ព័ត៌មានតាមបណ្តារខេត្ត

សេចក្ដីជូនដំណឹង ស្ដីពី ការបិទផ្អាកការធ្វើចរាចរណ៍បណ្ដោះអាសន្នតាមបណ្ដោយកំណាត់ផ្លូវខេត្ត លេខ២៧៩ ពីចំណុចជើងភ្នំព្រែកសង្កែ ស្ថិតនៅភូមិព្រែកសង្កែលិច ឃុំពាមកោះស្នា រហូតដល់គល់ស្ពានបឹងរ៉ៃ ស្ថិតនៅភូមិខ្ពបតាងួន ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម

សេចក្ដីណែនាំរបស់រដ្ឋបាលខេត្តកំពង់ចាម ស្ដីពី ការត្រៀមបង្ការគ្រោះថ្នាក់ផ្សេងៗ ក្នុងពេលគ្រោះទឹកជំនន់ទន្លេមេគង្គ នៅរដូវវស្សា ឆ្នាំ២០២៦

នៅព្រឹកថ្ងៃទី២៣ ខែសីហា ឆ្នាំ២០២៦ នេះ ទឹកទន្លេមេគង្គ នៅខេត្តកំពង់ចាម បានបន្តហក់ឡើងដល់កម្ពស់ ១៣,៩៦ម៉ែត្រ និងបានហូរចូលព្រែក ចំនួន ៤០ ក្នុងចំណោម ៤១ព្រែក នៅក្នុងខេត្ត។

(កំពង់ចាម) មនុស្សយ៉ាងហោចណាស់ ៤នាក់បានរងរបួស ក្នុងនោះមានស្ត្រី ៣នាក់ (២នាក់រងរបួសធ្ងន់) នៅក្នុងហេតុការណ៍អគ្គិភ័យឆាបឆេះផ្ទះប្រជាពលរដ្ឋមួយកន្លែង ដែលជាទីតាំងហាងស៊ុប «ដំណាក់ហ្វូស៊ីន» ស្ថិតនៅភូមិទី១៤ សង្កាត់កំពង់ចាម ក្រុងកំពង់ចាម ខេត្តកំពង់ចាម កាលពីវេលាម៉ោង ៥:២០នាទីល្ងាច ថ្ងៃទី២២ ខែសីហា ឆ្នាំ២០២៦។

(កំពង់ចាម)៖ នាព្រឹកថ្ងៃទី២៣ ខែសីហា ឆ្នាំ២០២៦ គណៈកម្មាធិការគណបក្សប្រជាជនកម្ពុជាខេត្តកំពង់ចាម បានរៀបចំកិច្ចប្រជុំផ្សព្វផ្សាយសេចក្តីណែនាំរបស់គណៈអចិន្ត្រៃយ៍នៃគណៈកម្មាធិការកណ្តាល ស្តីពីការងារឃោសនាឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ព្រមទាំងបូកសរុបលទ្ធផលការងារគណបក្ស និងក្រុមការងារចុះមូលដ្ឋានប្រចាំឆមាសទី១ ឆ្នាំ២០២៦ និងកំណត់ទិសដៅភារកិច្ចបន្ត ក្រោមអធិបតីភាពដ៏ខ្ពង់ខ្ពស់ ឯកឧត្តម អ៊ុន ចាន់ដា ប្រធានគណៈកម្មាធិការគណបក្សប្រជាជនកម្ពុជា ខេត្តកំពង់ចាម។

លោក ឃន ប្រុស អភិបាលរងខេត្តកំពង់ចាមបានអញ្ជើញចូលរួមពិធីពិនិត្យសុខភាពភ្នែក ផ្តល់វ៉ែនតា និងវះកាត់ភ្នែកជូនប្រជាពលរដ្ឋដោយឥតគិតថ្លៃ នៅមន្ទីរ ពេទ្យបង្អែកខេត្តកំពង់ចាម ក្រោមអធិបតីភាព ឯកឧត្តមសាស្ត្រាចារ្យរង លូ លីឃាង ទីប្រឹក្សាក្រសួងសុខាភិបាល និងជានាយកមន្ទីរពេទ្យព្រះអង្គឌួង នាព្រឹកថ្ងៃទី ២២ ខែ សីហា ឆ្នាំ ២០២៦ នៅមន្ទីរ ពេទ្យបង្អែកខេត្តកំពង់ចាម ។

