បាត់ដំបង៖មន្ទីរសុខាភិបាលនៃរដ្ឋបាលខេត្តបាត់ដំបង បានរៀបចំវគ្គបណ្តុះបណ្តាលស្តីពី «ការគ្រប់គ្រងការធ្លាក់ឈាមក្រោយសម្រាល (PPH)» ក្រោមអធិបតីភាព លោកសាស្ត្រាចារ្យជំនួយ ជា ពៅ អនុប្រធានមន្ទីរសុខាភិបាលនៃរដ្ឋបាលខេត្តបាត់ដំបង និង លោកវេជ្ជបណ្ឌិត ហាន ឧត្តម ប្រធានមន្ទីរពេទ្យបង្អែកខេត្តបាត់ដំបង ។

បាត់ដំបង ៖ រយៈពេល២ថ្ងៃ ចាប់ពីថ្ងៃទី០៣ ដល់០៤ ខែវិច្ឆិកា ឆ្នាំ២០២៦នេះ មណ្ឌលសុខភាពកំពង់ព្រៀង បានចាប់ផ្ដើមធ្វើការពិនិត្យស្រាវជ្រាវរកជំងឺមហារីកមាត់ស្បូនដោយតេស្ត HPV ជូនដល់ស្ត្រីគ្រប់រូប ដែលមានអាយុចាប់ពី៣០ឆ្នាំ ដល់៤៩ឆ្នាំ នៅគ្រប់ភូមិ ស្ថិតក្នុងមូលដ្ឋានឃុំកំពង់ព្រៀង នៃស្រុកសង្កែ ខេត្តបាត់ដំបង ដោយមិនគិតថវិកាឡើយ ។

បាត់ដំបង ៖ មន្ទីរសុខាភិបាលនៃរដ្ឋបាលខេត្តបាត់ដំបង បានបើកវគ្គបណ្តុះបណ្តាលស្តីពី«ជំងឺឡើងសម្ពាធឈាម និងជំងឺទឹកនោមផ្អែម» នៅសាលប្រជុំបណ្តុះបណ្តាលបន្តនៃមន្ទីរសុខាភិបាលខេត្តបាត់ដំបង កាលពី ថ្ងៃទី៣១ ខែតុលា ឆ្នាំ២០២៦ ។ កិច្ចនេះបានដំណើរការទៅ ក្រោមវត្តមានចូលរួមពី ឯកឧត្តមវេជ្ជបណ្ឌិត ង៉ូវ កាង រដ្ឋលេខាធិការក្រសួងសុខាភិបាល និងជាតំណាងសមាគមជំងឺទឹកនោមផ្អែម ឯកឧត្តម ស៊ឹម ស៊ីថា រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លោកឱសថបណ្ឌិត វឿង ប៊ុនរេត ប្រធានមន្ទីរសុខាភិបាលនៃរដ្ឋបាលខេត្តបាត់ដំបង រដ្ឋបាលស្រុកសង្កែ ស្រុករតនមណ្ឌល ព្រមទាំងថ្នាក់ដឹកនាំមូលដ្ឋាន គ្រូឧទ្ទេស មន្ត្រីសុខាភិបាល និងអ្នកពាក់ព័ន្ធជាច្រើនទៀត ។

បាត់ដំបង ៖ ប្រធានមន្ទីរសុខាភិបាលខេត្តបាត់ដំបង លោកឱសថបណ្ឌិត វឿង ប៊ុនរ៉េត បានធ្វើការជំរុញ និងណែនាំ ដល់មន្ត្រីក្រោមឱវាទ ត្រូវយកចិត្តទុកដាក់ រួមគ្នាគិត រួមធ្វើ និងរួមទទួលខុសត្រូវ ដើម្បីពង្រឹងអង្គភាពមន្ទីរកណ្តាលឱ្យក្លាយជាកម្លាំងស្នូលក្នុងការដឹកនាំ និងគាំទ្រប្រព័ន្ធសុខាភិបាលទូទាំងខេត្ត ប្រកបដោយគុណភាព ប្រសិទ្ធភាព និងគណនេយ្យភាព ។

បាត់ដំបង ៖ មន្ត្រីផ្នែកសុវត្ថិភាពចំណីអាហារនៃការិយាល័យនិយ័តកម្មសុខាភិបាល មន្ទីរសុខាភិបាលនៃរដ្ឋបាលខេត្តបាត់ដំបង បានបន្តចុះត្រួតពិនិត្យ ណែនាំ និងផ្សព្វផ្សាយអំពីអនាម័យ និងសុវត្ថិភាពចំណីអាហារ នៅតាមអាហារដ្ឋាន និងភោជនីយដ្ឋានក្នុងក្រុងបាត់ដំបង ចាប់ថ្ងៃទី២៦-២៨ ខែតុលា ឆ្នាំ២០២៦ ។

បាត់ដំបង ៖ ថ្នាក់ដឹកនាំមន្ទីរសុខាភិបាលនៃរដ្ឋបាលខេត្តបាត់ដំបង បានចូលរួម កិច្ចប្រជុំលើកទី៤ នៃគណៈកម្មាធិការត្រួតពិនិត្យផលិតផលថ្នាំជក់ ដែលរៀបចំឡើងនាថ្ងៃទី២៨ ខែតុលា ឆ្នាំ២០២៦ នៅសណ្ឋាគារ Raffles Hotel Le Royal រាជធានីភ្នំពេញ ដើម្បីពិនិត្យវឌ្ឍនភាពការងារ បញ្ហាប្រឈម និងទិសដៅអាទិភាពនៃការត្រួតពិនិត្យផលិតផលថ្នាំជក់នៅកម្ពុជា ។