ឯកឧត្តម មាន ចាន់យ៉ាដា បានពាំនាំនូវការសួរសុខទុក្ខ និងសេចក្តីនឹករលឹកយ៉ាងជ្រាលជ្រៅពីសំណាក់ថ្នាក់ដឹកនាំរាជរដ្ឋាភិបាល ជូនចំពោះយុវជនស្ម័គ្រចិត្តទាំងអស់។ ជាមួយគ្នានេះ ឯកឧត្តមបានសម្តែងនូវការកោតសរសើរ និងវាយតម្លៃខ្ពស់ចំពោះស្មារតីស្នេហាជាតិ ភាពក្លាហាន និងការលះបង់ដ៏មានតម្លៃរបស់យុវជន ដែលបានស្ម័គ្រចិត្តចូលបម្រើក្នុងជួរកងយោធពលខេមរភូមិន្ទ ដើម្បីបំពេញកាតព្វកិច្ចដ៏ឧត្តុង្គឧត្តមក្នុងការចូលរួមការពារឯករាជ្យ អធិបតេយ្យភាព បូរណភាពទឹកដី និងសន្តិភាពជូនជាតិមាតុភូមិ។

ឯកឧត្ដម ស៊ីប្រា សិទ្ធប្រធានក្រុមប្រឹក្សាខេត្ត ឯកឧត្ដមមាន ចាន់យ៉ាដា អភិបាលនៃគណៈអភិបាលខេត្ត បានអញ្ជើញជាអធិបតីពិធីបើកបវេសនកាលឆ្នាំសិក្សា ២០២៦-២០២៧ និងចែករង្វាន់ លិខិតសរសើរ វត្ថុអនុស្សាវរីយ៍ ជូនដល់លោកគ្រូ អ្នកគ្រូ សិស្សពូកែប្រចាំឆ្នាំសិក្សា ២០២៥-២០២៦ នៅវិទ្យាល័យ ហ៊ុន សែន ឧត្ដរមានជ័យ ។

ឯកឧត្តម អភិបាលខេត្តបានមានប្រសាសន៍ថា  បណ្ណ័កម្មសិទ្ធិដីធ្លី ដែលផ្តល់ជូនបងប្អូននាថ្ងៃនេះ  ជាក្រដាសសម្គាល់ផ្លូវការ ភស្តុតាងរឹងមាំបំផុត វាជួយលុបបំបាត់ក្តីបារម្ភរឿង ទន្រ្ទាន ការរំលោភបំពានឬ វិវាទដីធ្លីផ្សេងៗ នៅក្នុងសហគមន៍ ។

ក្នុងឱកាសនោះ ឯកឧត្តម មាន ចាន់យ៉ាដា បានពាំនាំនូវការយកចិត្តទុកដាក់ និងការគាំទ្ររបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចំពោះកងកម្លាំង និងក្រុមការងារដែលបានខិតខំបំពេញភារកិច្ចប្រកបដោយការទទួលខុសត្រូវ ជាពិសេសការចូលរួមការពារសន្តិសុខ សុវត្ថិភាព និងសុខសន្តិភាពជូនប្រជាពលរដ្ឋនៅតាមតំបន់ព្រំដែន។

កិច្ចប្រជុំនេះបានប្រព្រឹត្តទៅក្រោមគណៈអធិបតីភាព ឯកឧត្តម អ៊ុន សុភ័ក្រ អភិបាលរងនៃគណៈអភិបាលខេត្ត តំណាងដ៏ខ្ពង់ខ្ពស់ ឯកឧត្តម មាន ចាន់យ៉ាដា អភិបាលនៃគណៈអភិបាលខេត្តឧត្តរមានជ័យ ដោយមានការអញ្ជើញចូលរួមពីសំណាក់ថ្នាក់ដឹកនាំមន្ទីរ-អង្គភាព អាជ្ញាធរក្រុង ស្រុក និងមន្ត្រីពាក់ព័ន្ធជាច្រើនរូប។ យោងតាមរបៀបវារៈនៃកិច្ចប្រជុំ យុទ្ធនាការចុះធ្វើអធិការកិច្ចហិរញ្ញវត្ថុនាពេលនេះ នឹងត្រូវអនុវត្តយ៉ាងម៉ឺងម៉ាត់នៅតាមបណ្តាស្ថាប័ន និងអង្គភាពថវិកាជុំវិញខេត្ត។

នៅក្នុងឱកាសនោះក៏មានការអុជទៀនធូបប្រគេនគន្ធពិដោរ ថ្វាយបង្គំព្រះពុទ្ធបដិមា និងព្រះសង្ឃ ព្រមទាំងសមាទានសីលរម្លឹកដល់គុណបុណ្យព្រះរតនៈត្រៃយ៍តាមគន្លងប្រពៃណីព្រះពុទ្ធសាសនា ពិសេសរម្លឹកដល់ព្រះសម្មាសម្ពុទ្ធព្រះបរមគ្រូនៃយើង ដែលព្រះអង្គបានត្រាស់ដឹងនូវអនុត្តរៈសម្មាសម្ពុទ្ធធិញ្ញាណ និងព្រះធម៌វិន័យដ៏វិសេសវិសាល បន្សល់ទុកឱ្យពុទ្ធបរិស័ទគ្រប់ជំនាន់បានគោរពប្រតិបត្តិជាដ៏រាបរៀងមក និងវិញ្ញាណក្ខន្ធវីរកងទ័ពដែលបានពលីក្នុងបុព្វហេតុជាតិមាតុភូមិ។