ថ្នាក់ដឹកនាំខេត្តសៀមរាប ជំរុញលើកទឹកចិត្តដល់មន្ទីរអង្គភាព រដ្ឋបាលក្រុងស្រុក បង្កើនការផ្សព្វផ្សាយពីការអភិវឌ្ឍន៍ក្នុងមូលដ្ឋាន ស្របតាមគោលនយោបាយរបស់រាជរដ្ឋាភិបាល

ថ្លែងបិទវគ្គបណ្តុះបណ្តាល ស្ដីពីកិច្ចការព័ត៌មាន និងសាធារណមតិ ជូនដល់មន្ត្រីបង្គោលនៃមន្ទីរអង្គភាព រដ្ឋបាលក្រុងស្រុក ឃុំសង្កាត់ក្នុងខេត្តសៀមរាប នារសៀលថ្ងៃទី១៧ ខែមិថុនា ឆ្នាំ២០២៦ លោក សុខ ថុល អភិបាលរងខេត្ត បានជំរុញលើកទឹកចិត្តដល់មន្ទីរអង្គភាព រដ្ឋបាលក្រុងស្រុក បង្កើនការផ្សព្វផ្សាយពីសកម្មភាពអភិវឌ្ឍន៍ក្នុងមូលដ្ឋានឱ្យបានទូលំទូលាយ ដើម្បីឱ្យប្រជាពលរដ្ឋបានជ្រាបច្បាស់ពីកិច្ចខិតខំប្រឹងប្រែងរបស់អាជ្ញាធរ ស្របតាមគោលនយោបាយរបស់រាជរដ្ឋាភិបាល។