ក្រោយការដួលរលំនៃរបបប្រល័យពូជសាសន៍ ប៉ុល ពត ៣ឆ្នាំ ៨ខែ និង ២០ថ្ងៃ ដីធ្លីទាំងអស់ត្រូវបានចាត់ទុកជាសម្បត្តិរបស់រដ្ឋ។ ប្រជាពលរដ្ឋត្រូវបានរៀបចំឱ្យរស់នៅ និងធ្វើការរួមគ្នាក្នុងទម្រង់ជា «ក្រុមសាមគ្គី» ដើម្បីបង្កបង្កើនផល និងជួយគ្នាទៅវិញទៅមកក្នុងការស្តារវិស័យកសិកម្មឡើងវិញ។ ប៉ុន្តែក្រោយពីកម្ពុជាទទួលបានសន្តិភាពពេញលេញ រាជរដ្ឋាភិបាលចាប់តាំងពីអាណត្តិទី១ រហូតដល់អាណត្តិទី៧ បានខិតខំពន្លឿនក្នុងការរៀបចំបណ្ណកម្មសិទ្ធផ្តល់ជូនពលរដ្ឋនៅទូទាំងប្រទេស ធ្វើយ៉ាងណាឱ្យទទួលបានសិទ្ធិកាន់កាប់ និងប្រើប្រាស់ដីធ្លីដោយស្របច្បាប់។

កំពត៖ ក្រុមប្រឹក្សាខេត្តកំពត បានរៀបចំវេទិកាផ្សព្វផ្សាយ និងពិគ្រោះយោបល់នៅស្រុកបន្ទាយមាស ដោយមានការចូលរួមពីប្រជាពលរដ្ឋ និងអ្នកពាក់ព័ន្ធសរុប ៥២២នាក់ ដើម្បីស្តាប់មតិយោបល់ សំណើ និងសំណូមពរ ព្រមទាំងស្វែងរកដំណោះស្រាយចំពោះបញ្ហាប្រឈមនានានៅក្នុងមូលដ្ឋាន។

កំពត៖ គ្រួសារប្រជាពលរដ្ឋចំនួន១៧១គ្រួសារ ដែលរងគ្រោះដោយខ្យល់កន្ត្រាក់នៅស្រុកបន្ទាយមាស ខេត្តកំពត បានទទួលអំណោយមនុស្សធម៌ពីសាខាកាកបាទក្រហមកម្ពុជាខេត្តកំពត ដើម្បីជួយសម្រាលការលំបាកក្នុងជីវភាពប្រចាំថ្ងៃ និងគាំទ្រដល់ការស្តារឡើងវិញក្រោយគ្រោះមហន្តរាយ។

កំពត៖ ថ្នាក់ដឹកនាំខេត្តកំពតបានណែនាំឱ្យមាតាបិតា និងអាណាព្យាបាលបង្កើនការយកចិត្តទុកដាក់លើការសិក្សា អត្តចរិត សីលធម៌ និងឥរិយាបថរបស់កូនចៅ ទាំងនៅក្នុងគ្រួសារ និងសហគមន៍ ដោយចាត់ទុកថា ការអប់រំមិនមែនជាការទទួលខុសត្រូវរបស់សាលារៀនតែមួយមុខទេ ប៉ុន្តែត្រូវការការចូលរួមជាប្រចាំពីគ្រួសារ ដើម្បីអភិវឌ្ឍកូនចៅឱ្យមានចំណេះដឹង ជំនាញ និងទំនួលខុសត្រូវ ពិសេសក្លាយជាមូលធនមនុស្សទៅថ្ងៃអនាគត។

កំពត÷ មន្ត្រីជំនាញបានបញ្ជាក់ថា ទូកហង្ស២គ្រឿងក្នុងចំណោម៤គ្រឿងបានមកដល់រមណីយដ្ឋានស្រះឈូក ដើម្បីត្រៀមបម្រើភ្ញៀវជិតឆ្ងាយក្នុងការជិះលម្ហែកម្សាន្តលើផ្ទៃទឹកដ៏ធំល្វឹងល្វើយនៃរមណីយដ្ឋានស្រះឈូកកណ្តាលក្រុងកំពត។ អាជ្ញាធរក្រុងកំពរំពឹងថា ក្រោយគម្រោងអនុវត្តចប់ តំបន់រមណីយដ្ឋានស្រះឈូកនេះ នឹងទាក់ទាញភ្ញៀវមកច្រើន មិនសុខពីអីពីសមិទ្ធផលមុនៗ ដូចជាសេះសមុទ្រ និងបាតដៃសុមង្គលទេ ។

កំពត៖ ថ្នាក់ដឹកនាំខេត្តកំពត មន្ត្រីរាជការ កងកម្លាំងប្រដាប់អាវុធ សិស្សានុសិស្ស និងប្រជានុរាស្ត្រ បានប្រារព្ធពិធីអបអរសាទរខួបលើកទី២២ នៃការយាងគ្រងព្រះបរមសិរីរាជសម្បត្តិរបស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ព្រមទាំងសម្តែងនូវកតញ្ញូតាធម៌ និងថ្វាយព្រះពរជ័យសិរីមង្គលថ្វាយព្រះអង្គ សូមទ្រង់មានព្រះរាជសុខភាពល្អបរិបូរណ៍ ព្រះជន្មាយុយឺនយូរ និងគង់ប្រថាប់ជាម្លប់ដ៏ត្រជាក់ត្រជុំដល់ប្រជានុរាស្ត្រខ្មែរជានិរន្តរ៍។