រាជរដ្ឋាភិបាលកម្ពុជា បាន​រៀបចំកម្មវិធីកែទម្រង់​ការគ្រប់គ្រងហិរញ្ញវត្ថុសាធារណៈ ដែលជា​កម្មវិធី​កែទម្រង់​ស្នូល​មួយ​នៃកម្មវិធី​កែទម្រង់សំខាន់ៗ ដើម្បី​ពង្រឹង​អភិបាលកិច្ច និងទ្រទ្រង់​ការអភិវឌ្ឍសេដ្ឋកិច្ច ប្រកបដោយ​បរិយាប័ន្ន និង សមធម៌ ដូចមាន​កំណត់ក្នុងយុទ្ធសាស្រ្តចតុកោណ និង ផែនការ​យុទ្ធសាស្រ្តអភិវឌ្ឍន៍ជាតិ។ កម្មវិធីកែទម្រង់នេះ មាន​ចក្ខុវិស័យ​ប្រកប​ដោយ​មហិច្ឆិតា និង​ប្រាកដនិយម ពោល​គឺកសាង​ប្រព័ន្ធ​គ្របគ្រង​ហិរញ្ញវត្ថុ​សាធារណៈកម្ពុជា ឱ្យ​ស្រប​តាម​ឧត្តមានុវត្តន៍អន្តរជាតិ ដែល​ជា​​ប្រព័ន្ធ​ផ្ដោត​លើ​ធាតុ​ចេញ ឬ លទ្ធផល និង វិមជ្ឈការ។ កម្មវិធីកែទម្រង់នេះ ត្រូវបានបែងចែកជា៤ដំណាក់កាលរួមមាន៖ ដំណាក់កាលទី១ ចាប់ពីឆ្នាំ២០០៤ ដល់ ២០០៨ ដោយផ្តោតលើការកសាងភាពជឿទុកចិត្តនៃថវិកា, ដំណាក់កាលទី២ ចាប់ពីឆ្នាំ២០០៩ ដល់ ២០១៥ ដោយផ្ដោតលើការកសាងគណនេយ្យភាពហិរញ្ញវត្ថុ, ដំណាក់កាលទី៣ ចាប់ពីឆ្នាំ២០១៦ ដល់ ២០២២ ដោយផ្តោតលើការផ្សារភ្ជាប់ថវិកាទៅនឹងគោលនយោបាយ និង ដំណាក់កាលទី៤ ចាប់ពីឆ្នាំ២០២៣ ដល់ ២០២៧ ដោយផ្តោតលើការកសាងគណនេយ្យភាពសមិទ្ធកម្ម ដែលមានន័យថា ជាការទទួលខុសត្រូវលើលទ្ធផលចុងក្រោយ។ សូមអញ្ជើញទស្សនាវីដេអូបទយកការណ៍ទាំងស្រុង៖

ពលរដ្ឋនៅក្នុងសង្កាត់ស្លក្រាម បានសម្តែងក្តីត្រេចអរជាពន់ពេក ចំពោះសមិទ្ធផលផ្លូវបេតុងមួយខ្សែ ដែលជាអំណោយដ៏ថ្លៃថ្លា របស់ឯកឧត្តម ប្រាក់ សោភ័ណ អភិបាលខេត្តសៀមរាប។ ផ្លូវមួយខ្សែនេះមានប្រវែង២៥០ម៉ែត្រ ទទឹង៥ម៉ែត្រ នឹងមានលូដែលមានមុខកាត់៨តឹក ផ្លូវមួយខ្សែនេះកាន់តែបានផ្តល់ភាពងាយស្រួលដល់ការធ្វើដណើរ និងការរស់នៅរបស់ពលរដ្ឋក្នុងសង្កាត់បានមួយកម្រិតទៀត។ ផ្លូវបេតុងមួយខ្សែនេះត្រូវបានកសាងឡើងកាលពីថ្ងៃទី១៥ ខែមិថុនា ឆ្នាំ២០២៦ និងស្ថាបនារួចរាល់នៅក្នុងថ្ងៃទី១៥ ខែកក្កដា ឆ្នាំ២០២៦នេះ។ សូមអញ្ជើញទស្សនាវីដេអូបទយកការណ៍ទាំងស្រុង៖

រាជរដ្ឋាភិបាលកម្ពុជា ដែលមានសម្ដេចមហាវរធិបតី ហ៊ុន ម៉ាណែត ជានាយករដ្ឋមន្រ្តី បានដាក់ចេញនូវយុទ្ធសាស្ត្របញ្ចកោណ កំណត់ ការលើកកម្ពស់សុខភាព និងសុខុមាលភាពប្រជាជន ជាអាទិភាពមួយ ក្នុង ចំណោមអាទិភាពគន្លឹះប្រាំ នៃការអភិវឌ្ឍមូលធនមនុស្ស និង ការពង្រីកសេវាសុខាភិបាល ឆ្ពោះទៅការគ្របដណ្តប់សុខភាពជាសកល ជាកម្មវិធីគោលនយោបាយអាទិភាពទីមួយ ដែលផ្តោតលើការពង្រីក ការគ្របដណ្តប់នៃប្រព័ន្ធគាំពារសុខភាពសង្គម និងការលើកកម្ពស់គុណភាពសេវាសុខាភិបាល តាមរយៈការ ពង្រឹងសមត្ថភាពផ្តល់សេវាថែទាំសុខភាពនៅមណ្ឌលសុខភាព និងមន្ទីរពេទ្យបង្អែកស្រុក។ សូមអញ្ជើញទស្សនាវីដេអូទាំងស្រុង៖

