ទិដ្ឋភាពប្រជាពលរដ្ឋនាំយកចង្ហាន់ និងទេយ្យវត្ថុផ្សេងៗ យកទៅប្រគេនព្រះសង្ឃនិងបង្សុកូលឧទ្ទិសកុសលផលបុណ្យ ជូនដល់វិញ្ញាណខន្ឋបុព្វការីជន និងញាតិសន្តាន ក្នុងឱកាសបុណ្យភ្ជុំបិណ្ឌប្រពៃណីជាតិខ្មែរនៅតាមវត្តអារាមមួយចំនួនក្នុងក្រុងសៀមរាប ខេត្តសៀមរាបនាថ្ងៃទី១១ ខែតុលា ឆ្នាំ២០២៦
វីដេអូ៖ភ្ញៀវទេសចរជាតិនិងអន្តរជាតិ មកទស្សនាប្រាសាទអង្គរវត្តយ៉ាងកុះករ នាឱកាសថ្ងៃបុណ្យទាននេះ
វីដេអូ៖ភ្ញៀវទេសចរទៅលេងតំបន់ទេសចរណ៍កំពង់ឃ្លាំងនាថ្ងៃបុណ្យភ្ជុំបិណ្ឌ ដែលជាថ្ងៃចុងក្រោយ
វត្តសំរោង ស្ថិតនៅភូមិសំរោងជើង ឃុំសំរោង ស្រុកសូទ្រនិគម ខេត្តសៀមរាប នៅថ្ងៃទី១២ ខែតុលា ឆ្នាំ២០២៦នេះ បានរៀបចំពិធីដង្ហែដូនតា ដើម្បីបន្តអនុវត្តទំនៀមទម្លាប់របស់ខ្មែរ ដែលពិធីដង្ហែដូនតានេះ មានអត្ថន័យជ្រាលជ្រៅពាក់ព័ន្ធនឹងជំនឿ ការគោរពដឹងគុណចំពោះបុព្វការីជន និងការថែរក្សាមរតកវប្បធម៌ប្រពៃណីពីដូនតាឱ្យបានគង់វង្ស ក្រោយពិធីបុណ្យកាន់បិណ្ឌ និងបុណ្យភ្ជុំបិណ្ឌ ដែលជាពិធីបុណ្យប្រពៃណីព្រះពុទ្ធសាសនា ដ៏សំខាន់មួយរបស់ប្រជាជនខ្មែរត្រូវបានបញ្ចប់។
កំពង់ឃ្លាំង គឺជាសហគមន៍ភូមិបណ្ដែតទឹក និងផ្ទះសង់លើសសរខ្ពស់ៗដ៏ធំជាងគេបង្អស់នៅលើបឹងទន្លេសាប។ សហគមន៍នេះមានទីតាំងស្ថិតនៅក្នុងឃុំកំពង់ឃ្លាំង ស្រុកសូទ្រនិគម ខេត្តសៀមរាប ដោយមានចម្ងាយប្រមាណពី ៥០ ទៅ ៥៥ គីឡូម៉ែត្រ ភាគអាគ្នេយ៍ពីទីរួមខេត្តសៀមរាប។ វាជាគោលដៅទេសចរណ៍វប្បធម៌ និងធម្មជាតិដ៏មានប្រជាប្រិយភាព ប៉ុន្តែរក្សាបាននូវភាពស្ងប់ស្ងាត់ និងលក្ខណៈដើមពិតៗ ជាងភូមិបណ្ដែតទឹកដទៃទៀត ដោយសារតែមានចម្ងាយឆ្ងាយពីក្រុងបន្តិច។
