នៅថ្ងៃទី២២ ខែកញ្ញា ឆ្នាំ២០២៦នេះ គណប្រតិភូ និងនិស្សិតសាកលវិទ្យាល័យស្វាយរៀង បានចុះទស្សនកិច្ចសិក្សាស្វែងយល់ពីការប្រើប្រាស់សេវាអ៊ីនធឺណេត នៅក្នុងខេត្ដសៀមរាប ដែលធ្វើឡើងនៅមន្ទីរប្រៃសណីយ៍ និងទូរគមនាគមន៍ខេត្ត ដែលទស្សនកិច្ចនេះជាផ្នែកមួយក្នុងការលើកកម្ពស់បដិវត្តន៍កម្មឌីជីថល ឱ្យមានប្រសិទ្ធភាព និងរីកចម្រើនតទៅមុខ។
ក្នុងឱកាសដឹកនាំកិច្ចប្រជុំប្រចាំត្រីមាសទី៣ ឆ្នាំ២០២៦ ដើម្បីពិនិត្យវឌ្ឍនភាពនៃការអនុវត្តផែនការសកម្មភាពកិច្ចការពារកុមារ និងវាយតម្លៃលើសូចនាករទាំង ២២ចំណុច លើកកម្ពស់ប្រសិទ្ធភាពនៃការគាំពារ និងសុខុមាលភាពកុមារក្នុងខេត្ត នៅថ្ងៃទី២២ ខែកញ្ញា ឆ្នាំ២០២៦ លោកស្រី ម៉ននី រង្សី អភិបាលរងខេត្ត បានជំរុញឱ្យគ្រប់ភាគីពាក់ព័ន្ធទាំងអស់ បន្តពង្រឹងកិច្ចសហការគ្នាយ៉ាងជិតស្និទ្ធ និងបំពេញភារកិច្ចឱ្យបានសកម្មថែមទៀត ដើម្បីធានាឱ្យបាននូវប្រសិទ្ធភាពខ្ពស់ក្នុងការបង្ការ និងទប់ស្កាត់រាល់សកម្មភាពជួញដូរមនុស្ស ការកៀបសង្កត់កម្លាំងពលកម្ម ក៏ដូចជាអំពើហិង្សាគ្រប់ទម្រង់ដែលកើតមានឡើងនៅក្នុងសហគមន៍។
មន្ត្រីលេខាធិការដ្ឋានខេត្តប្រចាំការនៅតាមក្រុងស្រុកទាំង១៣ តំណាងគណបក្សនយោបាយ កងកម្លាំងប្រដាប់អាវុធ សមាគម អង្គការសង្គមស៊ីវិល និងភាគីពាក់ព័ន្ធ ក្នុងខេត្តសៀមរាប បានទទួលការបណ្ដុះបណ្តាលស្តីពីការពិនិត្យបញ្ជីឈ្មោះ និងការចុះឈ្មោះបោះឆ្នោត សម្រាប់បម្រើឱ្យការបោះឆ្នោតក្រុមប្រឹក្សាឃុំសង្កាត់អាណត្តិទី៦ ឆ្នាំ២០២៧ មានរយៈពេល ២ថ្ងៃ ចាប់ថ្ងៃទី២១-២២ ខែកញ្ញា ឆ្នាំ២០២៦។
ជណ្ដើរបុរាណមួយខ្សែនេះត្រូវបានអមសងខាងដោយដើមឈើធំៗត្រឈឹងត្រជៃ បង្កើតបានជាជ្រលងបៃតងស្រស់បំព្រង និងផ្តល់នូវបរិយាកាសត្រជាក់ត្រជុំ គួរឲ្យចង់ទស្សនា។ នៅផ្នែកខាងក្រោមនៃផ្លូវឡើង មានរូបចម្លាក់តោថ្មបុរាណឈរយាមយ៉ាងស្កឹមស្កៃនៅសងខាង ប្រៀបដូចជាអ្នកការពារច្រកទ្វារដ៏វិសុទ្ធឆ្ពោះទៅកាន់ប្រាសាទបុរាណនៅលើកំពូលភ្នំ។ រូបភាព៖ Go Global TV
មន្ត្រីជំនាញក្នុងក្របខ័ណ្ឌក្រសួងព័ត៌មាន មកពីបណ្ដាមន្ទីរព័ត៌មានទាំង ២៥រាជធានីខេត្ត បានចូលរួមក្នុងសិក្ខាសាលាស្ដីពី “សវនកម្មសមិទ្ធកម្ម” ដែលរៀបចំដោយក្រសួងព័ត៌មាន សហការជាមួយក្រសួងសេដ្ឋកិច្ច និងហិរញ្ញវត្ថុ ដើម្បីជាការពង្រឹងនូវការងារសវនកម្មផ្ទៃក្នុង រួមចំណែកគាំទ្រយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា ដែលបានអនុវត្តយ៉ាងសកម្មនូវកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដែលសិក្ខាសាលានេះរៀបចំឡើងចាប់ពីថ្ងៃទី២២-២៣ ខែកញ្ញា ឆ្នាំ២០២៦ នៅសណ្ឋាគារអង្គរប៉ារ៉ាឌី ខេត្តសៀមរាប។
