ព័ត៌មានតាមបណ្តារខេត្ត

ប៉ៃលិន៖ លោក ដួង អ៊ីម ប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តប៉ៃលិន បានអញ្ជើញចូលរួមកិច្ចប្រជុំដ៏សំខាន់មួយ ស្តីពី «សេវាតេស្តវិភាគរបស់មន្ទីរពិសោធន៍ជាតិ វិទ្យាសាស្ត្រ បច្ចេកវិទ្យា និងនវានុវត្តន៍» កាលពីរសៀល ថ្ងៃទី១៨ ខែសីហា ឆ្នាំ២០២៦ នៅសាលប្រជុំអង្គរ (ជាន់ទី៣) នៃមន្ទីរពិសោធន៍ជាតិ។ កិច្ចប្រជុំនេះ បានរៀបចំឡើងក្រោមអធិបតីភាពដ៏ខ្ពង់ខ្ពស់របស់ ឯកឧត្តម ហុង រ៉ាដា អនុរដ្ឋលេខាធិការ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។

ភ្នំពេញ៖ លោក គោស៊ុំ ប៊ុនសឿត អភិបាលរង និងជាតំណាងដ៏ខ្ពង់ខ្ពស់ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានអញ្ជើញផ្តល់បទសម្ភាសន៍ដល់ស្ថានីយ៍វិទ្យុ និងទូរទស្សន៍មហាផ្ទៃ នាព្រឹកថ្ងៃទី១៩ ខែសីហា ឆ្នាំ២០២៦ នេះ នៅរាជធានីភ្នំពេញ។ កិច្ចសម្ភាសន៍នេះ រៀបចំឡើងក្នុងគោលបំណងបង្ហាញពីវឌ្ឍនភាពការងារសំខាន់ៗដែលរដ្ឋបាលខេត្តប៉ៃលិនសម្រេចបាន ក្នុងឆមាសទី១ ព្រមទាំងលើកឡើងពីទិសដៅការងារបន្តសម្រាប់ឆមាសទី២ ឆ្នាំ២០២៦។

(ភ្នំពេញ) ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន៖ “កាលពីថ្ងៃទី១៨ ខែសីហា ឆ្នាំ២០២៦ សារព័ត៌មាន The Diplomat បានផ្សាយអត្ថបទមួយដ៏វែង ដែលផ្តោតលើមុំព័ត៌មានជាច្រើនរួមទាំងបញ្ហាព្រំដែន បញ្ហាការឆបោកតាមប្រព័ន្ធបច្ចេកវិទ្យាជាដើម។ ក្នុងក្របខណ្ឌនេះ ខ្ញុំសូមច្បិចយកតែព័ត៌មានដែលអ្នកសារព័ត៌មានលើកទាក់ទងនឹងបញ្ហាព្រំដែន និងសកម្មភាពខុសច្បាប់របស់យោធាថៃរំលោភបំពានមកលើទឹកដីកម្ពុជា។ សង្ខេបជាខ្លឹមសារស្នូល អត្ថបទនេះផ្តល់សម្ភារៈសំខាន់ ៣ ប្រភេទ៖ ទី១ សក្ខីកម្មផ្ទាល់ពីជនរងគ្រោះថា មិនមានវត្តមានយោធាកម្ពុជានៅក្នុងអគារដែលត្រូវវាយប្រហារដោយយោធាថៃ; ទី២ ការសង្កេតផ្ទាល់របស់អ្នកនិពន្ធអំពីអគារដែលមានមនុស្សស្នាក់នៅត្រូវបានទម្លាក់គ្រាប់បែក និងឆេះ; និងទី៣ ការរាយការណ៍អំពីវត្តមាន និងសកម្មភាពយោធាថៃនៅក្នុងទីតាំងដែលអត្ថបទកំណត់ថាស្ថិតលើទឹកដីកម្ពុជា។

ដោយអនុវត្តនូវអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន បានចាត់ឲ្យ លោកឧត្តមសេនីយ៍ត្រី អ៊ុក ម៉ាប់ ស្នងការរងទទួលផែនការងារធនធានមនុស្ស ចុះសំណេះសំណាល សួរសុខទុក្ខ និងនាំយកថវិកាមិត្តនគរបាលខេត្តប៉ៃលិន ប្រគល់ជូនមន្រ្តីនគរបាលចំនួន ៣រូប ដែលមានឈ្មោះដូចខាងក្រោម ៖

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញជាអធិបតីពិធីសំណេះសំណាលជាមួយអាចារ្យ អាចារិនី លើកទី១១ ប្រមាណជាង ១ ០០០នាក់ នៅវិទ្យាស្ថានជាតិអប់រំ រាជធានីភ្នំពេញ នាព្រឹកថ្ងៃទី១៩ ខែសីហា ឆ្នាំ២០២៦។

