ព័ត៌មានតាមបណ្តារខេត្ត

ផ្លូវបេតុងជាង២០គីឡូម៉ែត្រពីក្រុងស្ទឹងសែនទៅស្រុកកំពង់ស្វាយ ជួយសម្រួលសេដ្ឋកិច្ចប្រជាពរដ្ឋ។ ផលិតដោយ៖ ក្រុមសាធារណមតិ មន្ទីរព័ត៍មាន ខេត្ដកំពង់ធំ

មន្ទីរអប់រំ យុវជន និងកីឡា ខេត្តបាត់ដំបង សូមជម្រាបជូនសាធារណជន និងបេក្ខជនដែលមានបំណងចូលបម្រើការងារជាគ្រូបង្រៀនផ្អែកលើកិច្ចសន្យា នៅកម្រិតបឋមសិក្សា សម្រាប់ឆ្នាំសិក្សា ២០២៦-២០២៧ ថា ការទទួលពាក្យស្នើសុំធ្វើឡើងតាមប្រព័ន្ធអនឡាញ។

មន្ទីរអប់រំ យុវជន និងកីឡា ខេត្តបាត់ដំបង បានទទួលបដិសណ្ឋារកិច្ច និងអមដំណើរ ឯកឧត្តម បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា អញ្ជើញចុះសួរសុខទុក្ខ សំណេះសំណាល និងពិនិត្យមើលការត្រៀមលក្ខណៈសម្រាប់ការអនុវត្តកម្មវិធីសាលារៀនជំនាន់ថ្មី (New Generation School: NGS) នៅវិទ្យាល័យនេតយ៉ង់ ស្ថិតក្នុងក្រុងបាត់ដំបង ខេត្តបាត់ដំបង។

មន្ទីរធនធានទឹក និងឧតុនិយម ខេត្តបាត់ដំបង ជម្រាបជូន អំពីព្រឹត្តិបត្រ ព្យាករណ៍អាកាសធាតុ ខេត្តបាត់ដំបង ចាប់ពីថ្ងៃចន្ទ ៨ កើតខែអស្សុជ រហូតដល់ថ្ងៃពុធ ១០ កើតខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនៅថ្ងៃទី ១៩ ដល់ថ្ងៃទី ២១ ខែតុលា ឆ្នាំ ២០២៦ ខាងមុខនេះ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អមដំណើរដោយ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត និងគណៈប្រតិភូមន្ត្រីជាន់ខ្ពស់រាជរដ្ឋាភិបាល បានបញ្ចប់ ដំណើរទស្សនកិច្ចការងារនៅសាធារណរដ្ឋតួកគីយ៉េ នៅថ្ងៃទី១៦ ខែតុលា ឆ្នាំ២០២៦។ ក្នុងអំឡុងពេល ទស្សនកិច្ចនេះ សម្តេចធិបតីនាយករដ្ឋមន្ត្រី និងលោកជំទាវបណ្ឌិត បានទទួលកិច្ចស្វាគមន៍យ៉ាងកក់ក្តៅ នៅទីក្រុងស៊ីស្តង់ប៊ុល ពីសំណាក់ ឯកឧត្តម វ៉េសិប តៃយីប អេដូហ្គែន ប្រធានាធិបតីនៃសាធារណរដ្ឋតួកគីយ៉េ និងលោកជំទាវ អេមីន អេដូហ្គែន។

ផ្លូវបេតុងជាង២០គីឡូម៉ែត្រពីក្រុងស្ទឹងសែនទៅស្រុកកំពង់ស្វាយ ជួយសម្រួលសេដ្ឋកិច្ចប្រជាពលរដ្ឋ

