ការបំបៅដោះកូន ដោយទឹកដោះម្តាយ ជាជម្រើសដ៏វៃឆ្លាតក្នុងការសន្សំថវិកាគ្រួសារ និងជាទុនសុខភាពដ៏ពិសេសសម្រាប់ការលូតលាស់ផ្នែកខួរក្បាលនិងរាងកាយរបស់ទារកដើម្បីកសាងធនធានមនុស្សសម្រាប់សង្គមជាតិ
ខ្សែភាពយន្តចំនួន១១រឿង នឹងត្រូវចាក់បញ្ចាំងឱ្យសាធារណៈជនក្នុងខេត្តសៀមរាប ចូលទស្សនាដោយសេរី រយៈពេល ៤ថ្ងៃ ចាប់ពីថ្ងៃទី១៥-១៨ ខែតុលា ឆ្នាំ២០២៦ នៅរោងកុន លេជេន សៀមរាប អបអរមហោស្រពភាពយន្តជប៉ុនលើកទី១២ នៅខេត្តសៀមរាប ឆ្នាំ២០២៦នេះ។
១. ចេញដំណើរពីរាជធានីភ្នំពេញមកខេត្តសៀមរាប ទីតាំងចំណតដីឡូត៍តំបន់ OCIC ជ្រោយចង្វារ (រង្វង់មូលទេពមច្ឆា) រៀងរាល់ម៉ោង ០៦:៣០នាទីព្រឹក (ចេញជាបន្តបន្ទាប់រហូតអស់រថយន្ត) ចាប់ពីថ្ងៃទី០៩ ដល់ថ្ងៃទី១២ ខែតុលា ឆ្នាំ ២០២៦ មកទីតាំងចំណតមណ្ឌលរដ្ឋបាលផ្លូវផ្លូវខេត្តសៀមរាប វិថីសម្តេចវិបុលបញ្ញា សុខ អាន (ផ្លូវ៦០ម៉ែត្រ)។
គិតត្រឹមដើមខែតុលានេះ គម្រោងស្ថាបនាផ្លូវខេត្តក្រាលកៅស៊ូប្រភេទ DBST ១ខ្សែ របស់មន្ទីរសាធារណការ និងដឹកជញ្ជូនខេត្តសៀមរាប មានប្រវែងជាង ១០គីឡូម៉ែត្រ សម្រេចការសាងសង់បានប្រមាណជាង ៨៥ភាគរយហើយ និងគ្រោងនឹងបញ្ចប់ជាស្ថាពរក្នុងពេលឆាប់ៗខាងមុខ ដែលផ្លូវមួយខ្សែនេះដើរតួនាទីយ៉ាងសំខាន់ ជាកំណាត់ផ្លូវស្របនឹងផ្លូវជាតិលេខ៦ ភ្ជាប់ពីឃុំខ្ចាស់ ស្រុកសូទ្រនិគម ទៅឃុំមានជ័យ ស្រុកប្រាសាទបាគង ដោយជួយសម្រួលដល់ការតភ្ជាប់ចរាចរណ៍ពីផ្លូវជាតិចូលទៅកាន់តំបន់កំពង់ភ្លុក និងជាផ្លូវវាងបណ្ដោះអាសន្នពេលមានការកកស្ទះ។
នៅរសៀលថ្ងៃទី១ ខែតុលា ឆ្នាំ២០២៦ ឯកឧត្ដម សោម សារ៉ូ សមាជិកក្រុមប្រឹក្សាខេត្ដសៀមរាប លោក ឌី រ៉ាដូ និងលោកស្រី ម៉ននី រង្សី អភិបាលរងខេត្ដ ព្រមទាំងមន្រ្ដីរាជការចំណុះរដ្ឋបាលខេត្ដ មន្រ្ដីរាជការទូទាំងខេត្ដសៀមរាប បានចូលរួមជាមួយពុទ្ធបរិស័ទកាន់បិណ្ឌវេនទី៦ ក្នុងវត្ដពោធិ៍លង្កា ក្រុងសៀមរាប ខេត្ដសៀមរាប។
