ព័ត៌មានតាមបណ្តារខេត្ត

ឆ្នាំ២០២៦នេះប្រាក់ឈ្នួលសរុបអប្បបរមារបស់កម្មករកម្ពុជា ខ្ពស់ជាងវៀតណាម ឥណ្ឌា ប៉ាគីស្ថាន ស្រីលង្កា មីយ៉ាន់ម៉ា បង់ក្លាដេស និងឡាវ

វិញ្ញាបនបត្រសម្គាល់ម្ចាស់អចលនវត្ថុ២៥៧៩០ បណ្ណ ត្រូវបានចែកជូនប្រជាពលរដ្ឋម្ចាស់ដី នៅក្នុងស្រុកទឹកផុស ស្រុករលាប្អៀរ និងស្រុកកំពង់ត្រឡាច

រដ្ឋមន្រ្តីព័ត៌មាន ៖ កុមារមិនគួរត្រូវរៀនរស់នៅជាជនភៀសសឹកទេ

ស្ថានទូតឥណ្ឌាប្រចាំកម្ពុជា រៀបចំពិធីជូនដំណើរមន្ត្រីក្រសួងព័ត៌មាន ១៥រូប ទៅចូលរួមចូលរួមវគ្គសិក្សា «វិញ្ញាបនបត្រផ្នែកប្រព័ន្ធផ្សព្វផ្សាយ និងបច្ចេកវិទ្យាព័ត៌មានសម័យថ្មី» នៅទីក្រុងញូវដែលី

ចំណាប់អារម្មណ៍របស់ប្រជាពលរដ្ឋសប្បាយរីករាយ ក្រោយទទួលបានសេវាពិគ្រោះ និងពិនិត្យព្យាបាលជំងឺយ៉ាងយកចិត្តទុកដាក់ពីក្រុមគ្រូពេទ្យនៃមន្ទីរពេទ្យបង្អែកខេត្តមណ្ឌលគិរី ។ រៀបចំដោយ ៖ មន្ទីរព័ត៌មានខេត្តមណ្ឌលគិរី

អូរស្មាច់៖ សេណារីយូអាចរៀបចំបាន ប៉ុន្តែការពិតមិនអាចរៀបចំបានទេ

បាត់ដំបង៖ អនុវត្តន៍តាមអនុសាសន៍ របស់ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជា ខេត្តបាត់ដំបង នៅព្រឹកថ្ងៃទី៩ ខែកញ្ញា ឆ្នាំ២០២៦ លោកឡុង សុភឺន ប្រធានស្តីទីគណៈកម្មាធិការអនុសាខាកាកបាទក្រហមកម្ពុជា ស្រុកមោងប្ញស្សី និងសហការី បានចុះសួរសុខទុក្ខ និងនាំយកអំណោយមនុស្សធម៌ របស់សប្បុរសជន ផ្តល់ជូនគ្រួសារប្រជាពលរដ្ឋងាយរងគ្រោះបំផុត ( ចាស់ជរា ជំងឺរ៉ាំរ៉ៃ ជនមានពិការភាព ស្រ្តីមេម៉ាយកូនច្រើន គ្រួសារទីទាល់ក្រ)ដែលកំពុងជួបការលំបាក ក្នុងជីវភាពរស់នៅប្រចាំថ្ងៃ ចំនួន ១៣គ្រួសារ មកពីភូមិចំនួន៦ក្នុង ឃុំមោង និងឃុំគារ ស្រុកមោងប្ញស្សី ខេត្តបាត់ដំបង។

