ថ្នាក់ដឹកនាំខេត្តសៀមរាប ណែនាំមន្ទីរអង្គភាពជុំវិញខេត្ត ជំរុញការអនុវត្តផែនការយុទ្ធសាស្ត្រ ក៥ ឱ្យសម្រេចបានជោគជ័យតាមគោលដៅដែលបានគ្រោងទុក
នៅថ្ងៃទី៨ ខែមិថុនា ឆ្នាំ២០២៦ រដ្ឋបាលខេត្តសៀមរាប បានរៀបចំកិច្ចប្រជុំប្រចាំត្រីមាស ស្តីពីការពិនិត្យវឌ្ឍនភាពនៃការអនុវត្តផែនការសកម្មភាពគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ជ.អ.ជ ប្រចាំឆ្នាំ២០២៦ ដើម្បីពិនិត្យលើសមិទ្ធផលដែលអនុវត្តបានកន្លងមក ទាំងការងារកំណែទម្រង់រដ្ឋបាល ថ្នាក់ក្រោមជាតិ ការពង្រឹងសមត្ថភាពមន្ត្រី ការផ្តល់សេវាសាធារណៈជូនប្រជាពលរដ្ឋតាមរយៈយន្តការច្រកចេញចូលតែមួយ និងការអភិវឌ្ឍហេដ្ឋារចនាសម្ព័ន្ធមូលដ្ឋាន។