ការចូលរួមគាំទ្រផលិតផលក្នុងស្រុក គឺជាកាតព្វកិច្ច និងជាកម្លាំងចលករដ៏សំខាន់ក្នុងការជួយលើកកម្ពស់សេដ្ឋកិច្ចជាតិ កាត់បន្ថយការនាំចូល និងបង្កើតការងារជូនប្រជាពលរដ្ឋ។ការប្រើប្រាស់ផលិតផលក្នុងស្រុកជំនួសឲ្យផលិតផលនាំចូលពីប្រទេសជិតខាង គឺជាការចូលរួមចំណែកយ៉ាងសំខាន់ក្នុងការកសាងសេដ្ឋកិច្ចជាតិឱ្យកាន់តែរឹងមាំ និងមាននិរន្តរភាព។ សូមអញ្ជើញទស្សនាវីដេអូបទយកការណ៍ទាំងស្រុង៖

ពលរដ្ឋ​នៅក្នុង​ឃុំ​ជប់តាត្រាវ បាន​សម្តែង​ក្តី​រំភើប​រីករាយ ក្រោយ​ផ្លូវ​បុរាណ២​ខ្សែត្រូវ​បាន​ជួសជុល​ឡើង​វិញ​ដែល​មាន​ប្រវែងជាង​១៤០០ម មាន​ទទឹង៧ម និង​មាន​កម្ពស់១.៥ម ស្ថិត​ក្នុង​ភូមិប្រាសាទ ដើម្បី​សម្រួល​ដល់​ការ​ធ្វើ​ដំណើរ ជាពិសេសការ​ដឹកជញ្ជូន​កសិផល​នានាផង​ដែរ។ ឃុំជប់​តាត្រាវជាឃុំ​មួយ​ក្នុង​ចំណោម​ឃុំ​ទាំង៣ទៀត​នៃស្រុក​អង្គរធំ។ ក្រោម​ការ​ដឹក​នាំរបស់រាជរដ្ឋាភិបាល​អាណត្តិទី៧នេះ ផ្លូវ​ជាអាទិភាពមួយ​នៅក្នុង​យុទ្ធសាស្ត្របច្ចកោណ​ដំណាក់កាល​ទី១។ នៅក្នុង​ខេត្ត​សៀមរាប​ក្រោម​​ការ​ដឹកនាំ របស់​ឯក​ឧត្តម ប្រាក់ សោភ័ណ អភិបាល​ខេត្ត​សៀមរាប សមិទ្ធផល​នានាមានការ​រីកចម្រើន​ឥឈប់​ឈ ជាពិសេសផ្លូវថ្នល់។ សូមអញ្ជើញទស្សនាវីដេអូបទយកការណ៍ទាំងស្រុង៖

កាលពីប៉ុន្មានឆ្នាំមុន ការរស់នៅប្រចាំថ្ងៃរបស់ប្រជាពលរដ្ឋ និងដំណើរការអាជីវកម្មទេសចរណ៍នៅក្នុងខេត្តសៀមរាប ធ្លាប់តែពឹងផ្អែកយ៉ាងខ្លាំងលើប្រភពទឹកក្រោមដី ដែលជារឿយៗតែងតែប្រឈមមុខនឹងបញ្ហាទឹកខ្សោះ ប្រៃ មិនស្អាត ឬរីងស្ងួតនៅរដូវប្រាំង។ ប៉ុន្តែ មកទល់នឹងពេលបច្ចុប្បន្ន ភាពប្រែប្រួលជាវិជ្ជមានដ៏ធំធេងមួយបានកើតមានឡើង តាមរយៈការដាក់ឱ្យដំណើរការប្រព័ន្ធផ្គត់ផ្គង់ទឹកស្អាតទំនើបៗ ដែលមិនត្រឹមតែបំពេញតម្រូវការទីក្រុងទេសចរណ៍ប្រកបដោយចីរភាពប៉ុណ្ណោះទេ ប៉ុន្តែថែមទាំងបានផ្លាស់ប្តូរមុខមាត់ និងគុណភាពជីវិតរបស់ប្រជាពលរដ្ឋយ៉ាងស៊ីជម្រៅផងដែរ។ ទឹកស្អាតមានសារៈសំខាន់ខ្លាំងណាស់សម្រាប់សុខភាព និងការរស់នៅប្រចាំថ្ងៃ។ វាជួយការពារយើងពីជំងឺឆ្លងផ្សេងៗ (ដូចជាជំងឺរាករូស និងអាសន្នរោគ) លើកកម្ពស់សុខុមាលភាពរាងកាយ ព្រមទាំងជួយសន្សំសំចៃពេលវេលា និងថវិកាដែលត្រូវចំណាយលើការព្យាបាលជំងឺ។ សូមអញ្ជើញទស្សនាវីដេអូបទយកការណ៍ទាំងស្រុង ៖