រដ្ឋបាលខេត្តសៀមរាប បង្ហាញការគាំទ្រពេញទំហឹងចំពោះគម្រោងវិនិយោគ របស់ក្រុមហ៊ុន Yunnan Investment Holding Group ដើម្បីជំរុញវិស័យទេសចរណ៍ និងសេដ្ឋកិច្ច

រដ្ឋបាលខេត្តសៀមរាប បានបង្ហាញជំហរគាំទ្រយ៉ាងពេញទំហឹង ចំពោះគម្រោងវិនិយោគរបស់ក្រុមហ៊ុន Yunnan Investment Holding Group ដោយផ្តោតសំខាន់លើការអភិវឌ្ឍវិស័យទេសចរណ៍ និងការកែលម្អហេដ្ឋារចនាសម្ព័ន្ធជុំវិញអាកាសយានដ្ឋានអន្តរជាតិសៀមរាបអង្គរ ដោយរដ្ឋបាលខេត្តនឹងបន្តយកចិត្តទុកដាក់ខ្ពស់លើការការពង្រឹងសន្តិសុខសាធារណៈ ការរៀបចំសណ្ដាប់ធ្នាប់ចរាចរណ៍ និងការកែលម្អបរិស្ថាន ព្រមទាំងធានាឱ្យបាននូវការផ្គត់ផ្គង់ទឹកស្អាត និងថាមពលអគ្គិសនីឱ្យបានរលូន ដើម្បីគាំទ្រដល់ប្រតិបត្តិការពាណិជ្ជកម្ម និងសកម្មភាពផ្សេងៗ ជុំវិញតំបន់អាកាសយានដ្ឋានអន្តរជាតិសៀមរាបអង្គរ។