ក្រោមវត្តមានចូលរួមពី លោក លឹម ភក្ដី ប្រធានមន្ទីរ លោក ឃុត សំអាត ប្រធានក្រុមប្រឹក្សាស្រុក និងលោកស្រី ចាន់ សួយ អភិបាលរងស្រុក រួមនឹងថ្នាក់ដឹកនាំមន្ទីរអង្គភាពពាក់ព័ន្ធ បងប្អូនប្រជាពលរដ្ឋ និងសិស្សានុសិស្សជាច្រើនរូប។

នារសៀលថ្ងៃទី៤ ខែវិច្ឆិកា ឆ្នាំ២០២៦នេះ ថ្នាក់ដឹកនាំ និងមន្ត្រីពាក់ព័ន្ធនៃមន្ទីរព័ត៌មានខេត្តសៀមរាប បានចូលរួមកិច្ចប្រជុំស្ដីពីយុទ្ធនាការផលិត និងផ្សព្វផ្សាយសមិទ្ធផលលើវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ រយៈពេល ៣ឆ្នាំ តាមប្រព័ន្ធអនឡាញ (Zoom) ដឹកនាំដោយឯកឧត្តម ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ ដោយមានការចូលរួមពីតំណាងក្រសួងព័ត៌មាន ថ្នាក់ដឹកនាំ និងមន្ត្រីរាជការនៃមន្ទីរព័ត៌មានរាជធានី-ខេត្ត ព្រមទាំងក្រុមការងារកិច្ចការព័ត៌មាននិងសាធារណមតិ។ កិច្ចប្រជុំនេះរៀបចំឡើងដើម្បីបង្ហាញពីសមិទ្ធផលសំខាន់ៗរយៈពេល ៣ឆ្នាំ លើវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈនៅតាមរាជធានី-ខេត្ត ព្រមទាំងពិភាក្សាលើការរៀបចំផែនការ និងកាលវិភាគលម្អិតសម្រាប់ការចុះផលិត និងផ្សព្វផ្សាយនាពេលខាងមុខ។

នៅព្រឹកថ្ងៃទី៤ ខែវិច្ឆិកា ឆ្នាំ២០២៦ ក្រុមប្រឹក្សាខេត្តសៀមរាប បានរៀបចំវេទិកាផ្សព្វផ្សាយ និងពិគ្រោះយោបល់អាណត្តិទី៤ ឆ្នាំ២០២៦ គោលដៅទី៥ នៅវត្តប្រាសាទសីលវ័ន្ត  ហៅវត្តប្រាសាទ ស្ថិតនៅភូមិកាប់ដៃ ឃុំប្រាសាទ ស្រុកវ៉ារិន ក្រោមអធិបតីភាព ឯកឧត្តម តោ គឹមស៊ាន សមាជិកក្រុមប្រឹក្សាខេត្ត លោក ង៉ូវ សេងកាក់ អភិបាលរងខេត្ត និងមានការអញ្ជើញចូលរួមពី ឯកឧត្តម  ឃុន សាវឿន រដ្ឋលេខាធិការក្រសួងកសិកម្ម ឯកឧត្ដម លោកជំទាវជាសមាជិក សមាជិកា ក្រុមប្រឹក្សាខេត្ត ថ្នាក់ដឹកនាំមន្ទីរ អង្គភាព រដ្ឋបាលស្រុក ក្រុមប្រឹក្សាឃុំ មេភូមិ និងសិស្សានុសិស្ស និង ប្រជាពលរដ្ឋក្នុងមូលដ្ឋានចូលរួមជាច្រើន។

ឯកឧត្តម ប្រាក់ សោភ័ណ អភិបាលខេត្តសៀមរាប បានអញ្ជើញជួបសំណេះសំណាល និងជូនដំណើរប្អូនៗជាយុវជនស្ម័គ្រចិត្ត ចូលរួមបំពេញកាតព្វកិច្ចយោធា ដែលត្រូវចេញដំណើរទៅសាលាហ្វឹកហ្វឺន នៅព្រឹកថ្ងៃទី៤ ខែវិច្ឆិកា ឆ្នាំ២០២៦ នេះ នៅពហុកីឡដ្ឋានសៀមរាប (ស្វាយធំ)។

