ប្រតិភូរដ្ឋបាលខេត្តកណ្តាល ដឹកនាំយុវជនឃុំ-សង្កាត់ ជិត ៧០០នាក់ ទៅទស្សនកិច្ចសិក្សានៅតំបន់កសិ-ទេសចរណ៍ ម៉ុង ឫទ្ធី សែនជ័យ ខេត្តកំពង់ស្ពឺ
ឯកឧត្តម គួច ចំរើន អភិបាលខេត្តកណ្ដាល បានផ្តាំផ្ញើដល់ក្មួយៗយុវជនទាំងអស់ សូមយកចិត្តទុកដាក់ខ្ពស់ ត្រងត្រាប់ស្តាប់ កត់ត្រា និងក្រេបជញ្ជក់យកបទពិសោធន៍ និងអនុសាសន៍របស់ ឯកឧត្តមបណ្ឌិត ម៉ុង ឫទ្ធី ដើម្បីយកទៅធ្វើជាត្រីវិស័យ ក្នុងការតម្រង់ទិសជីវិត មុខរបរ និងជាពិសេស យកទៅអនុវត្តក្នុងការបំពេញការងារបម្រើប្រជាពលរដ្ឋនៅតាមមូលដ្ឋានរបស់ខ្លួន ឱ្យស្របតាមទំនុកចិត្តដែលបានប្រគល់ជូន។