(ប៉ៃលិន)៖ នៅថ្ងៃពុធ ១២រោច ខែស្រាពណ៍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៩ ខែកញ្ញា ឆ្នាំ២០២៦ ដោយអនុវត្តនូវអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្ដមសេនីយ៍ ស ថេត អគ្គស្នងការនគរបាលជាតិ និងមានការចង្អុលបង្ហាញពី លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន លោកវរសេនីយ៍ទោ មាឃ សារ៉ន អធិការនគរបាលក្រុងប៉ៃលិន បានចាត់ឲ្យកម្លាំងប៉ុស្ដិ៍នគរបាលរដ្ឋបាលប៉ៃលិន ចុះចែកអត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋតាមខ្នងផ្ទះចំនួន១៣ភូមិ សរុបចំនួន១៤០សន្លឹក ស្ថិតក្នុងមូលដ្ឋានសង្កាត់ប៉ៃលិន។

(ប៉ៃលិន)៖ នៅចំណុចផ្សារប៉ាងរលឹម នាព្រឹកថ្ងៃទី៩ ខែកញ្ញា ឆ្នាំ២០២៦ មន្ទីរបរិស្ថានខេត្តប៉ៃលិន បានសហការជាមួយរដ្ឋបាលក្រុងប៉ៃលិន និងអាជ្ញាធរមូលដ្ឋានសង្កាត់អូរតាវ៉ៅ ចុះយុទ្ធនាការរួមគ្នា«ថ្ងៃនេះ ខ្ញុំមិនប្រើថង់ប្លាស្ទិចទេ» និង «យុទ្ធនាការផ្លូវជាតិគ្មានសំរាមប្លាស្ទិក» គឺដើម្បីស្តារបរិស្ថានឱ្យមានភាពស្អាត និងលើកកម្ពស់សោភ័ណភាពមូលដ្ឋាន។

(បាត់ដំបង)៖ រដ្ឋបាលខេត្តប៉ៃលិន និងរដ្ឋបាលខេត្តបាត់ដំបង បានសម្រេចចុះហត្ថលេខារួមគ្នាលើសំណើសុំកែសម្រួលព្រំប្រទល់រដ្ឋបាលរវាងខេត្តទាំងពីរជាផ្លូវការ ក្នុងគោលបំណងធានាឱ្យការគ្រប់គ្រងដែនដីមានភាពច្បាស់លាស់ ស្របតាមទិដ្ឋភាពច្បាប់ និងឆ្លើយតបទៅនឹងស្ថានភាពជាក់ស្តែងនៃការរស់នៅរបស់ប្រជាពលរដ្ឋ។ ពិធីចុះហត្ថលេខាជាប្រវត្តិសាស្ត្រនេះ បានប្រព្រឹត្តទៅកាលពីថ្ងៃទី០៩ ខែកញ្ញា ឆ្នាំ២០២៦ នៅខេត្តបាត់ដំបង ក្រោមអធិបតីភាពរបស់ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន និង ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង ដោយមានការចូលរួមពីថ្នាក់ដឹកនាំ មន្ត្រីជំនាញ និងអាជ្ញាធរពាក់ព័ន្ធនៃខេត្តទាំងពីរ គឺខេត្តប៉ៃលិន និង ខេត្តបាត់ដំបង។

មណ្ឌលសុខភាពស្រះកែវ បានពង្រឹងគុណភាពសេវាសុខាភិបាលដល់ប្រជាពលរដ្ឋក្នុងមូលដ្ឋាន និងប្រជាពលរដ្ឋក្នុងជំរំភៀសសឹក

កំពង់ចាម៖ នាព្រឹកថ្ងៃពុធ ទី៩ ខែកញ្ញា ឆ្នាំ២០២៦ លោកស្រី ប៉ាង ដានី អភិបាលរងខេត្តកំពង់ចាម តំណាងឯកឧត្តម អ៊ុន ចាន់ដា អភិបាលខេត្ត បានអញ្ជើញចូលរួមសិក្ខាសាលាសមាហរណកម្មកម្មវិធីវិនិយោគបីឆ្នាំរំកិល ២០២៧-២០២៩ របស់រដ្ឋបាលក្រុង និងសង្កាត់ នៅសាលាក្រុងកំពង់ចាម។