(ប៉ៃលិន)៖ រដ្ឋបាលខេត្តប៉ៃលិន សូមជូនដំណឹងដល់សាធារណជន ព្រមទាំងគ្រប់មន្ទីរ អង្គភាព និងស្ថាប័ន ឬភ្នាក់ងារ ហិរញ្ញវត្ថុ ដែលមានការពាក់ព័ន្ធនឹងក្បាលដី ចំនួន៣ភូមិគឺ ភូមិស្ទឹងត្រង់ មានចំនួន ១៦១ក្បាលដី ភូមិថ្នល់បត់ មានចំនួន ២៥៧ក្បាលដី និងភូមិទួលខ្ពស់ មានចំនួន ៦៨៥ក្បាលដី ស្ថិតនៅឃុំស្ទឹងត្រង់ ស្រុកសាលាក្រៅ ខេត្តប៉ៃលិន ឱ្យបានជ្រាបថា៖ ដើម្បីអនុវត្តតាមខ្លឹមសារនៃអនុក្រឹត្យខាងលើ គណៈកម្មការរដ្ឋបាល នឹងធ្វើការបិទផ្សាយជា សាធារណៈ នូវឯកសារសុរិយោដី ដែលមានប្លង់សុរិយោដី និងបញ្ជីឈ្មោះអ្នកកាន់កាប់ដីដែលក្រុមប្រតិបត្តិកម្មវិធីអនុវិស័យ រដ្ឋបាលដីធ្លី បានធ្វើការវាស់វែង និងប្រមូលទិន្នន័យកន្លងមក។

(ភ្នំពេញ)៖ យោងតាមសេចក្តីប្រកាសព័ត៌មាន របស់ក្រសួងការងារ ចេញថ្ងៃទី ១៩ ខែសីហា ឆ្នាំ ២០២៦ បន្ទាប់ពីក្រសួងទទួលបានបណ្តឹងពីកម្មករ-និយោជិត និងបានពិនិត្យវិភាគយ៉ាងល្អិតល្អន់លើរូបភាព និង សំឡេងពីកាមេរ៉ាសុវត្ថិភាព ស្តាប់ការបំភ្លឺរបស់សាក្សី និង ការសារភាពរបស់សាមីជនដែលជាអ្នកគ្រប់គ្រងជនបរទេសទាំង ២ រូប ក្នុងនោះ ម្នាក់បម្រើការងារនៅរោងចក្រ ចាស្ទីន អេលេន (ខេមបូឌា) ហ្គាមេន មែនញូហ្វែកឆឺរីង ឯ.ក ស្ថិតនៅខេត្តកណ្ដាល និង ម្នាក់ទៀតនៅរោងចក្រ មីង យ៉ាង អ៊ិនដាស្រ្ទី (ខេមបូឌា) ឯ.ក ស្ថិតនៅខេត្តកំពង់ស្ពឺ។

ប៉ៃលិន៖ លោក ដួង អ៊ីម ប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តប៉ៃលិន បានអញ្ជើញចូលរួមកិច្ចប្រជុំពិភាក្សាស្ដីពី «ប្រតិភូកម្មលើសេវាសាធារណៈ» ដើម្បីពង្រឹងប្រសិទ្ធភាព និងរុញច្រានការផ្តល់សេវាសាធារណៈឱ្យកាន់តែខិតជិតប្រជាពលរដ្ឋ និងអាជីវករនៅក្នុងមូលដ្ឋាន។

(ភ្នំពេញ)៖ យុទ្ធនាការ«និយាយថាទេ ចំពោះព័ត៌មានក្លែងក្លាយ» ជំហានទី២ បន្ទាប់ពីបានបើកដំណើរការជាផ្លូវការ រយៈពេលប្រមាណ៣ខែ គិតចាប់តាំងពីថ្ងៃទី១៨ ខែឧសភា រហូតដល់ថ្ងៃទី១៨ ខែសីហា ឆ្នាំ២០២៦នេះ ក្រសួងព័ត៌មាន បានបញ្រ្ជាបអក្ខរកម្មព័ត៌មាន និងប្រព័ន្ធផ្សព្វផ្សាយ ដល់សិស្សានុសិស្ស នៅតាមគ្រឹះស្ថានសិក្សាជាង ៤០ សាលា គ្របដណ្តប់លើ ១៤ រាជធានី-ខេត្ត ក្នុងគោលបំណងលើកកម្ពស់ការយល់ដឹង អំពីការប្រើប្រាស់ព័ត៌មាន និងប្រព័ន្ធផ្សព្វផ្សាយ ឱ្យបានត្រឹមត្រូវ និងមានសុវត្ថិភាព។ នេះជាការលើកឡើងរបស់ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន ក្នុងឱកាស ដែលឯកឧត្តម បានធ្វើបទបង្ហាញស្តីពី «ការគ្រប់គ្រងព័ត៌មាននិងសាធារណមតិ និងការអនុវត្តយុទ្ធនាការនិយាយថាទេចំពោះព័ត៌មានក្លែងក្លាយ» ក្នុងកិច្ចប្រជុំវាយតម្លៃលទ្ធផល និងសមិទ្ធផលពាក់កណ្តាលអាណត្តិ ខែសីហា ឆ្នាំ២០២៣ មកដល់បច្ចុប្បន្ន និងផែនការការងារសម្រាប់ឆ្នាំ២០២៧-២០២៨ ដើម្បីសម្រេចផែនការយុទ្ធសាស្ត្រអភិវឌ្ឍន៍វិស័យព័ត៌មាន និងសោតទស្សន៍ ឆ្នាំ២០២៤-២០២៨ នៅទីស្តីការក្រសួងព័ត៌មាន ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នាព្រឹកថ្ងៃទី១៧ ខែសីហា ឆ្នាំ២០២៦ ។

