កម្មវិធី ទទក ព័ត៌មានពេលព្រឹក វគ្គ២ ម៉ោង៦:៣០នាទី (ថ្ងៃព្រហស្បតិ៍ ៣កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែវិច្ឆិកា ឆ្នាំ២០២៦)
ថ្ងៃព្រហស្បតិ៍ ៣កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែវិច្ឆិកា ឆ្នាំ២០២៦
រដ្ឋបាលខេត្តសៀមរាប បានបង្ហាញជំហរគាំទ្រយ៉ាងពេញទំហឹង ចំពោះគម្រោងវិនិយោគរបស់ក្រុមហ៊ុន Yunnan Investment Holding Group ដោយផ្តោតសំខាន់លើការអភិវឌ្ឍវិស័យទេសចរណ៍ និងការកែលម្អហេដ្ឋារចនាសម្ព័ន្ធជុំវិញអាកាសយានដ្ឋានអន្តរជាតិសៀមរាបអង្គរ ដោយរដ្ឋបាលខេត្តនឹងបន្តយកចិត្តទុកដាក់ខ្ពស់លើការការពង្រឹងសន្តិសុខសាធារណៈ ការរៀបចំសណ្ដាប់ធ្នាប់ចរាចរណ៍ និងការកែលម្អបរិស្ថាន ព្រមទាំងធានាឱ្យបាននូវការផ្គត់ផ្គង់ទឹកស្អាត និងថាមពលអគ្គិសនីឱ្យបានរលូន ដើម្បីគាំទ្រដល់ប្រតិបត្តិការពាណិជ្ជកម្ម និងសកម្មភាពផ្សេងៗ ជុំវិញតំបន់អាកាសយានដ្ឋានអន្តរជាតិសៀមរាបអង្គរ។
មន្ត្រីជំនាញនៃមន្ទីរពេទ្យបង្អែកសូទ្រនិគម ណែនាំដល់ប្រជាពលរដ្ឋទាំងអស់ ឱ្យទៅពិនិត្យសុខភាពភ្នែកយ៉ាងហោចណាស់ឱ្យបាន ២ដងក្នុង១ឆ្នាំ ដើម្បីការពារ និងទប់ស្កាត់បញ្ហាភ្នែកឱ្យបានទាន់ពេលវេលា
នៅថ្ងៃទី១១ ខែវិច្ឆិកា ឆ្នាំ២០២៦នេះ ក្រុមប្រឹក្សាខេត្តសៀមរាប បានបន្តរៀបចំវេទិកាផ្សព្វផ្សាយ និងពិគ្រោះយោបល់ ដើម្បីប្រមូលក្ដីកង្វល់ និងដោះស្រាយ បំភ្លឺជូនប្រជាពលរដ្ឋ ក្នុងមូលដ្ឋានស្រុកអង្គរធំ ក្នុងន័យដើម្បីជំរុញក្នុងការអភិវឌ្ឍន៍មូលដ្ឋានឱ្យកាន់តែប្រសើរឡើង ព្រមទាំងលើកកម្ពស់ជីវភាពរបស់ប្រជាពលរដ្ឋតាមមូលដ្ឋាន។