ចាប់ពីថ្ងៃទី១៤ ដល់ថ្ងៃទី ១៨ ខែតុលា ឆ្នាំ ២០២៦ គណៈកម្មការផ្សះផ្សាក្រោមអនុសញ្ញាអង្គការ សហប្រជាជាតិស្តីពីនីតិសមុទ្រ បានរៀបចំកិច្ចប្រជុំលើកទី២ ជាមួយភាគីកម្ពុជា និងថៃ នៅទីក្រុងឡាអេ ប្រទេសហូឡង់។ ក្នុងអំឡុងពេលនោះ ភាគីទាំងពីរបានឈានដល់ការឯកភាពគ្នាលើវិធានការកសាងទំនុកចិត្ត ដែលមានគោលបំណងជំរុញទំនុកចិត្ត និងភាពជឿជាក់ទៅវិញទៅមក និងសម្រួលដល់ដំណោះស្រាយដោយ សមហេតុផល និងដោយមិត្តភាព ស្របតាមច្បាប់អន្តរជាតិ។

កម្មវិធី ទទក ព័ត៌មានពេលព្រឹក ម៉ោង៦:៣០នាទី (ថ្ងៃចន្ទ ៨កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែតុលា ឆ្នាំ២០២៦)

ប៉ៃលិន៖ រសៀល ថ្ងៃទី១៨ ខែតុលា ឆ្នាំ២០២៦ លោក រស់ នឿន អនុប្រធានក្រុមការងារចុះជួយសង្កាត់ និងជាប្រធានក្រុមការងារចុះជួយភូមិអូរច្រាកណ្ដាល បានដឹកនាំសហការីអញ្ជើញចុះសួរសុខទុក្ខដោយផ្ទាល់ដល់លំនៅឋានសមាជិកបក្សដែលមានជំងឺប្រចាំកាយ ដើម្បីបង្ហាញពីការយកចិត្តទុកដាក់ និងភាពកក់ក្តៅពីសំណាក់ថ្នាក់ដឹកនាំ។

សូមគោរពជម្រាបជូនអំពីស្ថានភាពធាតុអាកាសនៅព្រះរាជាណាចក្រកម្ពុជា សម្រាប់ថ្ងៃទី១៩ ខែតុលា ឆ្នាំ២០២៦៖

កំពង់ចាម៖ ឯកឧត្តម អ៊ុន ចាន់ដា អភិបាលខេត្តកំពង់ចាម បានសម្តែងនូវការថ្លែងអំណរគុណយ៉ាងជ្រាលជ្រៅចំពោះក្រុមគ្រូពេទ្យជំនាញស្ម័គ្រចិត្តមកពីប្រទេសអូស្ត្រាលី នៃអង្គការ Cambodia Vision ដែលបានលះបង់ពេលវេលា និងថវិកាផ្ទាល់ខ្លួន ចុះមកផ្តល់សេវាពិនិត្យ និងព្យាបាលជំងឺភ្នែក ព្រមទាំងផ្តល់វ៉ែនតា និងថ្នាំព្យាបាលផ្សេងៗជូនប្រជាពលរដ្ឋក្នុងខេត្តកំពង់ចាមដោយឥតគិតថ្លៃ ដើម្បីរួមចំណែកលើកកម្ពស់សុខភាពភ្នែក និងកាត់បន្ថយបន្ទុកចំណាយរបស់ប្រជាពលរដ្ឋ។ការថ្លែងអំណរគុណនេះ បានធ្វើឡើងនារសៀលថ្ងៃទី១៨ ខែតុលា ឆ្នាំ២០២៦ នៅសាលាគរុកោសល្យភូមិភាគកំពង់ចាម។

បាត់ដំបង៖នៅថ្ងៃទី១៨ ខែតុលា ឆ្នាំ២០២៦ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បាននាំយកអំណោយដ៏ថ្លៃថ្លារបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជាតាមរយៈប្រព័ន្ធស្បៀងបម្រុងកម្ពុជា ផ្ដល់ជូនប្រជាពលរដ្ឋមានជីវភាពខ្វះខាតរងគ្រោះដោយជំនន់ទឹកភ្លៀងចំនួន១៥០គ្រួសារនៅក្នុង ឃុំតាសាញ ឃុំមានជ័យ ឃុំស៊ុង ឃុំសំឡូត ឃុំកំពង់ល្ពៅ ឃុំតាតោក និងឃុំអូរសំរិល ស្រុកសំឡូត ខេត្តបាត់ដំបង។