នគរូបនីយកម្មនិងសំណង់ ក្រោមការដឹកនាំកិច្ចប្រជុំដោយ ឯកឧត្តម ទេព អាស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន ដោយមានការចូលរួមពីថ្នាក់ដឹកនាំ និងមន្ត្រីរាជការនៃមន្ទីរព័ត៌មានរាជធានី-ខេត្ត។

នៅព្រឹកថ្ងៃទី១០ ខែវិច្ឆិកា ឆ្នាំ២០២៦នេះ ក្រុមប្រឹក្សាខេត្តសៀមរាប បន្តចុះស្ដាប់ក្ដីកង្វល់ និងដោះស្រាយបញ្ហាប្រឈមរបស់ពលរដ្ឋ សម្រាប់គោលដៅស្រុកបន្ទាយស្រី តាមរយៈវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត អាណត្តិទី៤ ឆ្នាំ២០២៦ ក្រោមអធិបតីភាព ឯកឧត្តម ស៊ិន រុន សមាជិកក្រុមប្រឹក្សាខេត្ត លោកស្រី ម៉ននី រង្សី អភិបាលរងខេត្ត និងមានការអញ្ជើញចូលរួមពី ឯកឧត្តម នូ ផល្លា តំណាងរាស្ដ្រមណ្ឌលសៀមរាប ឯកឧត្តម លោកជំទាវ សមាជិកក្រុមប្រឹក្សាខេត្ត ព្រះសង្ឃ តំណាងមន្ទីរអង្គភាពជុំវិញខេត្ត និងប្រជាពលរដ្ឋជាច្រើនរូប។

រដ្ឋបាលខេត្តសៀមរាប សហការជាមួយយោធភូមិភាគទី៤ បានរៀបចំពិធីរំលឹកខួបអនុស្សាវរីយ៍លើកទី៧៣ នៃទិវាបុណ្យឯករាជ្យជាតិ និងទិវាកំណើតកងយោធពលខេមរភូមិន្ទ (៩ វិច្ឆិកា ១៩៥៣ – ៩ វិច្ឆិកា ២០២៦)។ ពិធីនេះបានប្រព្រឹត្តទៅនៅបរិវេណវិមានរំលឹកគុណវីរយុទ្ធជន ខេត្តសៀមរាប។

ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប អមដំណើរដោយថ្នាក់ដឹកនាំ មន្ទីរ-អង្គភាពជុំវិញខេត្ត បានអញ្ជើញចុះពិនិត្យទីតាំងជាក់ស្តែង សម្រាប់រៀបចំកម្មវិធីជិះទូកកម្សាន្ត និងការប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នាពេលខាងមុខនេះ។

សម្តេចមហាមន្ត្រី គុយ សុផល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង ឧត្តមប្រឹក្សាផ្ទាល់ព្រះមហាក្សត្រ បានរៀបចំពិធីចម្រើនព្រះបរិត្ត ប្រោះព្រំ សូមសិរីសួស្តី ជ័យមង្គល ក្នុងឱកាសប្រារព្ធព្រះរាជពិធីបិទបញ្ចប់ការដ្ឋានជួសជុល ​និងសម្ពោធប្រាសាទមេបុណ្យខាងលិច ស្ថិតនៅក្រុងសៀមរាប ខេត្តសៀមរាប នៅព្រឹកថ្ងៃសៅរ៌ ទី៧ ខែវិច្ឆិកា ឆ្នាំ២០២៦។ប្រភព៖ទទក

នៅរសៀលថ្ងៃទី៦ ខែវិច្ឆិកា ឆ្នាំ២០២៦ ក្រុមការងារទី៤ បានចុះណែនាំ និងរៀបចំសណ្តាប់ធ្នាប់នៅតំបន់អង្គរឃ្យុងយូរ ដោយបានហាមឃាត់អាជីវករមិនឱ្យដាក់រទេះចល័ត ឬកញ្ចែងលក់ដូរតាមបណ្តោយផ្លូវកណ្តាល ចាប់ពីរង្វង់មូលផ្លូវ ៦០ម៉ែត្រ រហូតដល់ស្តុបស្មាយលីង។ ​ជាមួយគ្នានេះ ក្រុមការងារបានដាក់ចេញវិធានការមួយចំនួន សម្រាប់តំបន់ផ្សាររាត្រីផ្លូវ៦០ម៉ែត្រ ដោយហាមឃាត់ការរៀបចំរោង ឬតាំងលក់មុនម៉ោង៣:០០ រសៀល និងតម្រូវឱ្យដាក់តាំងទំនិញឱ្យស្របតាមខ្សែបន្ទាត់ដែលបានកំណត់ជៀងវាងករណីលក់ដូរគ្មានសណ្តាប់ធ្នាប់នៅក្នុងតំបន់នេះ។ ករណីអាជីវករមិនអនុវត្តតាមការណែនាំអាជ្ញាធរមានសមត្តកិច្ចនឹងអនុវត្តតាមនីតិវិធីរដ្ឋបាល។ ដូច្នេះអាជ្ញាធរសង្ឃឹមជឿជាក់ថា ក្រុមអាជីវករលក់ដូរទាំងអស់ចូលរួមអនុវត្តតាមការណែនាំរបស់អាជ្ញាធរមានសមត្តកិច្ច។