ការិយាល័យប្រជាពលរដ្ឋខេត្តសៀមរាប ចុះផ្សព្វផ្សាយពីតួនាទី និងកម្មវិធីទូរស័ព្ទដៃ “មតិយើង” ដល់និស្សិតសាកលវិទ្យាល័យក្នុងក្រុងសៀមរាប

ក្នុងន័យចូលរួមលើកកម្ពស់អភិបាលកិច្ចល្អក្នុងការផ្តល់សេវាសាធារណៈ និងការអភិវឌ្ឍនៅថ្នាក់ក្រោមជាតិ ការិយាល័យប្រជាពលរដ្ឋខេត្តសៀមរាប បានបន្តចុះធ្វើការផ្សព្វផ្សាយពីតួនាទី ភារកិច្ច និងសមត្ថកិច្ចរបស់ការិយាល័យប្រជាពលរដ្ឋរាជធានីខេត្ត ព្រមទាំងរបៀបប្រើប្រាស់កម្មវិធីទូរស័ព្ទដៃ «មតិយើង» ជូនដល់សាស្ត្រាចារ្យ និងនិស្សិតនៃសាកលវិទ្យាល័យនានាក្នុងក្រុងសៀមរាប តបតាមការណែនាំរបស់ក្រសួងមហាផ្ទៃ និងការចង្អុលបង្ហាញរបស់ ឯកឧត្តម លី សំរិទ្ធ ប្រធានក្រុមប្រឹក្សាខេត្ត។