ក្រសួងទេសចរណ៍ បើកវគ្គបណ្តុះបណ្តាលគ្រូបង្គោលជាតិ និងអ្នកវាយតម្លៃជំនាញសេវាកម្មសណ្ឋាគារ ស្របតាមស្តង់ដា ASEAN MRA-TP

នាថ្ងៃទី១៣ ខែកក្កដា ឆ្នាំ២០២៦ ក្រសួងទេសចរណ៍ បានសហការជាមួយរដ្ឋបាលខេត្តសៀមរាប និងសមាគមក្លឹបទេសចរណ៍ខេត្តសៀមរាប ក្រោមការគាំទ្រថវិកាពីមូលនិធិអភិវឌ្ឍជំនាញ បានបើកវគ្គបណ្តុះបណ្តាល «គ្រូបង្គោលជាតិ និងអ្នកវាយតម្លៃបង្គោលជាតិ នៃសេវាកម្មសណ្ឋាគារ» ស្របតាមកម្មវិធី ASEAN MRA-TP ដើម្បីពង្រឹងគុណភាពធនធានមនុស្សក្នុងវិស័យសណ្ឋាគារ ស្របតាមស្តង់ដាអាស៊ាន តាមរយៈការកសាងសមត្ថភាពអ្នកជំនាញឱ្យក្លាយជាគ្រូបង្គោល និងអ្នកវាយតម្លៃ ដែលមានសមត្ថភាពគ្រប់គ្រាន់ក្នុងការផ្ទេរចំណេះដឹង និងបណ្តុះបណ្តាលបន្តដល់បុគ្គលិកក្នុងអង្គភាពរបស់ខ្លួន។