សាខាកាកបាទក្រហមកម្ពុជា ខេត្តសៀមរាប ផ្ដល់ផ្ទះមនុស្សធម៌ទី១០១ ជូនដល់គ្រួសារវីរកងទ័ពដែលជាគ្រួសារងាយរងគ្រោះបំផុតនៅក្នុងស្រុកពួក ខេត្តសៀមរាប
ផ្ទះមនុស្សធម៌ទី១០១ ចំណាយថវិកាសាងសង់សរុប ៥ ១០០ដុល្លារ ក្នុងនោះ លោកជំទាវ មាស សន ជាម៉ន និង ឯកឧត្តម ជា សុភ័ក្ត្រ ព្រមទាំងក្រុមគ្រួសារ ឧបត្ថម្ភថវិកាចំនួន ៣ ៨០០ដុល្លារ និងថវិកាសាខាកាកក្រហមកម្ពុជាខេត្តសៀមរាប ចំនួន ១ ៣០០ដុល្លារ ត្រូវបានប្រគល់ជូន លោកស្រី ម៉ែន គឹមលី រស់នៅក្នុងស្រុកពួក ខេត្តសៀមរាប ជាម្ដាយវីរកងទ័ពឈ្មោះ សរ ឡស់ ភេទប្រុស អាយុ២៩ឆ្នាំ ជាវីរកងទ័ពម្នាក់ក្នុងចំណោម១៨នាក់ ដែលត្រូវកងទ័ពថៃចាប់ខ្លួនកាលពីខែកក្កដា ឆ្នាំ២០២៥។
