
នៅព្រឹកថ្ងៃទី១៧ ខែវិច្ឆិកា ឆ្នាំ២០២៦នេះ គណៈប្រតិភូដែលបានចូលរួមក្នុងកិច្ចប្រជុំកំពូលហ្វ្រង់កូហ្វូនី (Francophonie) ប្រមាណ ១០០នាក់ បានមកដល់ខេត្តសៀមរាប ប្រកបដោយសុវត្ថិភាព ដើម្បីទស្សនាប្រាសាទមួយចំនួនក្នុងតំបន់ តំបន់រមណីយដ្ឋានអង្គរ រួមមានប្រាសាទអង្គរវត្ត ប្រាសាទបាយ័ន និងប្រាសាទតាព្រហ្មជាដើម។
ក្នុងការមកដល់របស់គណៈប្រតិភូនាពេលនេះ ក៏មានការអញ្ជើញទទួលបដិសណ្ឋារកិច្ចពីសំណាក់ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និង ឯកឧត្តម ប្រាក់ សោភ័ណ អភិបាលខេត្តសៀមរាប និងមានការអញ្ជើញចូលរួមពីសំណាក់ ថ្នាក់ដឹកនាំជាន់ខ្ពស់កម្ពុជា និងថ្នាក់ដឹកនាំខេត្ត ជាច្រើនរូបផងដែរ។











