ដើម្បីឆ្លើយតបទៅនឹងការប្រែប្រួលអាកាសធាតុ និងបង្កើនគម្របព្រៃបៃតងឡើងវិញ នាព្រឹកថ្ងៃទី១៩ ខែសីហា ឆ្នាំ២០២៦នេះ ក្រសួងបរិស្ថាន សហការជាមួយរដ្ឋបាលខេត្តព្រះវិហារ បានបើកយុទ្ធនាការដាំកូនឈើព្រៃចម្រុះចំនួន ៥,០០០ដើម រួមមាន៖ បេង ក្រញូង កកោះ គុយ និងស្មាច់ នៅលើផ្ទៃដីសរុប ២០.៣៩ហិកតា ក្នុងសហគមន៍តំបន់ការពារធម្មជាតិ «ជីឱកបឹងប្រិយ៍» នៃដែនជម្រកសត្វព្រៃបឹងពែរ ស្ថិតក្នុងឃុំរមណីយ ស្រុករវៀង ខេត្តព្រះវិហារ។

ដើម្បីឆ្លើយតបយ៉ាងសកម្មទៅនឹង «យុទ្ធសាស្ត្រចក្រាវិស័យបរិស្ថាន ឆ្នាំ២០២៣-២០២៨» ដោយផ្តោតលើមុំយុទ្ធសាស្ត្រទី២ «ភាពបៃតង» មន្ទីរបរិស្ថានខេត្តព្រះវិហារ សហការជាមួយរដ្ឋបាលខេត្ត និងអង្គការដៃគូអភិរក្ស បានរៀបចំយុទ្ធនាការដាំស្តារព្រៃឈើឡើងវិញ នៅលើទីតាំងដីព្រៃដែលបានដកហូត ស្ថិតក្នុងដែនជម្រកសត្វព្រៃឆែប-ព្រះរការ ភូមិសាស្រ្តស្រុកត្បែងមានជ័យ ខេត្តព្រះវិហារ នាថ្ងៃទី២១ ខែកក្កដា ឆ្នាំ២០២៦។

គោលបំណងចម្បងនៃការប្រារព្ធទិវានេះ គឺដើម្បីឱ្យអ្នកចូលរួមទាំងអស់យល់ដឹងកាន់តែច្បាស់អំពីតម្លៃពិតប្រាកដនៃបរិស្ថាន ផលប៉ះពាល់នៃការបំពុល និងការប្រែប្រួលឥរិយាបថរស់នៅរបស់ប្រជាពលរដ្ឋឱ្យស្របតាមបរិស្ថានស្អាត និងសារៈប្រយោជន៍ដែលមិនអាចកាត់ថ្លៃបានរបស់ព្រៃឈើ គឺបានមកពីការចូលរួមការពារ និងអភិរក្សឱ្យបានគង់វង្ស ដែលវាមិនត្រឹមតែជួយរក្សាលំនឹងបរិស្ថានធម្មជាតិនោះទេ តែថែមទាំងជួយជម្រុញដល់សេដ្ឋកិច្ច និងជីវភាពរស់នៅប្រចាំថ្ងៃរបស់ប្រជាសហគមន៍ផ្ទាល់ផងដែរ។

រូបភាពដ៏កម្រ និងគួរឱ្យភ្ញាក់ផ្អើលមួយ បាននិងកំពុងទាក់ទាញការចាប់អារម្មណ៍យ៉ាងខ្លាំងពីសំណាក់ប្រជាពលរដ្ឋ និងមន្ត្រីជំនាញ បន្ទាប់ពីគេបានប្រទះឃើញសត្វខ្ទីងព្រៃមួយក្បាល បានចេញមកសម្របខ្លួន ស្នាក់អាស្រ័យ និងដើររកស៊ីយ៉ាងចុះសម្របជាមួយហ្វូងគោស្រុករបស់ប្រជាពលរដ្ឋ។ ហេតុការណ៍ដ៏ប្លែកនេះ បានកើតឡើងនៅក្នុងភូមិស្រែវាល ឃុំធ្មា ស្រុកជ័យសែន ខេត្តព្រះវិហារ ដែលជាតំបន់ស្ថិតក្នុងដែនជម្រកសត្វព្រៃឡង់។