
អាជ្ញាធរខេត្តសៀមរាប បង្ហាញជំនឿវគ្គបណ្ដុះបណ្ដាលស្ដីអំពី អនុសញ្ញាស្ដីពីសិទ្ធិជនពិការ នឹងក្លាយជាស្ពានចម្លង ក្នុងការអនុវត្ត នូវផែនការអនុវត្តសកម្មភាពរបស់ខ្លួន
ថ្លែងក្នុងពិធីបិទវគ្គបណ្ដុះបណ្ដាលស្ដីអំពី អនុសញ្ញាស្ដីពីសិទ្ធិជនពិការ ដល់សមាជិក សមាជិកាក្រុមប្រឹក្សាសកម្មភាពជនពិការខេត្តសៀមរាប នាថ្ងៃទី១៨ ខែវិច្ឆិកា ឆ្នាំ២០២៦នេះ លោក ព្រឹម រដ្ឋា អភិបាលរងខេត្តសៀមរាប មានប្រសាសន៍ថា ជាមួយនឹងលទ្ធផលនៃសិក្ខាសាលានេះ លោកមានជំនឿយ៉ាងមុតមាំថា ចំណេះដឹង និងបទពិសោធន៍ដែលទទួលបានពីនៃវគ្គបណ្តុះបណ្តាល នឹងក្លាយជាស្ពានចម្លង និងជាត្រីវិស័យដ៏មានសារៈសំខាន់ សម្រាប់ឱ្យសមាជិក សមាជិកាក្រុមប្រឹក្សាសកម្មភាពជនពិការខេត្តសៀមរាបទាំងអស់ យកទៅអនុវត្ត និងរួមបញ្ចូលក្នុងគោលនយោបាយ ក៏ដូចជាផែនការអនុវត្តសកម្មភាពរបស់ខ្លួនឱ្យមានប្រសិទ្ធភាព។