គិតត្រឹមព្រឹកថ្ងៃទី២២ ខែសីហា ឆ្នាំ២០២៦ ទឹកទន្លេមេគង្គ នៅខេត្តកំពង់ចាម បានហក់ឡើងដល់កម្ពស់ ១៣,៧៤ម៉ែត្រ និងបានហូរចូលព្រែក ចំនួន ៣៧ ក្នុងចំណោម ៤១ព្រែក នៅក្នុងខេត្ត។

(កំពង់ចាម) ឯកឧត្តម ឃន ប្រុស អភិបាលនៃគណៈអភិបាលរងខេត្តកំពង់ចាម តំណាងដ៏ខ្ពង់ខ្ពស់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នៅថ្ងៃទី២១ ខែសីហា ឆ្នាំ២០២៦ បានអញ្ជើញចូលរួមបិទវគ្គបណ្ដុះបណ្ដាលទម្រង់ទិស ស្ដីពីការគ្រប់គ្រង PHC-BIF ស្រុក ឃុំ-សង្កាត់ ការិយាល័យប្រតិបត្តិស្រុក និងមណ្ឌលសុខភាព ក្នុងស្រុកជើងព្រៃ ដោយមានការអញ្ជើញចូលរួមពីសំណាក់លោកវេជ្ជបណ្ឌិត វ៉ា សាវុធ ប្រធានមន្ទីរសុខាភិបាលនៃរដ្ឋបាលខេត្តកំពង់ចាម លោក គីម គុង អភិបាលនៃគណៈអភិបាលស្រុកជើងព្រៃ និងមន្ត្រីពាក់ព័ន្ធជាច្រើន ស្ថិតនៅសាលាស្រុកជើងព្រៃ។

ក្រសួងធនធានទឹក និងឧតុនិយម បានចេញសេចក្តីជូនដំណឹងស្តីពីស្ថានភាពទឹកទន្លេមេគង្គ ដោយបង្ហាញថា កម្ពស់ទឹកនៅតាមស្ថានីយជលសាស្ត្រមួយចំនួន កំពុងមាននិន្នាការកើនឡើង ដែលតម្រូវឱ្យប្រជាពលរដ្ឋរស់នៅតាមដងទន្លេ និងអាជ្ញាធរមូលដ្ឋានបង្កើនការប្រុងប្រយ័ត្ន។

ខេត្តកំពង់ចាម៖ លោកជំទាវ រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការនៃគណៈកម្មាធិការជាតិសុវត្ថិភាពចរាចរណ៍ផ្លូវគោក បានអញ្ជើញជាអធិបតីក្នុងយុទ្ធនាការអប់រំផ្សព្វផ្សាយអំពីសុវត្ថិភាពចរាចរណ៍ផ្លូវគោកការពាក់មួកសុវត្ថិភាព និងការបង្កើនសុវត្ថិភាពតាមរយៈការបើកភ្លើងស្វ័យប្រវត្តិពេលថ្ងៃ (AHO) នៅថ្ងៃទី២១ ខែសីហា ឆ្នាំ២០២៦ ស្ថិតនៅភូមិឈើទាល ឃុំផ្តៅជុំ ស្រុកជើងព្រៃ ខេត្តកំពង់ចាម។

(កំពង់ចាម)៖ អ្នកបើកបរយានយន្តត្រូវតែប្រើប្រាស់ភ្លើងពេលថ្ងៃសម្រាប់ម៉ូតូ និងរថយន្តរបស់ខ្លួន ដើម្បីបញ្ចៀសគ្រោះថ្នាក់ចរាចរណ៍ដែលបណ្តាលមកពីការមើលគ្នាមិនច្បាស់នៅតាមគោលដៅប្រឈមហានិភ័យនានា។

(កំពង់ចាម) លោកស្រី សម ផល្លា ប្រធានមន្ទីរព័ត៌មានខេត្តកំពង់ចាម បានអញ្ជើញជាអធិបតីក្នុងពិធីប្រគល់កាមេរ៉ាវីដេអូ ចំនួន ១គ្រឿង ដែលជាអំណោយដ៏ថ្លៃថ្លារបស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ជូនដល់មន្ត្រីព័ត៌មាននៃការិយាល័យទូរទស្សន៍ជាតិខេត្តកំពង់ចាម ដើម្បីបម្រើឱ្យសកម្មភាពចុះយកព័ត៌មាន និងផលិតកម្មវិធីផ្សព្វផ្សាយឱ្យកាន់តែមានគុណភាព។