នៅព្រឹកថ្ងៃទី៤ ខែវិច្ឆិកា ឆ្នាំ២០២៦ នៅសាលប្រជុំមន្ទីរផែនការខេត្ដសៀមរាប នាយកដ្ឋានគណនេយ្យជាតិនៃវិទ្យាស្ថានជាតិស្ថិតិ សហការជាមួយមន្ទីរផែនការខេត្ដសៀមរាប បានរៀបចំពិធីប្រកាសផ្សព្វផ្សាយលទ្ធផលគណនេយ្យជាតិ ខេត្ដសៀមរាប ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់របស់ឯកឧត្តម រិន វីរ: ទីប្រឹក្សាផ្ទាល់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជារដ្ឋលេខាធិការក្រសួងផែនការ ព្រមទាំងជាប្រធានក្រុមប្រឹក្សាភិបាលនៃវិទ្យាស្ថានជាតិស្ថិតិ ដោយមានការចូលរួមពីលោក សុខ ថុល អភិបាលរងខេត្តសៀមរាប និងលោក លោកស្រីតំណាងមន្ទីរ អង្គភាពពាក់ព័ន្ធជុំវិញខេត្ដ និងតំណាងរដ្ឋបាល ក្រុងស្រុកជាច្រើនរូប។

នៅថ្ងៃអង្គារ ទី៣ ខែវិច្ឆិកា ឆ្នាំ២០២៦ លោក លី សារី អភិបាលរងខេត្តសៀមរាប អញ្ជើញចូលរួមកិច្ចប្រជុំពិភាក្សាលើបញ្ហាប្រឈម និងទិសដៅការងារ ពាក់ព័ន្ធនឹងការងារដឹកជញ្ជូនលើសទម្ងន់កម្រិតកំណត់ ក្រោមកិច្ចដឹកនាំពីសំណាក់ ឯកឧត្តម ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន និងមានការចូលរួមពី ឯកឧត្តម លោកជំទាវ ថ្នាក់ដឹកនាំក្រសួង ក្រសួង-ស្ថាប័នពាក់ព័ន្ធ មន្ទីរសាធារណការរាជធានី-ខេត្ត និងមន្ត្រីពាក់ព័ន្ធជាច្រើនរូប។ កិច្ចប្រជុំនេះមានគោលបំណងជជែកពិភាក្សាលើវឌ្ឍនភាព បញ្ហាប្រឈម និងទិដៅនៃការអនុវឌ្ឍការងារទប់ស្កាត់យានយន្តលើសទម្ងន់កម្រិតកំណត់ ដោយមានការចូលរួមសហការពី ស្ថាប័នពាក់ព័ន្ធ អាជ្ញាធរដែនដី រួមមាន គណៈអភិបាលរាជធានី ខេត្ត ស្នងការនគរបាល និងកងរាជអាវុធហត្ថ រាជធានី-ខេត្ត ដើម្បីគាំទ្រដល់ការអនុវត្តច្បាប់ស្តីពីវិសោធនកម្មច្បាប់ស្តីពីផ្លូវថ្នល់ ឱ្យបានម៉ឺងម៉ាត់ និងប្រសិទ្ធភាពខ្ពស់។ ក្រសួងបានស្នើសុំអំពាវនាវដល់សាធារណជន ជាពិសេសម្ចាស់អាជីវកម្មដឹកជញ្ជូនទាំងអស់ សូមមេត្តាចូលរួមជាមួយរាជរដ្ឋាភិបាលក្នុងការអនុវត្តច្បាប់ឱ្យបានពេញលេញ និងមានប្រសិទ្ធភាព ដើម្បីចូលរួមចំណែកទប់ស្កាត់ការខូចខាតផ្លូវថ្នល់ ស្ពាន៕