ព័ត៌មានតាមបណ្តារខេត្ត

សុខភាព៖ ខ្ញី រមៀត និងក្រូចឆ្មា សុទ្ធតែជាគ្រឿងទេសក្នុងផ្ទះបាយ ហើយអ្វីដែលពិសេសនោះ គឺគ្រឿងផ្សំទាំងនេះសុទ្ធតែដែលផ្ដល់អត្ថប្រយោជន៍យ៉ាងខ្លាំងចំពោះសុខភាព។

ឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម និងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ព្រមទាំងមន្ទីរជំនាញ នាព្រឹកថ្ងៃទី១៨ ខែសីហា ឆ្នាំ២០២៦ បានចុះពិនិត្យផ្ទាល់នូវ សំណង់ស្ទាក់ទឹកព្រែកតាយី ស្ថិតក្នុងឃុំពាមកោះស្នារ ស្រុកស្ទឹងត្រង់ ខេត្តកំពង់ចាម ដែលជាអំណោយ និងជាចំណងដៃដ៏ថ្លៃថ្លារបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្ថាបនារួចរាល់កាលពីឆ្នាំ២០២៥ ប្រគល់ជូនប្រជាពលរដ្ឋនៅក្នុងមូលដ្ឋាន។

ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ព្រមទាំងមន្ត្រីជំនាញ និងអាជ្ញាធរមូលដ្ឋាន នាព្រឹកថ្ងៃទី១៨ ខែសីហា ឆ្នាំ២០២៦ បានអញ្ជើញចុះពិនិត្យស្ថានភាពបាក់ស្រុតច្រាំងទន្លេ ស្ថិតក្នុងឃុំព្រះអណ្តូង ស្រុកស្ទឹងត្រង់ ខេត្តកំពង់ចាម ដើម្បីវាយតម្លៃផលប៉ះពាល់ និងដាក់ចេញវិធានការអន្តរាគមន៍ជាបន្ទាន់។

នៅថ្ងៃទី ១៥-១៦ ខែសីហា ឆ្នាំ២០២៦ មន្ទីរពាណិជ្ជកម្មខេត្តបាត់ដំបង បានចូលរួមអបអរសាទរ និងគាំទ្រ យុទ្ធនាការផលិតផលជាតិ MadeInCambodia ជាមួយខេត្តកំពង់ចាម ដែលជាខេត្តគោលដៅ។

(បាត់ដំបង)៖ ប្រជាពលរដ្ឋរងគ្រោះដោយគ្រោះធម្មជាតិខ្យល់កន្ត្រាក់ បណ្តាលឲ្យដំបូលផ្ទះប៉ើងចំនួន ២ គ្រួសារ មកពីភូមិចំនួន ២ ក្នុងឃុំព្រៃតូច ស្រុកមោងឫស្សី ខេត្តបាត់ដំបង បានទទួលការយកចិត្តទុកដាក់ និងជួយសង្គ្រោះទាន់ពេលវេលាពីសំណាក់អនុសាខាកាកបាទក្រហមកម្ពុជាស្រុកមោងឫស្សី កាលពីព្រឹកថ្ងៃទី ១៧ ខែសីហា ឆ្នាំ ២០២៦។

វិទ្យុជាតិភ្នំប្រុសភ្នំស្រី FM92.50MHzខេត្តកំពង់ចាម កម្មវិធីសន្ទនាមតិកំពុងពិភាក្សាលើប្រធានបទ​៖«ការគ្រប់គ្រងអ្នកប្រកបវិជ្ជាជីវៈវិស័យសុខាភិបាលក្នុងខេត្តកំពង់ចាម»

(កំពង់ចាម) នាព្រឹកថ្ងៃទី១៨ ខែសីហា ឆ្នាំ២០២៦ ឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម និងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ព្រមទាំងលោកជំទាវ ញូង ចរិយា អ៊ុន ចាន់ដា ប្រធានកិត្តិយសសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្ត បានអញ្ជើញជាអធិបតីភាពក្នុងពិធីប្រគេនទៀនចំណាំព្រះវស្សា ព្រមទាំងទេយ្យវត្ថុ និងបច្ច័យ ដល់ព្រះសង្ឃដែលគង់ចាំព្រះវស្សាអស់កាលត្រីមាស នៅវត្តសន្ធររង្សី (ហៅវត្តអន្លង់សំឡី) ស្ថិតក្នុងឃុំខ្ពបតាងួន ស្រុកស្ទឹងត្រង់ ខេត្តកំពង់ចាម។

