ថ្នាក់ដឹកនាំខេត្តសៀមរាប ជួបពិភាក្សាការងារលើគម្រោងកែលម្អបណ្តាញផ្លូវឱ្យធន់នឹងការប្រែប្រួលអាកាសធាតុ ក្រោមហិរញ្ញប្បទាន ADB

រដ្ឋបាលខេត្តសៀមរាប បានរៀបចំកិច្ចប្រជុំពិនិត្យ និងពិភាក្សាការងារពាក់ព័ន្ធនឹង «គម្រោងកែលម្អបណ្ដាញផ្លូវឱ្យធន់នឹងការប្រែប្រួលអាកាសធាតុ» ដែលស្ថិតក្រោមហិរញ្ញប្បទានសម្បទានពីធនាគារអភិវឌ្ឍន៍អាស៊ី (ADB) ក្នុងភូមិសាស្ត្រខេត្តសៀមរាប។ កិច្ចប្រជុំនេះ បានប្រព្រឹត្តទៅក្រោមអធិបតីភាព លោក លី សារី អភិបាលរង នៃគណៈអភិបាលខេត្តសៀមរាប ដោយមានការចូលរួមពីតំណាងក្រសួង-ស្ថាប័នពាក់ព័ន្ធ មន្ទីរជំនាញជុំវិញខេត្ត អាជ្ញាធរដែនដី និងក្រុមការងារបច្ចេកទេសនៃគម្រោង ADB។