជាពលរដ្ឋ និងសិស្សានុសិស្សជាច្រើនរូប។

នារសៀលថ្ងៃទី៤ ខែវិច្ឆិកា ឆ្នាំ២០២៦នេះ ថ្នាក់ដឹកនាំ និងមន្ត្រីពាក់ព័ន្ធនៃមន្ទីរព័ត៌មានខេត្តសៀមរាប បានចូលរួមកិច្ចប្រជុំស្ដីពីយុទ្ធនាការផលិត និងផ្សព្វផ្សាយសមិទ្ធផលលើវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ រយៈពេល ៣ឆ្នាំ តាមប្រព័ន្ធអនឡាញ (Zoom) ដឹកនាំដោយឯកឧត្តម ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ ដោយមានការចូលរួមពីតំណាងក្រសួងព័ត៌មាន ថ្នាក់ដឹកនាំ និងមន្ត្រីរាជការនៃមន្ទីរព័ត៌មានរាជធានី-ខេត្ត ព្រមទាំងក្រុមការងារកិច្ចការព័ត៌មាននិងសាធារណមតិ។ កិច្ចប្រជុំនេះរៀបចំឡើងដើម្បីបង្ហាញពីសមិទ្ធផលសំខាន់ៗរយៈពេល ៣ឆ្នាំ លើវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈនៅតាមរាជធានី-ខេត្ត ព្រមទាំងពិភាក្សាលើការរៀបចំផែនការ និងកាលវិភាគលម្អិតសម្រាប់ការចុះផលិត និងផ្សព្វផ្សាយនាពេលខាងមុខ។

នៅព្រឹកថ្ងៃទី៤ ខែវិច្ឆិកា ឆ្នាំ២០២៦ ក្រុមប្រឹក្សាខេត្តសៀមរាប បានរៀបចំវេទិកាផ្សព្វផ្សាយ និងពិគ្រោះយោបល់អាណត្តិទី៤ ឆ្នាំ២០២៦ គោលដៅទី៥ នៅវត្តប្រាសាទសីលវ័ន្ត  ហៅវត្តប្រាសាទ ស្ថិតនៅភូមិកាប់ដៃ ឃុំប្រាសាទ ស្រុកវ៉ារិន ក្រោមអធិបតីភាព ឯកឧត្តម តោ គឹមស៊ាន សមាជិកក្រុមប្រឹក្សាខេត្ត លោក ង៉ូវ សេងកាក់ អភិបាលរងខេត្ត និងមានការអញ្ជើញចូលរួមពី ឯកឧត្តម  ឃុន សាវឿន រដ្ឋលេខាធិការក្រសួងកសិកម្ម ឯកឧត្ដម លោកជំទាវជាសមាជិក សមាជិកា ក្រុមប្រឹក្សាខេត្ត ថ្នាក់ដឹកនាំមន្ទីរ អង្គភាព រដ្ឋបាលស្រុក ក្រុមប្រឹក្សាឃុំ មេភូមិ និងសិស្សានុសិស្ស និង ប្រជាពលរដ្ឋក្នុងមូលដ្ឋានចូលរួមជាច្រើន។

ឯកឧត្តម ប្រាក់ សោភ័ណ អភិបាលខេត្តសៀមរាប បានអញ្ជើញជួបសំណេះសំណាល និងជូនដំណើរប្អូនៗជាយុវជនស្ម័គ្រចិត្ត ចូលរួមបំពេញកាតព្វកិច្ចយោធា ដែលត្រូវចេញដំណើរទៅសាលាហ្វឹកហ្វឺន នៅព្រឹកថ្ងៃទី៤ ខែវិច្ឆិកា ឆ្នាំ២០២៦ នេះ នៅពហុកីឡដ្ឋានសៀមរាប (ស្វាយធំ)។