ប៉ៃលិន៖ ថ្ងៃទី១៨ ខែសីហា ឆ្នាំ២០២៦ លោក រស់ នឿន អនុប្រធានសមាគមអតីតយុទ្ធជន និងនិវត្តជនកម្ពុជាខេត្តប៉ៃលិន តំណាងដ៏ខ្ពង់ខ្ពស់ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត និងជាប្រធានសមាគម បាននាំយកថវិកាបេឡាមរណៈសង្គ្រោះ ១២លានរៀល ប្រគល់ជូនគ្រួសារសពអតីតយុទ្ធជន ៣គ្រួសារ នៅខេត្តប៉ៃលិន។

(ប៉ៃលិន)៖ នាថ្ងៃទី១៧ ខែសីហា ឆ្នាំ២០២៦ សហគមន៍ទេសចរណ៍វប្បធម៌ធម្មជាតិល្អាងភ្នំបាយសី មានរៀបចំកិច្ចប្រជុំពិភាក្សា និងពិនិត្យ លើកិច្ចការសំខាន់ៗមួយចំនួន របស់សហគមន៍ ក្រោមអធិបតីភាពលោក មុត ភិសិទ្ធនា អភិបាលរងខេត្ត តំណាងដ៏ខ្ពង់ខ្ពស់លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន។ កិច្ចប្រជុំនេះមានការនិមន្ត និងអញ្ជើញចូលរួមពី ព្រះភិក្ខុកិត្តិវណ្ណោ គៀន វណ្ណី ព្រះគ្រូចៅអធិការវត្តមង្គលបុទុមភ្នំបាយសី និងជាប្រធានសហគមន៍ លោក ស្រេង តុងឡាយ អនុប្រធានមន្ទីរទេសចរណ៍ ព្រមទាំងថ្នាក់ដឹកនាំ មន្ទីរ-អង្គភាពពាក់ព័ន្ធ អាជ្ញាធរក្រុង/ស្រុក ឃុំ/សង្កាត់ ភូមិ និងប្រជាសហគមន៍ សរុបប្រមាណ ៣០នាក់ ។

(ភ្នំពេញ)៖ រសៀលថ្ងៃអង្គារ ទី១៨ សីហា ២០២៦ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា អនុញ្ញាតឱ្យលោក ណម តុង ប្រធានក្រុមហ៊ុន ធីអេច អូតូម៉ូធីវ មេនូហ្វេកធើរីង ឯ.ក (TH Automotive Manufacturing Co., Ltd.) ចូលជួបសម្តែងការគួរសម និងពិភាក្សាការងារនៅវិមានសន្តិភាព។ TH Automotive Manufacturing Co., Ltd. គឺជាក្រុមហ៊ុនវិនិយោគលើវិស័យដំឡើងរថយន្តនៅកម្ពុជា និងជាដៃគូរបស់ក្រុមហ៊ុន GAC International Co., Ltd. ក្នុងការដំឡើងរថយន្តម៉ាក GAC ដែលមានទីតាំងស្ថិតនៅក្នុងខេត្តកំពង់ឆ្នាំង។ រោងចក្រនេះមានសមត្ថភាពដំឡើងរថយន្តរហូតដល់ ១៥.០០០ គ្រឿងក្នុងមួយឆ្នាំ ព្រមទាំងបង្កើតឱកាសការងាររាប់រយកន្លែង ចូលរួមចំណែកក្នុងការបណ្តុះបណ្តាលជំនាញ និងជំរុញការរីកចម្រើននៃវិស័យឧស្សាហកម្មយានយន្តនៅកម្ពុជា។