ភ្នំពេញ៖ ថ្ងៃទី១៨ ខែសីហា ឆ្នាំ២០២៦--រាជរដ្ឋាភិបាលកម្ពុជាបានបើកយុទ្ធនាការទ្រង់ទ្រាយធំទូទាំងប្រទេសដើម្បីបង្ក្រាប និងបោសសម្អាតបណ្តាញឆបោកតាមប្រព័ន្ធបច្ចេកវិទ្យា (Online Scams) យ៉ាងចាស់ដៃក្រោមបទបញ្ជាម៉ឺងម៉ាត់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

(ភ្នំពេញ)៖ នារសៀលថ្ងៃទី១៧ ខែសីហា ឆ្នាំ២០២៦ ឯកឧត្ដម នេត្រ ភក្ត្រា រដ្ឋមន្ត្រីក្រសួងព័ត៌មាន បានអញ្ជើញជាអធិបតី ក្នុងពិធីប្រគល់សម្ភារឧបករណ៍បច្ចេកទេស រួមមាន កាមេរ៉ា កុំព្យូទ័រយួរដៃ (Laptop) និងឧបករណ៍សម្ភារបន្ទាប់បន្សំផ្សេងៗទៀត ជូនដល់តំណាងមន្ទីរព័ត៌មានរាជធានី-ខេត្ត ការផ្តល់ជូនសម្ភារបច្ចេកទេសទាំងនេះ ធ្វើឡើងក្នុងគោលបំណងលើកកម្ពស់សមត្ថភាព បំពាក់បំប៉នមធ្យោបាយធ្វើដំណើរ និងឧបករណ៍ការងារជាក់ស្តែង ជូនដល់មន្ត្រីព័ត៌មាននៅតាមបណ្តារាជធានី-ខេត្ត ដើម្បីបង្កើនប្រសិទ្ធភាព និងភាពរហ័សទាន់ហេតុការណ៍ក្នុងការប្រមូល និងផលិតព័ត៌មានបម្រើជូនសាធារណជន៕

ដោយមានការជំរុញជាបន្តបន្ទាប់ពីមន្ទីរសុខាភិបាល នៃរដ្ឋបាលខេត្តបាត់ដំបង និងការចូលរួមគាំទ្រពីអង្គការ CHC នៅថ្ងៃទី ១៧ ខែសីហា ឆ្នាំ ២០២៦ កន្លងទៅនេះ មន្ត្រីមណ្ឌលសុខភាព ឃុំបួរ ស្រុកភ្នំព្រឹក ខេត្តបាត់ដំបង បានចុះអប់រំ និងផ្សព្វផ្សាយដល់ប្រជាពលរដ្ឋក្នុងសហគមន៍ អំពីជំងឺរបេង រោគសញ្ញាសង្ស័យ និងវិធានការស្វែងរកអ្នកជំងឺ ដើម្បីព្យាបាលឲ្យបានត្រឹមត្រូវ។

លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន បានអញ្ជើញដឹកនាំមន្ត្រីជំនាញ និងក្រុមការងារ ចុះពិនិត្យមើលដោយផ្ទាល់ ការបង្ករបង្កើនផលដំណាំបន្លែ ក្នុងខេត្តប៉ៃលិន ព្រមទាំងលើកទឹកចិត្តដល់ប្រជាកសិករធ្វើការផលិតឱ្យបានច្រើន ដើម្បីផ្គត់ផ្គង់ទីផ្សារក្នុងស្រុក និងនាំចេញ ដែលធានាបាននូវតម្លៃសមរម្យ និងគុណភាព តាមបែបធម្មជាតិ ប្រកបដោយទំនុកចិត្ត មិនប៉ៈពាល់ដល់សុខភាព។

បាត់ដំបង ៖ នៅក្រោមមេឃលើដីដ៏ធំល្វឹងល្វើយមើលដាច់កន្ទុយភ្នែក នារដូវវស្សានេះ ពិតជាមានទេសភាពដ៏ស្រស់បំព្រងនៃធម្មជាតិមានពណ៌បៃតងយ៉ាងត្រជាក់ភ្នែក រួមជាមួយលំនៅឋានរបស់ប្រជាពលរដ្ឋច្រើនស្អេកស្កះ និងរោងគ្របសំពត់តង់ពណ៌សឈរតម្រៀបគ្នាជាច្រើនជួរ នោះគឺជាផ្ទះសំណាញ់របស់សហគមន៍កសិកម្មតាសីសាមគ្គី សម្រាប់ដាំបន្លែសុវត្ថិភាពគួរឱ្យចាប់អារម្មណ៍ ។