កម្មវិធី ទទក ព័ត៌មានជាតិ និងអន្តរជាតិ ម៉ោង១៧:០០នាទី (ថ្ងៃអង្គារ ១កើត ខែកត្តិក ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១០ ខែវិច្ឆិកា ឆ្នាំ២០២៦)
នៅព្រឹកថ្ងៃទី១០ ខែវិច្ឆិកា ឆ្នាំ២០២៦ លោក លី សារី អភិបាលរងខេត្តសៀមរាប បានអញ្ជើញចូលរួមកិច្ចប្រជុំត្រួតពិនិត្យការរៀបចំព្រឹត្តិការណ៍ប្រកួតកីឡាវាយកូនគោលពានរង្វាន់ "Vattanac Legends Championship" និង "Vattanac Tour Championship" ដែលបានប្រព្រឹត្តទៅនៅទីស្នាក់ការគណៈកម្មាធិការជាតិអូឡាំពិកកម្ពុជា រាជធានីភ្នំពេញ។
ដើម្បីធានាឱ្យបាននូវការផ្សាយបន្តផ្ទាល់ប្រកបដោយភាពរលូន រស់រវើក គុណភាពរូបភាពនិងសំឡេងល្អប្រសើរ ព្រមទាំងអាចនាំយកបរិយាកាសដ៏សប្បាយរីករាយជូនដល់សាធារណជន។
នៅថ្ងៃទី១០ ខែវិច្ឆិកា ឆ្នាំ២០២៦នេះ ក្រុមប្រឹក្សាខេត្តសៀមរាប បន្តចុះស្ដាប់ក្ដីកង្វល់ និងដោះស្រាយបញ្ហាប្រឈមរបស់ពលរដ្ឋ សម្រាប់គោលដៅស្រុកបន្ទាយស្រី ក្នុងន័យដើម្បីលើកកម្ពស់គណនេយ្យភាព តម្លាភាព និងការចូលរួមរបស់ប្រជាពលរដ្ឋក្នុងកិច្ចដំណើរការអភិបាលកិច្ចរបស់រដ្ឋបាលថ្នាក់ក្រោមជាតិ តាមរយៈវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត អាណត្តិទី៤ ឆ្នាំ២០២៦នេះ។
ខេត្តសៀមរាប គ្រោងនឹងរៀបចំយុទ្ធនាការ ១៦ថ្ងៃ ដើម្បីបញ្ឈប់អំពើហិង្សាលើស្រី្ដ និងក្មេងស្រី នៅថ្ងៃទី២៧ ខែវិច្ឆិកា ឆ្នាំ២០២៦ខាងមុខនេះ នៅវិទ្យាល័យអង្គរ ក្រុងសៀមរាប តាមរយៈការរៀបចំជាការនិយាយសាធារណៈ ដោយមានការជជែកសួរដេញដោល។ នេះបើតាមការបញ្ជាក់របស់ លោកស្រី ក្រង់ ស៊ីថាវី ប្រធានមន្ទីរកិច្ចការនារីខេត្ត ក្នុងកិច្ចប្រជុំពិភាក្សាលើការងាររៀបចំយុទ្ធនាការ នៅថ្ងៃទី១០ ខែវិច្ឆិកា ឆ្នាំ២០២៦នេះ។
